“Иргэдийн өргөдөл гомдлыг шийдвэрлэхтэй холбогдсон зарим арга хэмжээний тухай” Засгийн газрын 2005 оны 67 дугаар тогтоол, аймгийн Засаг даргын 2006 оны 67 дугаар захирамжаар батлагдсан журмыг баримтлан Хөвсгөл аймгийн Засаг даргын Тамгын газар, 1 тосгон, 23 сумын Засаг даргын Тамгын газар, аймгийн Засаг даргын эрхлэх асуудлын хүрээний 21 агентлаг байгууллагын мэдээ тайланг 2020 оны гуравдугаар улирлын байдлаар нэгтгэн гаргалаа.

            2020 оны гуравдугаар улирлын байдлаар Хөвсгөл аймгийн төрийн байгууллага, албан тушаалтанд хандаж иргэдээс нийт 22972 өргөдөл, гомдол, санал хүсэлт ирснээс 15908 буюу 69.24 хувь нь Засаг даргын эрхлэх асуудлын хүрээний агентлагуудад, 6909 буюу 30.07 хувь нь сумдын Засаг даргын Тамгын газрын холбогдох албан тушаалтанд, 155 буюу 0.67 хувь нь, аймгийн Засаг даргын Тамгын газарт тус тус ирсэн байна.

            Тайлангийн хугацаанд ирсэн өргөдөл гомдлыг зонхилох байдлаар авч үзвэл: Нийгмийн даатгал, нийгмийн халамжийн үйлчилгээ, газар эзэмших, өмчлөхтэй холбоотой хүсэлтүүд дийлэнх хувийг эзэлж байна.

            Нийт 22972 өргөдөл ирснээс 22270 буюу 97 хувийг шийдвэрлэн хариу өгч, бусад байгууллагад шилжүүлсэн 165, хугацаа хэтрүүлж шийдвэрлэсэн 24, хугацаа болоогүй 702 өргөдөл байна. Ирсэн өргөдөл гомдлыг хэлбэрээр нь ангилбал 22198 буюу 96.6 хувь нь бичгээр, 448 буюу 1.9 хувь нь цахимаар, 206 буюу 0.89 хувь нь биечлэн уулзсан бол,  86 буюу 0.37 хувь нь утсаар, 34 буюу 0.14 хувь нь 1111 төвөөр санал хүсэлтээ тус тус илэрхийлжээ.

            2020 оны 5 дугаар сард Хөвсгөл аймгийн 23 сум 1 тосгонд опериаторийн үйлчилгээг бүрэн нэвтрүүлсэн. Энэ үйлчилгээ нэвтэрснээр иргэд 54 төрлийн лавлагааг сумдын опериаторийн ажилтнаар дамжуулан нэг дороос өөрт шаардлагатай лавлагааг авах боломж бүрдсэн. Энэ үйлчилгээтэй нэвтэрснээр сумдад мэдээлэл лавлагаа хүссэн өргөдлийн тоо нэмэгдэх болсонтой холбогдуулан өмнөх улиралтай харьцуулахад бусад өргөдөл гомдлын тоо өссөн үзүүлэлттэй байна.

ХӨВСГӨЛ АЙМГИЙН ЗАСАГ ДАРГЫН ТАМГЫН ГАЗАР