ХҮҮХЭД, ГЭР БҮЛИЙН ГИШҮҮДИЙН АЮУЛГҮЙ БАЙДЛЫГ ХАНГАЖ, ДЭЛГЭРМӨРӨН ГОЛД ЗАВЬТ ЭРГҮҮЛ АЖИЛЛУУЛАВ.

Олон улсын хүүхдийн эрхийг хамгаалах өдрийн үеэр иргэд, хүүхдүүдийг голын эрэг дагуу усанд орж тоглох, асран халамжлах хүнгүй бага насны хүүхдийг гол, усны болзошгүй осолд өртөх, гэмт хэрэг, зөрчлийн улмаас эрүүл мэнд, амь насаа алдаж хохирохоос урьдчилан сэргийлэх зорилгоор завьт эргүүлийг 2020 оны 05 дугаар сарын 31-нээс 06 дугаар сарын 03-ны өдрүүдэд Мөрөн сумын нутаг дэвсгэр Дэлгэрмөрөн голд ажиллууллаа.

Ажлын хэсгийн хуралдаанаар хэлэлцсэний дагуу уг ажлыг тусгай удирдамжийн дагуу аймгийн ОБГ, ЦГ, БСУГ, ГБХЗХГ хамтран зохион байгуулсан бөгөөд эргүүлийн бүрэлдэхүүнд давхардсан тоогоор дээрх байгууллагуудын төлөөлөл 19 албан хаагч 20 цагийн хугацаанд үүрэг гүйцэтгэсэн. Энэ хугацаанд гол усны холбогдолтой осол, иргэдийн амь нас, эрүүл мэнд хохирох тохиолдол бүртгэгдээгүй байна.

Харин Дэлгэрмөрөн голын ай сав дагуу болон хоёр голын дунд үерийн голомтод буусан 5 айл өрхөд аюулгүй газар нүүж буух гамшгаас хамгаалах улсын хяналтын байцаагчийн албан мэдэгдэл өгч, 248 насанд хүрэгч, 116 хүүхэд 364 орчим хүнд үер усны аюулаас сэрэмжлүүлэх яриа таниулга хийж, урьдчилан сэргийлэх гарын авлага 300 ширхэгийг тараасан. Мөн Дэлгэрмөрөн голын эрэг орчмоор архидан согтуурч байсан 65 иргэнд холбогдох арга хэмжээг авахууллаа.