Авлигатай тэмцэх газрын Хяналт шалгалт, дүн шинжилгээний хэлтсийн дарга, ахлах комиссар Х.Хашбаатараар ахлуулсан 6 хүний бүрэлдэхүүнтэй ажлын хэсэг 2019 оны 10 дугаар сарын 28, 29-ны өдрүүдэд Хөвсгөл аймагт ажиллана.

Өнөөдөр Аймгийн ЗДТГ-ын газрын Соёмбо танхимд байгууллага, аж ахуй нэгжийн дарга, удирдлага, нийтийн албан тушаалтнуудтай уулзаж сургалт мэдээлэл өгч байна. Мөн 14:00 цагаас соёмбо танхимд иргэдтэй уулзалт хийнэ. 
Ажлын хэсгийн бүрэлдэхүүн ажиллах хугацаандаа 2018, 2019 онд Хөвсгөл аймагт хүргүүлсэн албан зөвлөмжийн биелэлттэй танилцах, Авлигатай тэмцэх үндэсний хөтөлбөрийн хэрэгжилтэд дүн шинжилгээ хийх, иргэд олон нийтэд авилгын хор хөнөөл, түүнээс урьдчилан сэргийлэх чиглэлээр сургалт сурталчилгаа зохион байгуулах юм.
Мөн төрийн албан хаагч болон иргэдийн санал, гомдлыг нээлттэй хүлээн авч сонирхсон асуултад хариулт өгч ажиллах юм байна.