• Хөвсгөл аймаг
  • Хөвсгөл аймаг
  • Хөвсгөл аймаг
ОЮУНЫ ХӨГЖЛИЙН БЭРХШЭЭЛТЭЙ ХҮҮХЭД ЗАЛУУСЫН “ ХӨГЖИЛД ХАМТДАА" ТУСГАЙ ОЛИМП АМЖИЛТТАЙ ЯВАГДАЖ БАЙНА...       Мөнгөний бодлогын мэдэгдэл...       АТГ-ын ажлын хэсэг манай аймагт...       2017 оны 3 дугаар улирлын мэдээ...       70381111 утас ажилуулах журам...       7038-1111 УТСАНД 2017.08.01 НЭЭС 08 САРЫН 31 ХҮРТЭЛХ ХУГАЦААНД НИЙТ 27 ДУУДЛАГА ИРСЭН БАЙНА...       "МӨНГӨН ТЭМДЭГТИЙН СОЁЛТОЙ ХЭРЭГЛЭЭ" АЯН...       7038-1111 утсанд ирсэн санал хүсэлт гомдол, түүний шийдвэрлэлт...       Монгол банкны мэдэгдэл...       Монгол банкнаас мэдээллэв...       2017 ОНЫ НЭГДҮГЭЭР САРЫН ЦАГ АГААРЫН УРЬДЧИЛСАН МЭДЭЭ ...       5 сарын Өргөдөл гомдлын мэдээ...       70381111 төвд байгууллагууд ажиллаж байна...       3 сарын өргөдөл гомдол...       2 сарын өргөдөл гомдлын мэдээ...      
ТӨРИЙН АЛБАНЫ ЗӨВЛӨЛИЙН ХӨВСГӨЛ АЙМАГ ДАХЬ САЛБАР ЗӨВЛӨЛ 2019 ОНЫ ТӨРИЙН АЛБАНЫ ЕРӨНХИЙ ШАЛГАЛТЫГ ЗОХИОН БАЙГУУЛСАН ТАЙЛАН 2019 оны 11 дүгээр сар 28 Мөрөн сум Нэг : Ерөнхий шалгалтын бүртгэлийн талаар Төрийн албаны ерөнхий

ТӨРИЙН АЛБАНЫ ЗӨВЛӨЛИЙН ХӨВСГӨЛ АЙМАГ ДАХЬ САЛБАР ЗӨВЛӨЛ

 

2019 ОНЫ ТӨРИЙН АЛБАНЫ ЕРӨНХИЙ ШАЛГАЛТЫГ

 ЗОХИОН БАЙГУУЛСАН ТАЙЛАН

 

2019 оны 11 дүгээр сар 28                                                                                   Мөрөн сум

 

                  Нэг : Ерөнхий шалгалтын бүртгэлийн талаар 

 

Төрийн албаны ерөнхий шалгалтын бүртгэл 2019 оны 10 дугаар сарын 01-ний өдрөөс 10 дугаар сарын 30-ний өдрийг хүртэл орон даяар явагдав. Шалгалтын бүртгэл явагдаж байх хугацаанд иргэдэд мэдээллийг тухай бүр нь цахим мэдээллийн хэрэгсэл, телевиз, хэвлэл мэдээллийн хэрэгслээр иргэдэд шуурхай хүргэж ажиллаа.

Төрийн албаны зөвлөлийн гишүүн Д.Баатарсайханаар ахлуулсан хэвлэлийн хурал,  Д.Баатарсайхан, референт Н.Алтанбагана нарын ярилцлага, мэдээллийг сурталчилсан.  Аймгийн Засаг даргын Тамгын газрын дарга бөгөөд Төрийн албаны Хөвсгөл аймаг дахь Салбар зөвлөлийн дарга Х.Ган-Очир  орон нутгийн “Түмний телевиз”, ”Хөвсгөл телевиз”, “Мөрөн телевиз” зэрэг телевизүүдтэй хамран ажиллаж бүртгэл, шалгалттай холбоотой мэдээллийг тухай бүр хийж хийв. Бүртгэлийн явц, анхаарах асуудлын талаар “Хөвсгөлийн өнгө”, “Эрх чөлөө” сайтуудтай хамтран лайв хийсэн нь нийт 15.0 мянга, шторк, мэдээллийг бэлтгэн орон нутгийн хамгийн олон гишүүд бүхий facebook группд байршуулсан нь 20,0 гаруй мянган иргэнд хүрчээ.

             

Төрийн албаны ерөнхий шалгалтад Хөвсгөл аймгаас нийт 420 иргэн бүртгүүлсэн нь бусад аймгуудаас хамгийн олон хүн бүртгүүлсэн тоон үзүүлэлт харагдаж байна.

Хоёр : Ерөнхий шалгалтын бэлтгэл ажлын  талаар

Ерөнхий шалгалтын бэлтгэл ажил, анхаарах асуудлын чиглэлээр Салбар зөвлөлийн хурлаар 3 удаа хэлэлцэж, нийт 11 асуулт, 22 санал гарсныг анхааран, бэлтгэл ажлын төлөвлөгөөнд тусган ажиллаа. Бэлтгэл ажлын төлөвлөгөөнд нийт 18 ажилтай баталж, шалгалтын өдрийн ажиллах ажил үүргийн хуваарийг тусад нь гарган хугацаа, гарах шийдвэрийг нь тодорхой тусгаж хэрэгжилтийг нь ханган ажиллав.

Шалгалтын явцын дэд бүтцийн найдвартай байдал, оролцогчдын аюулгүй байдлыг хангах үүднээс холбогдох байгууллагуудад  албан бичгийг хүргэн, “Хөвсгөл – Эрчим хүч” ХХК, “Мобиком корпорац” ХХК-ийн Хөвсгөл аймаг дахь салбар, аймгийн Цагдаагийн газар, Нэгдсэн эмнэлэг зэрэг байгууллагуудтай хамтран ажиллалаа.

Төрийн албаны зөвлөлөөс томилогдон ирсэн Хууль, зүйн дотоод хэргийн яамны ахлах мэргэжилтэн Ю.Алтанцэцэг болон аймгийн салбар зөвлөлийн дарга, гишүүд 2019 оны 11 дүгээр сарын 15-ны өдрийн 15:00 цагт аймгийн Биеийн тамирын спортын газар шалгалтад бүртгүүлсэн иргэдэд мэдээлэл хийж, иргэдэд ерөнхий шалгалтын гарын авлага тарааж өгөв. Уг үйл ажиллагаанд 280 гаруй иргэд хамрагдав.

 

                         

Төрийн албаны ерөнхий шалгалт 2019 оны 11 дүгээр сарын 16-ны өдрийн 9:00 цагт Хөвсгөл аймгийн Засаг даргын Тамгын газрын “Соёмбо” танхимд эхлэхээр бэлтгэлийг хангаж, шалгалт авах зориулалтаар төрийн 7 байгууллагаас 90 ширхэг компьютер (үүнээс 5 ширхэг компьютер нөөцөд), 1 байгууллагаас 35 ширхэг ширээ, 60 ширхэг сандлыг авчирж, нийт 90 иргэнээс шалгалт авах бэлтгэлийг хангав. Дэлгэцэд ерөнхий шалгалт авах утга бүхий баннерыг гаргав.

Заалны үүдэнд шалгалтын үйл ажиллагааг нийтэд ил тод харуулах дэлгэц, хүлээлгийн сандлуудыг байрлуулж, батламжаа хэвлэж амжаагүй иргэдийн батламжийг хэвлэх, нууц үгийг сэргээх зорилгоор интернет сүлжээнд холбогдсон компьютер, принтерийг бэлтгэн нэг төрийн албан хаагчийг ажиллуулав.

Шалгалтад бүртгүүлсэн 420 шалгуулагчийг нэг ээлжид 85 иргэн оролцохоор 5 ээлжээр шалгалтыг авахаар зохион байгуулав.   

Гурав: Ерөнхий шалгалтыг зохион байгуулсан тухай

            Ерөнхий мэдлэгийн шалгалт:

“Ерөнхий мэдлэгийн шалгалт”  2019 оны 11 дүгээр сарын 16-ний өдөр аймгийн Засаг даргын Тамгын газрын “Соёмбо” танхимд зохион байгуулагдаж, шалгалтад бүртгүүлсэн 420 иргэн оролцохоос 350 иргэн оролцов.

Шалгалтын нэгдүгээр ээлж 09:17 цагт эхэлж, шалгалтад оролцох 85 иргэнээс 70 иргэн шалгалтад оров. Шалгалтад бүртгүүлсэн 22 иргэнд утсаар шалгалтын цагийг мэдэгдэж, 14 иргэний нууц үгийг сэргээв. Шалгалтад оролцсон 70 шалгуулагчаас 23 иргэн 35 ба түүнээс дээш оноо авч шалгалтад тэнцэв.

            Хоёрдугаар ээлжийн шалгалт 11:20 цагт эхэлж, 85 иргэн оролцохоос иргэний үнэмлэхгүй 1, хоцорсон 6 иргэн ороогүй, 78 иргэн оролцов. Шалгалтад оролцсон  78 иргэнээс  17 шалгуулагч 35 ба түүнээс дээш оноо авч тэнцэв.

Шалгуулагч Болдбаатарын Хонгорзул нь хөгжлийн бэрхшээлтэй иргэн бөгөөд шалгалтын хуваарийн дагуу 11:00 цагаас шалгалтад орох байсан боловч, хэвлэж авсан баталгаажуулах хуудсанд 15:00 цагаас хуваарьтай байсны улмаас 11 цагийн шалгалтаас хоцорсон тохиолдол гарлаа. Үүнийг Төрийн албаны зөвлөлд мэдэгдэж Төрийн албаны зөвлөлөөс өгсөн шийдвэрийн дагуу 17:00 цагийн шалгалтад оруулахаар шийдвэрлэсэн болно.

 Гуравдугаар ээлжийн шалгалтад 85 иргэн оролцохоос 67 иргэн оролцов.       Шалгалт 13:05 цагт эхэлж, оролцсон  67 иргэнээс  11 иргэн  35 ба түүнээс дээш оноо авч тэнцэв.

Дөрөвдүгээр  ээлжийн шалгалт 14:30 цагт эхэлж, 85 оролцогчоос  67   иргэн  оров.  Шалгалтад 5 шалгуулагч 35 ба түүнээс оноо авч тэнцэв.

  Тавдугаар ээлжийн шалгалт 17:00 цагт эхэлж, 80  иргэн оролцохоос  68 иргэн оролцов. Шалгалт 18:00 цагт дуусаж, 7 иргэн шалгалтад 35 ба түүнээс дээш оноо авч тэнцэв. 11 цагийн шалгалтаас хоцорсон хэл яриа, үе мөчний бэрхшээлтэй иргэн Болдбаатарын Хонгорзул энэ ээлжийн  шалгалтад нэмэгдэж оров.

Төрийн албаны ерөнхий шалгалтад нийт 420 иргэн бүртгүүлж, 350 иргэн ерөнхий мэдлэгийн шалгалтад оролцож, 63 иргэн буюу нийт оролцогчдын 18 хувь нь 35 ба түүнээс дээш оноо авч тэнцэн дараагийн шалгалтад оролцох эрхтэй боллоо.

Шалгалтын явцыг нийтэд ил тод, хяналттай, шударга явуулах зорилгоор “Хөвсгөлийн өнгө” сайттай хамран ажиллаж, бүтэн өдөр иргэдэд шууд дамжуулсныг  5.0 мянга орчим иргэн үзсэн байна.

Монгол хэл, бичгийн чадварын шалгалт:

“Монгол хэл, бичгийн чадварын шалгалт”  2019 оны 11 дүгээр сарын 19-ны өдөр 09:05 цагт аймгийн Засаг даргын Тамгын газрын “Соёмбо” танхимд эхэлж, нэгдүгээр шат буюу “Ерөнхий мэдлэг”-ийн шалгалтад 35 ба түүнээс дээш оноо авч тэнцсэн 61 иргэн, мөн 6 иргэнийг Төрийн албаны зөвлөлөөс “34 оноо авсан, зурагтай тестийн оноог өгсөн” гэсэн шийдвэрээр монгол хэл, бичгийн шалгалтад нэмж оруулахаар болж шалгалтад    67 иргэн оролцох болов. Үүнээс 66 иргэн  шалгалтад оролцов.

Шалгалтын бүртгэл хариуцсан салбар зөвлөлийн гишүүд 42 иргэнд утсаар шалгалтын цагийг мэдэгдсэн байна.

Шалгалтад оролцсон 66 шалгуулагчаас 63 буюу 95 хувь шалгалтад тэнцсэн байна.

 

          Дүн шинжилгээ хийх чадварын шалгалт:

 

Шалгалт 11 дүгээр сарын 21-ний өдөр аймгийн Засаг даргын Тамгын газрын “Соёмбо” танхимд зохион байгуулагдав.

 “Дүн шинжилгээ хийх чадвар”-ын шалгалтад өмнөх шатанд 20 ба түүнээс дээш оноо авч тэнцсэн 63 шалгуулагч оролцов. Шалгалт 09:00 цагт эхэлж, 09:20 цагт дуусав. Шалгалтад 63 шалгуулагч оролцсоноос 42 иргэн шалгалтад 10 ба түүнээс дээш оноо авч тэнцэв. Энэ нь нийт шалгуулагчдын 66 хувь байна.

Шалгалтад тэнцээгүй оролцогчдоос 13 иргэнээс шалгалтын дүнг зөвшөөрөхгүй, дүн буруу байна, шалгалтын материалаа хянаж үзмээр байна гэсэн хүсэлтэй өргөдөл гаргасныг шийдвэрлүүлэхээр Төрийн албанд зөвлөлд шилжүүлээд байна.

Дөрөв: Дүгнэлт, санал

Хөвсгөл аймгаас нийт 420 иргэн шалгалтад бүртгүүлж, 350 иргэн шалгалтад оролцсоноос 42 иргэн буюу нийт оролцогчдын 12 хувь тэнцэв.

Шалгалтыг зохион байгуулж байгаа комиссоос 232 иргэнтэй утсаар холбогдож шалгалтын цагийг мэдэгдэж, 98 иргэний шалгалтын бүртгэлийн нууц үгийг сэргээж, баталгаажуулах хуудсыг хэвлэж өгөв.

Шалгалтыг зохион байгуулахад нийт 25 төрийн албан хаагч ажиллав.

Төрийн албаны зөвлөлөөс шалгалтыг зохион байгуулахад шаардлагатай 3376000 төгрөг хуваарилсныг Төрийн албаны зөвлөлөөс томилогдсон ажилтны томилолтын болон шалгалтын бэлтгэл ажил, ажилчдын хоол, бичиг хэргийн зардалд бүрэн зарцуулав.

Шалгалтын бэлтгэл болон явцын үед зохион байгуулалтын болоод бусад ямар нэг алдаа зөрчил гараагүй бөгөөд дүн шинжилгээний шалгалтад тэнцээгүй 13 иргэний гомдлыг Төрийн албаны зөвлөлд шилжүүлсэн.

Цаашид салбар зөвлөл Ерөнхий шалгалтыг зохион байгуулах бүрэн боломжтой.

Шалгалттай холбоотой цаашид анхаарах зүйлс:

  • Шалгалтад бүртгүүлсэн иргэдэд хөгжлийн бэрхшээлтэй иргэн хэд байгаа, ямар бэрхшээлтэй зэрэг мэдээллийг урьдчилан авч, зохих бэлтгэлийг хангах
  • Шалгалтын хоорондын хугацаа хол байгаа нь хөдөө орон нутгаас ирсэн иргэдэд хүндрэл учруулж байна
  • Үсгийн фонд жижиг, зурган тест танигдахгүй байсан
  • 2 дугаар шатны Монгол хэл, бичгийн чадварын шалгалтад нэмэгдэн орсон 6 иргэний 5 нь 7, 17, 27, 28  оноо авсан иргэд байсан нь шалгуулагчдын дунд эргэлзээ төрүүлж, “шалгалт  шударга бус явагдаж байна, шалгалтад унасан ч Төрийн албаны зөвлөлрүү холбоо бариад дараагийн шатны шалгалтад орж болдог” гэх зэрэг яриаг үүсгэсэн
  • Шалгуулагчийн шалгалтын материалыг шалгалт дууссаны дараа харж болдог байх нөхцөлийг бүрдүүлэх. Шалгалтын дүнтэй санал нийлэхгүй байгаа иргэд шалгалтын материалаа хянах, ямар тестэд оноо алдсан зэрэгцээ харах хүсэлтийг амаар болон бичгээр 21 иргэн гаргав.
  • Хөвсгөл аймгийн хэмжээнд одоогийн байдлаар 108 төрийн жинхэнэ албан тушаалын  сул орон тооны захиалга ирсэн байгаа бөгөөд ерөнхий шалгалтад 42 иргэн тэнцсэн нь нөөц бүрдэхгүй байгаа тул төрийн албаны ерөнхий шалгалтыг ойрын хугацаанд дахин авах саналыг хүргүүлж байна.  

 

                                                

 

 

ТАЙЛАН  БИЧСЭН :

                                  АЙМГИЙН ТӨРИЙН АЛБАНЫ САЛБАР ЗӨВЛӨЛИЙН

                                  НАРИЙН БИЧГИЙН ДАРГА                     Э.ЯНЖИН

 

                                                                        ХЯНАСАН:

                                    АЙМГИЙН ТӨРИЙН АЛБАНЫ САЛБАР ЗӨВЛӨЛИЙН

                                    ДАРГА                                                        Х.ГАН-ОЧИР

 

Нийтэлсэн: 2020-01-23 13:24:54
Танд мэдээлэл таалагдаж байвал like хийнэ үү. Баярлалаа

Сайтын хандалт

Өнөөдөр:   1
Нийт хандалт:   172960
Таны IP:   34.232.62.209
Facebook messenger