Хөвсгөл аймгийн төсвийн гүйцэтгэлийн 2013 оны 1 сарын мэдээ
  • Хөвсгөл аймаг
  • Хөвсгөл аймаг
  • Хөвсгөл аймаг
Монгол банкны мэдэгдэл...       Монгол банкнаас мэдээллэв...       2017 ОНЫ НЭГДҮГЭЭР САРЫН ЦАГ АГААРЫН УРЬДЧИЛСАН МЭДЭЭ ...       5 сарын Өргөдөл гомдлын мэдээ...       70381111 төвд байгууллагууд ажиллаж байна...       3 сарын өргөдөл гомдол...       2 сарын өргөдөл гомдлын мэдээ...       ИРГЭДЭД ҮЙЛЧЛЭХ 7038-1111 ТӨВ”-ИЙН ҮЙЛ АЖИЛЛАГААНЫ ЯВЦЫН МЭДЭЭЛЭЛ...       Захиалагчийн хяналтын зардлын дансны орлого, зарлагын гүйлгээ...       Аймгийн Засаг дарга НҮБ-ын хүнс хөдөө аж ахуйн байгууллагын Монгол Улс дахь шадар суурин төлөөлөгч ноён перси Вашата Мисикаг хүлээн авч уулзлаа....       800 төрийн албан хаагч баяр наадмыг эхлүүлнэ....       Ер нь аливаа хөгжил залуучуудын идэвх санаачлага, оролцоон дээр л тулгуурлагдаж байдаг гэдгийг олж харсан нутгийнхаа удирдлагуудад талархаж байна. ...       Эрдэнэбулган сумын цэцэрлэг иж бүрэн тоглоомтой боллоо...       Замын сангийн гүйцэтгэл...       7038-1111 төвд иргэдээс ирсэн санал, гомдол...      
Хөвсгөл аймгийн төсвийн гүйцэтгэлийн 2013 оны 1 сарын мэдээ
Нийтэлсэн: 2013-04-12 00:00:00

Орлогын талаар:

2013 оны 1 сард аймгийн төсөвт нийтдээ 2 тэрбум 353.8 сая төгрөгийн орлого орох төлөвлөгөөтэйгээс гүйцэтгэлээр 2 тэрбум  265.5 сая төгрөгийн орлого орж орлогын төлөвлөгөө 96.2 хувийн биелэлттэй гарлаа.

1 сард аймгийн төсөвт улсын төсвөөс 1 тэрбум 843.8 сая төгрөгийн санхүүгийн дэмжлэг авч үлдсэн орлогыг татварын болон татварын бус орлогоор хангасан байна.

Татварын орлогоор 410.1 сая төгрөг орох төлөвлөгөөтэй байснаас гүйцэтгэлээр 390.1 сая төгрөгийн орлого орж төлөвлөгөөний биелэлт 81.7 хувьтай, татварын бус орлогоор 32.3 сая төгрөгийн орлого орох төлөвлөгөөтэйгээс 31.5 сая төгрөгийн орлого орж төлөвлөгөөний биелэлт 97.6 хувьтай тус тус гарлаа.

Төлөвлөгөөний биелэлтийн таслалтын шалтгаан нь аймгийн татварын хэлтэс, Галт, Жаргалант, Улаан-Уул, Цагааннуур, Цагаан-Уул, Цагаан-Үүр сумдууд орлогын төлөвлөгөөг тасалдуулсантай холбоотой.

Орлогын нэр төрлөөр нь авч үзвэл хүн амын орлогын албан татвар, өмчийн татвар, улсын тэмдэгтийн хураамж, газрын төлбөр, усны төлбөр, хог хаягдлын үйлчилгээний хураамж, төсөвт байгууллагын өөрийн орлого, бусад орлогын төлөвлөгөөнүүд тасалдсан байна.

 
Зарлагын талаар:

2013 оны 1 сард 5 тэрбум 883.2 сая төгрөгийн зарлага гарахаар төлөвлөгдсөн боловч 4 тэрбум 92.9 сая төгрөгийн зарлага гарч төлөвлөгөөний биелэлт 70.2 хувьтай гарсан ба төсөв хэтрүүлэн зарцуулсан байгууллага гараагүй байна.

Төсвийн тухай шинэчилсэн хууль,   төрийн болон орон нутгийн төсвийн хөрөнгөөр бараа, ажил үйлчилгээ худалдан авах  тухай хуулийн заалтуудын дагуу төсөвт байгууллагуудын бараа, ажил үйлчилгээнд зарлах тендерийн үйл ажиллагаа удааширснаас шалтгаалан   төсөвт байгууллагууд төлөвлөгдсөн зардлуудыг цаг тухай бүрт нь гаргаагүйгээс ийнхүү төсөв хэмнэгдсэн мэт харагдаж байна.

Цаашид төсөвт байгууллагууд бараа, ажил үйлчилгээ худалдан авах үнэлгээний хороо байгуулах, тендерийн бичиг баримт боловсруулах, тендер зарлаж гүйцэтгэгч байгууллагыг сонгин шалгаруулах ажиллагааг зохион байгуулах талаар онцгүй анхаарч ажиллах шаардлагатай байна.

 
Өр, авлагын талаар

2013 оны 1 сард төсөвт байгууллагуудын авлага 29.3 сая төгрөг гарсан нь өмнөх сар буюу 2012 оны 12 сарын 31-ний үлдэгдэлтэй харьцуулахад 420.9 мянган төгрөгөөр нэмэгдсэн нь Мөрөн суманд нэмэгдсэн байна.

Харин өглөгийн хувьд 2012 оны 12 сарын 31-ний үлдэгдэлтэй харьцуулахад 39.8 сая төгрөгөөр нэмэгдэж 58.8 сая төгрөгт хүрсэн байна.  Аймгийн асрамжийн газар, Алаг-Эрдэнэ сумын ЗДТГ, эмнэлэг, Арбулаг сумын соёлын төв, Бүрэнтогтох сумын сургууль, эмнэлэг, Галт сумын цэцэрлэг, Рашаант сумын сургууль, Төмөрбулаг сумын эмнэлэг, Цагаан-Үүр сумын эмнэлэг, Тариалан сумын сургууль, Ханх сумын эмнэлэг, Мөрөн сумын сургуулиуд 1 сард өр үүсгэсэн нь Төсвийн тухай хуулийн 41.2.2 заалтад заасан батлагдсан төсвийн хүрээнд зарлага гаргах , 39.4.2-т заасан өр авлага үүсгэхгүй байх гэсэн заалтуудыг зөрчиж байгаа тул нийт сумдын Засаг дарга болон төсөвт байгууллагын дарга, нягтлан бодогч нар анхаарч ажиллах шаардлагатай байна.

 
Тусгай шилжүүлгийн талаар:

Төсвийн тухай шинэчилсэн хуулиар Засгийн газрын чиг үүргийг орон нутагт төлөөлөн хэрэгжүүлэх чиг үүргийн дагуу 7 нэр төрлийн үйлчилгээний тусгай шилжүүлгээр 4 тэрбум 796.9 сая төгрөгийн санхүүжилтийг авч дараах байгууллагуудын үйл ажиллагааг санхүүжүүллээ. үүнд:

-          Сургуулийн өмнөх боловсролын байгуулагууд

-          Ерөнхий боловсролын байгууллагууд

-          Эмнэлгийн анхан шатны тусламж үзүүлэх байгууллагууд

-          Нийтийн биеийн тамирын байгууллага буюу аймгийн Биеийн тамир спортын газар

-          Газрын харилцаа, кадастрын байгууллага буюу ГХБХБГазар

-          Соёлын байгууллагууд буюу сумдын соёлын төв, ХДТ, музей, номын сан

-          Хүүхэд, хөгжил, гэр бүлийн хэлтэс

Санхүү, төрийн сангийн хэлтэс

Таньд мэдээлэл таалагдаж байвал like хийнэ үү. Баярлалаа

Ил тод байдал

Сайтын хандалт

Өнөөдөр:   0
Нийт хандалт:   139439
Таны IP:   54.158.170.212