• Хөвсгөл аймаг
  • Хөвсгөл аймаг
  • Хөвсгөл аймаг
ОЮУНЫ ХӨГЖЛИЙН БЭРХШЭЭЛТЭЙ ХҮҮХЭД ЗАЛУУСЫН “ ХӨГЖИЛД ХАМТДАА" ТУСГАЙ ОЛИМП АМЖИЛТТАЙ ЯВАГДАЖ БАЙНА...       Мөнгөний бодлогын мэдэгдэл...       АТГ-ын ажлын хэсэг манай аймагт...       2017 оны 3 дугаар улирлын мэдээ...       70381111 утас ажилуулах журам...       7038-1111 УТСАНД 2017.08.01 НЭЭС 08 САРЫН 31 ХҮРТЭЛХ ХУГАЦААНД НИЙТ 27 ДУУДЛАГА ИРСЭН БАЙНА...       "МӨНГӨН ТЭМДЭГТИЙН СОЁЛТОЙ ХЭРЭГЛЭЭ" АЯН...       7038-1111 утсанд ирсэн санал хүсэлт гомдол, түүний шийдвэрлэлт...       Монгол банкны мэдэгдэл...       Монгол банкнаас мэдээллэв...       2017 ОНЫ НЭГДҮГЭЭР САРЫН ЦАГ АГААРЫН УРЬДЧИЛСАН МЭДЭЭ ...       5 сарын Өргөдөл гомдлын мэдээ...       70381111 төвд байгууллагууд ажиллаж байна...       3 сарын өргөдөл гомдол...       2 сарын өргөдөл гомдлын мэдээ...      
ХӨВСГӨЛ НУУРЫГ ШИМ МАНДЛЫН НӨӨЦ ГАЗРУУДЫН ДЭЛХИЙН СҮЛЖЭЭНД БҮРТГҮҮЛЭХ УРЬДЧИЛСАН ХЭЛЭЛЦҮҮЛЭГ, СУРГАЛТ БОЛЖ ӨНДӨРЛӨЛӨӨ.

ЮНЕСКО-ийн Монголын үндэсний комисс нь ЮНЕСКО-ийн Бээжин дэх төлөөлөгчийн газар, БОАЖЯ болон орон нутгийн холбогдох байгууллагуудтай хамтран Хөвсгөл нуурыг Хүн ба шим мандлын нөөц газруудын дэлхийн сүлжээнд бүртгүүлэх урьдчилсан хэлэлцүүлэг, сургалтыг 2019 оны 6 дугаар сарын 27-29-ний өдрүүдэд Хөвсгөл аймгийн Хатгал тосгонд зохион байгуулж байна. Энэхүү хэлэлцүүлэг, сургалтын зорилго нь Хөвсгөл нуурыг Шим мандлын нөөц газруудын дэлхийн сүлжээнд бүртгүүлэхээр нэр дэвшүүлэхэд анхаарах асуудал, шалгуур үзүүлэлтүүдийг танилцуулах, мөн экогидрологийн шинэ аргачлалыг танилцуулж хэрэглэх боломжийн талаар авч хэлэлцэхэд оршиж байна. Хөвсгөл нуурыг Шим мандлын нөөц газруудын дэлхийн сүлжээнд бүртгүүлснээр Хөвсгөл нуурын олон улсын ач холбогдлыг нэмэгдүүлэх, түүний хадгалалт хамгаалалтыг сайжруулахад чухал ач холбогдолтой юм. 

Хэлэлцүүлэг, сургалтыг удирдан чиглүүлэхээр Португал улсын Алгарвегийн их сургуулийн профессор, ЮНЕСКО-ийн Экогидрологийн тэнхимийн зохицуулагч, доктор Луис Чичаро, Итали улсын "Тепилора, Посада Монталбо" шим мандлын нөөц газрын шинжээч, доктор Филиппо Ленцерини, Итали улсын Ледро Алпс, Жудикариа Шим мандлын нөөц газрын аялал жуулчлалын шинжээч Роберто Бомбарда, ЮНЕСКО-ийн Зүүн Азийн орнуудын Шим мандлын нөөц газруудын сүлжээний Нарийн бичгийн дарга, ЮНЕСКО-ийн Бээжин дэх төлөөлөгчийн газрын шинжлэх ухааны асуудал хариуцсан мэргэжилтэн Филипп Папаерт зэрэг төлөөлөгчид хүрэлцэн ирээд байна.

Үйл ажиллагааг нээн Хөвсгөл аймгийн засаг дарга Л.Ганболд, БОАЖЯ-ны ТХНУГ-ын дарга Э.Сансарбаяр, ЮНЕСКО-ийн Монголын үндэсний комиссын Ерөнхий нарийн бичгийн дарга С.Уянга, Хөвсгөлийн УТХГ-ын дарга П.Даваабаяр, Хөвсгөл аймгийн Иргэдийн төлөөлөгчдийн хурлын дарга Л.Төмөрбаатар нар үг хэлэв. Уг хэлэлцүүлэг, сургалтад үндэсний болон орон нутгийн төр, төрийн бус байгууллагуудын 50 гаруй төлөөлөл оролцлоо.

 

Нийтэлсэн: 2019-07-01 16:01:23
Танд мэдээлэл таалагдаж байвал like хийнэ үү. Баярлалаа

Сайтын хандалт

Өнөөдөр:   1
Нийт хандалт:   165904
Таны IP:   34.204.189.171
Facebook messenger