• Хөвсгөл аймаг
  • Хөвсгөл аймаг
  • Хөвсгөл аймаг
Хөвсгөл аймгийн 2017 оны төсвийн 7 дугаар сарын зарлагын гүйцэтгэл...       "МӨНГӨН ТЭМДЭГТИЙН СОЁЛТОЙ ХЭРЭГЛЭЭ" АЯН...       7038-1111 утсанд ирсэн санал хүсэлт гомдол, түүний шийдвэрлэлт...       Монгол банкны мэдэгдэл...       Монгол банкнаас мэдээллэв...       2017 ОНЫ НЭГДҮГЭЭР САРЫН ЦАГ АГААРЫН УРЬДЧИЛСАН МЭДЭЭ ...       5 сарын Өргөдөл гомдлын мэдээ...       70381111 төвд байгууллагууд ажиллаж байна...       3 сарын өргөдөл гомдол...       2 сарын өргөдөл гомдлын мэдээ...       ИРГЭДЭД ҮЙЛЧЛЭХ 7038-1111 ТӨВ”-ИЙН ҮЙЛ АЖИЛЛАГААНЫ ЯВЦЫН МЭДЭЭЛЭЛ...       Захиалагчийн хяналтын зардлын дансны орлого, зарлагын гүйлгээ...       Аймгийн Засаг дарга НҮБ-ын хүнс хөдөө аж ахуйн байгууллагын Монгол Улс дахь шадар суурин төлөөлөгч ноён перси Вашата Мисикаг хүлээн авч уулзлаа....       800 төрийн албан хаагч баяр наадмыг эхлүүлнэ....       Ер нь аливаа хөгжил залуучуудын идэвх санаачлага, оролцоон дээр л тулгуурлагдаж байдаг гэдгийг олж харсан нутгийнхаа удирдлагуудад талархаж байна. ...      
ХӨВСГӨЛ АЙМГИЙН ГАДААД ХАРИЛЦАА, ХАМТЫН АЖИЛЛАГААНЫ 2015 ОНЫ ЭХНИЙ 6 САРЫН МЭДЭЭЛЭЛ
Нийтэлсэн: 2015-08-25 09:49:47

Хөвсгөл аймаг нь сүүлийн жилүүдэд БНСУ-ын Тэжон хотын Согу дүүрэг, Япон улсын Нийгата муж, ОХУ-ын Буриад, Тува   болон БНСаха улстай  харилцаа холбоо тогтоон  эрүүл мэнд, боловсрол,  нийгэм эдийн засгийн  салбарт идэвхитэй хамтран ажиллаж байна.

Хоёр талт хамтын ажиллагааны чиглэлээр:

1.    ОХУ-аас Эрдэнэт хотод суугаа ерөнхий консул ОХУ-ын Ерөнхийлөгчийн зарлигаар  олгож байгаа “чөлөөлөх дайны ойн медаль”-ийг Хөвсгөл аймагт амьдарч байгаа  ахмад дайчдад гардуулж  өглөө.  

Хөвсгөл аймгийн хэмжээнд чөлөөлөх дайнд оролцож явсан 11 иргэн байгаагаас Мөрөн суманд 4, Цагаан-уул суманд 2, Ханх, Хатгал, Тариалан, Тосонцэнгэл, Жаргалан  сумдад тус бүр 1 ахмад дайчин амьдарч байна.

2.    Уламжлалт  “Эв модны наадам” 2015 оны 06 дугаар сарын 27-28-ний өдрүүдэд ОХУ-ын Буриад улсын Түнхэн аймагт зохион байгуулагдлаа. Уг наадамд Хөвсгөл аймгаас ЗДТГ-ын дарга Г.Төмөрбаатараар ахлуулсан 17 хүний бүрэлдэхүүнтэй баг очиж оролцов.

 

3.    2014 онд Хөвсгөл аймаг,  Япон улсын Нийгата  муж хоорондын  байгуулсан  хамтын ажиллагааны  гэрээнд тусгагдсан 2 талын өндөр  хэмжээний албан айлчлал зохион байгуулах заалтын дагуу аймгийн Засаг дарга А.Эрдэнэбаатар 2015 оны 06 сарын 15-19-ны хооронд тус  мужид ажлын айлчлал хийлээ. Айлчлалын бүрэлдэхүүнд Хөвсгөл  аймгийн Засаг дарга, ЗДТГ-ын  дарга Г.Төмөрбаатар, аймгийн БТСГ-ын дарга  Б.Баярсайхан, ЗДТГ-ын  гадаад  харилцаа хариуцсан мэргэжилтэн Н.Цэндмаа, Мөрөн сумын Засаг дарга Ц.Гансүх болон  бизнесийн төлөөлөлүүд нийт 12 хүн оролцлоо. Засаг даргын  айлчлалын үеэр  ноолуурын үйлдвэр, модны  үйлдвэрлэл, хот тохижилт, цэцэрлэгжүүлэлт, аялал жуулчлалын чиглэлээр  холбогдох байгууллагуудаар  орж,  үйл  ажиллагаатай  танилцаж  туршлага  судлалаа. Мөн энэ  үеэр 2 талын хооронд  сурагч, багш солилцооны хөтөлбөр хэрэгжүүлэхээр болж, энэ оны 8,9 сард  үйл ажиллагааг эхлэхээр  хэлэлцэн тохирлоо.

 

4.    БНСУ-ын Тэжон  хотын Согу дүүрэгтэй Хөвсгөл аймаг хамтын  ажиллагааны гэрээ  байгуулан ажиллаж байна. 2015 оны 07 сард  тус мужийн төлөөлөл  Хөвсгөл аймагт  албан айлчлал  хийхээр төлөвлөсөн байсан боловч, солонгос улсад MERS  вирусын  халдвар гарч,  онц байдал  зарласантай холбогдуулан  албан айлчлалын  түр  хойшлуулсан.

 

ОХУ-ын БНСаха  Улс, Хөвсгөл аймгийн Мөрөн  сумын  хамтын ажиллагаа:

ОХУ-ын БНСаха  Улсын  Хангальский дүүргийн Засаг  даргаар  ахлуулсан 8 хүний бүрэлдэхүүнтэй  баг  Хөвсгөл  аймагт ажлын айлчлал хийлээ.

Айлчлалын  хугацаанд тус улсын  Хангальский дүүрэг нь  манай аймгийн Мөрөн сумыг сонгон хамтран ажиллах санамж бичигт гарын үсэг зурж, баталгаажуулав.  Санамж  бичигт  эдийн засаг, нийгэм, соёл, спорт,  аялал жуулчлалын чиглэлээр 2  тал хамтран ажиллаж, харилцан  туршлага солилцох  асуудлыг тусган оруулсан. Цаашид 2 тал хамтран  худалдаа эдийн  засгийн  чиглэлээр хамтран ажиллах хүсэлтэй байгаагаа  аймгийн Засаг дарга А.Эрдэнэбаатар  төлөөлөгчдийг хүлээн  авах үеэр  илэрхийллээ.

Гадаад худалдаа, гадаадын хөрөнгө оруулалт, эдийн засгийн хамтын ажиллагааны чиглэлээр

 

1.    04 дүгээр  сарын 27-нд Япон  улсын Нийгата мужийн худалдаа аж үйлдвэрийн тэнхимийн гишүүд, тус мужийн ЗДТГ-ын гадаад харилцааны  хэлтсийн мэргэжилтэн хүрэлцэн ирж, Хөвсгөл аймгаас самнасан  ноолуур нийлүүлэх талаар судалгаа хийж, холбогдох газруудаар орж танилцав.

Аймгийн Засаг дарга А.Эрдэнэбаатар Япон улсын Нийгата мужийн төлөөлөгчдийг хүлээн авч уулзлаа. Энэ удаагийн уулзалтаар 2 тал цаашдын хамтын ажиллагааны талаар ярилцаж, боловсролын салбарт багш, сурагч солилцооны чиглэлээр хамтран ажиллах хүсэлтэй байгаагаа илэрхийллээ. Уулзалтанд Мөрөн сумын Засаг дарга Ц.Гансүх, “Хөвсгөл хүнс” ХК-ийн захирал Л.Цэрэнжав нар оролцож бизнес, хот байгуулалтын чиглэлээр туршлага солилцох талаар ярилцлаа.

2.    Аймгийн Засаг даргын  урилгаар НҮБ-ын хүнс хөдөө аж ахуйн байгууллагын Монгол Улс дахь шадар суурин төлөөлөгч Ноён Вашата Мисака  06 сард  Хөвсгөл аймагт  ажиллаа. 

            Шадар суурин төлөөлөгч хүнс хөдөө аж ахуйн чиглэлээр Хөвсгөл аймагт хэрэгжүүлж байгаа  төслийн талаар мэдээлэл  хийж,  2 тал харилцан санал  солилцлоо. Аймгийн зүгээс  уг төслийн хэрэгжилтэнд бодлогоор дэмжлэг  үзүүлэн хамтран  ажиллахаа илэрхийлж,  орон нутагт хөдөө аж  ахуй, байгаль орчны чиглэлээр  тулгамдаж байгаа  асуудлуудыг танилцуулж, хамтран ажиллах санал  тавьлаа.

            Ноён Вашата Мисакад  дээрх саналуудыг хүлээн авч “Онгон дагшин байдлаа хадгалан үлдсэн, үзэсгэлэнтэй байгальтай, найрсаг дотно Хөвсгөлийн ард иргэдтэй хамтран ажиллахдаа таатай байх болно” гэдгээ илэрхийлж, саналуудыг судлан үзэж, ойрын хугацаанд хариу өгөхөө мэдэгдлээ.

3.    Хөвсгөл аймаг нь НҮБ-ын Хүүхдийн сантай   хамтран  2016 он гэхэд  “Хүүхдэд ээлтэй орон нутаг” болохоор ажиллаж байна.  Хүүхдийн сангийн хөрөнгө оруулалтаар Хөвсгөл аймгийн 12 суманд  сургууль цэцэрлэгийн ариун цэврийн усан хангамжийг сайжруулах ажлыг  хийж,  гүйцэтгэлээ. Мөн  эх хүүхдийн эрүүл мэндийг сайжруулах, хүүхдийн хоол тэжээл, хүүхэд хамгаалал, хүүхдийн оролцоо, боловсролын   чиглэлээр  үйл ажиллагааг  явуулж байна.

 

Олон талт хамтын ажиллагааны чиглэлээр

Хөвсгөл аймаг нь Зүүн хойд Азийн Засаг захиргаадын нийгэмлэгийн  гишүүн байгууллагын хувьд тус байгууллагын үйл ажиллагаанд нь оролцон, мэдээ мэдээллээ тогтмол солилцон ажиллаж байна.

БСШУЯ-ны захиалгаар Аймгийн БСГ-ын дарга Н.Баатар-Очир 06 сард Япон улсын Токио хотод 3 хоногийн сургалтанд хамрагдаж, туршлага  судлаж ирсэн. Нэгдсэн эмнэлгийн  мэс заслын эмч Оюунжаргал БНХАУ-д  мэргэжил дээшлүүлэх сургалтанд 1 сарын хугацаанд хамрагдсан. Аймаг сумын төрийн болон  төрийн бус байгууллага, хувийн хэвшлийн  төлөөлөлүүд Япон, Филлипин, БНХАУ, БНСУ, ОХУ  зэрэг улсуудад  урт богино хугацаагаар сургалтанд  хамрагдсан байна.

Байгуулсан гэрээ, хэлэлцээр, бусад баримт бичиг

2015 оны  эхний  хагас  жилийн байдлаар Хөвсгөл  аймгийн Мөрөн сум, ОХУ-ын БНСаха  улсын Хангальский дүүргийн хооронд хамтын  ажиллагааны  санамж  бичигт гарын үсэг зурсан.

Аймгийн хэмжээнд гадаадын хөрөнгө оруулалттай нийт /7/ төсөл, хөтөлбөр хэрэгжиж байгаагаас аймагт өөрийн салбар нэгжтэй тогтмол үйл ажиллагаа явуулдаг /6/, бусад нь Улаанбаатар хотод төв салбартай бөгөөд үйл ажиллагаа нь төлөөлөгч болон сургагч багшаар дамжуулан явагдаж байна.

1.    Дэлхийн зөн Монгол ОУБ /Хонг-Конг-ын Дэлхийн зөнгийн санхүүжилтээр/

2.    Энх тайвны корпус

3.    Номын гүүр төсөл /Герман улс, Дэлхийн скаутын холбоо/

4.    НҮБ-ын Хүүхдийн сан

5.    Мал аж ахуйд сууриласан амьжиргааг цогц байдлаар дэмжих төсөл /Дэлхий банк, НҮБ-ын ХХАА/

6.    Зах зээл бэлчээрийн удирдлагын хөгжил төсөл /НҮБ-ын ХАА-г хөгжүүлэх олон улсын сангийн хөнгөлттэй зээл, Даян дэлхийн байгаль орчны сангийн буцалтгүй тусламжаар/

 

ДҮГНЭЛТ:

Ø  Хөвсгөл  аймаг 2015 онд гадаад харилцаа хамтын ажиллагааны чиглэлээр нийт 8 арга хэмжээтэйгээр төлөвлөж, аймгийн Засаг даргаар батлуулан хэрэгжүүлж байгаа бөгөөд одоогийн байдлаар  төлөвлөгөөний хэрэгжилт 62%-ийн биелэлттэй байна. 

 

Ø  Хөвсгөл аймаг нь өмнө нь харилцаатай байсан ОХУ-ын хил залгаа аймгууд болон БНСУ, Япон  улстай найрамдалт харилцаагаа хадгалан, идэвхитэй хамтран ажиллаж байна.

 

Ø  Энэ оны эхний  хагас жилийн байдлаар  ОХУ-ын БНСаха  улсын Хангальский  дүүрэгтэй анх удаа  хамтран  ажиллахаар  болж,  хамтын ажиллагааны санамж бичигт гарын  үсэг  зурлаа.

 

Ø  Япон улсын Нийгата  мужтай хамтын ажиллагааг сайжруулахаар Монгол ахуй, аймгийн байгалийн түүх дурсгалт газар, ёс, зан заншил, хүүхэд, сургууль, боловсролын байгууллагын онцлог, үйл ажиллагаатай танилцуулах, соёлын аялал жуулчлалыг хөгжүүлэх зорилгоор сурагч солилцооны хөтөлбөрийг  энэ оны 08 сараас эхлэн хэрэгжүүлэхээр ажиллаж байна. 

Таньд мэдээлэл таалагдаж байвал like хийнэ үү. Баярлалаа

Ил тод байдал

Сайтын хандалт

Өнөөдөр:   0
Нийт хандалт:   144068
Таны IP:   23.20.103.97