Хөвсгөл аймгийн хэмжээнд архи, согтууруулах ундаагаар үйлчлэх худалдан борлуулахыг хориглосон аймгийн Онцгой комиссын шийдвэрийг зөрчин архи согтууруулах ундаа худалдаалж байсан 16 иргэн аж ахуйн нэгжид хариуцлага тооцсон байна.

Тус аймаг дахь Цагдаагийн газраас дээрх зөрчлийг илрүүлж шийдвэрийг зөрчсөн 9 аж ахуйн нэгж иргэний тусгай зөвшөөрлийг 2 сарын хугацаатай түдгэлзүүлж, 7 иргэн аж ахуйн нэгжийн тусгай зөвшөөрлийг цуцалсан гэдгийг Хөвсгөл аймгийн Засаг даргын тамгын газрын Хууль эрх зүйн хэлтсийн дарга Г.Гандэлгэр мэдээллээ. Мөн архи согтууруулах ундаагаар үйлчлэх, худалдан борлуулахыг хориглосноос хойш гэмт хэрэг 24-өөр буюу 66 хувиар буурсан ажээ.