• Хөвсгөл аймаг
  • Хөвсгөл аймаг
  • Хөвсгөл аймаг
ОЮУНЫ ХӨГЖЛИЙН БЭРХШЭЭЛТЭЙ ХҮҮХЭД ЗАЛУУСЫН “ ХӨГЖИЛД ХАМТДАА" ТУСГАЙ ОЛИМП АМЖИЛТТАЙ ЯВАГДАЖ БАЙНА...       Мөнгөний бодлогын мэдэгдэл...       АТГ-ын ажлын хэсэг манай аймагт...       2017 оны 3 дугаар улирлын мэдээ...       70381111 утас ажилуулах журам...       7038-1111 УТСАНД 2017.08.01 НЭЭС 08 САРЫН 31 ХҮРТЭЛХ ХУГАЦААНД НИЙТ 27 ДУУДЛАГА ИРСЭН БАЙНА...       "МӨНГӨН ТЭМДЭГТИЙН СОЁЛТОЙ ХЭРЭГЛЭЭ" АЯН...       7038-1111 утсанд ирсэн санал хүсэлт гомдол, түүний шийдвэрлэлт...       Монгол банкны мэдэгдэл...       Монгол банкнаас мэдээллэв...       2017 ОНЫ НЭГДҮГЭЭР САРЫН ЦАГ АГААРЫН УРЬДЧИЛСАН МЭДЭЭ ...       5 сарын Өргөдөл гомдлын мэдээ...       70381111 төвд байгууллагууд ажиллаж байна...       3 сарын өргөдөл гомдол...       2 сарын өргөдөл гомдлын мэдээ...      
ТӨРИЙН БАЙГУУЛЛАГУУДЫН ЁС ЗҮЙН ЗӨВЛӨЛИЙН НЭГДСЭН ЗӨВЛӨГӨӨН ЭХЭЛЛЭЭ

 

 

Улсын Их Хурал,  Төрийн албаны зөвлөл, НҮБ-ын Хөгжлийн хөтөлбөр, Канад Улсын элчин сайдын яам хамтран зохион байгуулж байгаа “Итгэл даах төрийн албаны төлөө” уриатай зөвлөгөөн өнөөдөр /2020.09.10/ эхэллээ.

 

Зөвлөгөөнийг нээж Улсын Их Хурлын дарга Г.Занданшатар, Улсын Их Хурлын гишүүн, Ёс зүй, сахилга хариуцлагын байнгын хорооны дарга Б.Бат-Эрдэнэ, Төрийн албаны зөвлөлийн дарга Б.Баатарзориг, Канад Улсаас Монгол Улсад суугаа онц бөгөөд бүрэн эрхт элчин сайд Катрин Ивкоф, НҮБ-ын Хөгжлийн хөтөлбөрийн суурин төлөөлөгчийн орлогч Нашида Саттар нар тус тус үг хэлэв.

 

Зөвлөгөөнд 14 яам болон 21 аймаг, нийслэлийн 9 дүүрэг, Говь-Алтай аймгийн сумдын төрийн байгууллагын ёс зүйн зөвлөлийн бүрэлдэхүүнд ажилладаг төрийн захиргааны албан хаагчдын төлөөлөл болсон нийт 120 албан хаагч оролцож байна. Ковидын халдвараас сэргийлэх, халдвар хамгааллын дэглэмийн дагуу уг зөвлөгөөнийг нутгийн захиргааны байгууллагад ажиллаж байгаа төрийн албан хаагчдад хүртээмжтэй байлгах зорилгоор 21 аймаг, 330 сумын төрийн байгуулагуудад цахим системээр шууд дамжуулан хүргэж байна.  

 

Зөвлөгөөнд Монгол Улсын Шинжлэх ухааны гавьяат зүтгэлтэн, Академич Эмерит профессор С.Нарангэрэл болон бусад эрдэмтэн судлаачид төрийн албан хаагчийн ёс зүйн талаар илтгэл тавин оролцоно.

 

Тус зөвлөгөөнийг НҮБ-ын Хөгжлийн хөтөлбөрийн “Монгол Улсад мэргэжлийн, иргэн төвтэй төрийн албыг төлөвшүүлэх нь” төслийн дэмжлэгтэй зохион байгуулж байгаа бөгөөд төрийн байгууллагуудын ёс зүйн зөвлөлийн үйл ажиллагааг нэгдсэн удирдлага, зохион байгуулалтаар хангах, ёс зүйн хэм хэмжээг сахиулах, ёс зүйн зөрчлөөс сэргийлэх талаар нэгдмэл ойлголтод хүрэх зэрэг үр дүнг гаргахаар төлөвлөж байна.

 

Энэхүү нэгдсэн зөвлөгөөнийг 2020 оны 9 дүгээр сарын 11-ний өдөр төрийн үйлчилгээний байгууллага, 14-ний өдөр Улсын Их Хурлаас удирдлага нь томилогддог байгууллага болон Засгийн газрын агентлагийн ёс зүйн зөвлөлийн бүрэлдэхүүнд үргэлжлүүлэн зохион байгуулах юм.

 

 

ТӨРИЙН АЛБАНЫ ЗӨВЛӨЛИЙН АЖЛЫН АЛБА

 

Нийтэлсэн: 2020-09-12 11:41:03
Танд мэдээлэл таалагдаж байвал like хийнэ үү. Баярлалаа
Facebook messenger