Аймгийн Засаг даргын “Хөгжлийн хөтөч” үйл ажиллагааны хөтөлбөрт иргэний эрүүл мэндийн чиглэлээр анхан шатны эрүүл мэндийн төвүүдэд” Мобайл” технологийг нэвтрүүлэхээр тусгагдсан. Энэхүү зорилтын хүрээнд Мөрөн сумын 5 өрхийн Эрүүл мэндийн төвүүдэд “Мобайл” технологийг нэвтрүүлж, орчин үеийн хэрэгцээ шаардлагад нийцсэн, шинэ дэвшилтэт техник, тоног төхөөрөмжөөр хангажээ. Эдгээр Эрүүл мэндийн төвүүдэд 34,8 сая төгрөгийн өртөгтэй 9 нэр төрлийн тоног төхөөрөмж, 7 нэр төрлийн хурдавчилсан оношлуурыг аймгийн Эрүүл мэндийн газарт хүлээлгэн өгч холбогдох тоног төхөөрөмжийг ашиглах талаар өрхийн Эрүүл мэндийн төвийн эмч нарт сургалт зохион байгуулагдаж байна. Үүний үр дүнд зорилтот бүлгийн ард иргэдийг үнэ төлбөргүй оношилж, хүн төвтэй эрүүл мэндийн цогц тусламж үйлчилгээг газар дээр нь үзүүлэх боломж бүрдэж байна.