Төрийн байгууллага нь Авлигын эсрэг хуулийн 6 дугаар зүйлд зааснаар  Авлигаас урьдчилан сэргийлэх чиглэлээр тодорхой үүргүүдийг  хүлээсэн байдаг.

         Монгол Улсын Их Хурлын 2016 оны 51 дүгээр тогтоолоор батлагдсан Авлигатай тэмцэх үндэсний хөтөлбөрийн 4.1.10.2-т “Боловсролын байгууллага болон гэр бүлээр дамжуулан авлигыг үл тэвчих, шударга иргэнийг төлөвшүүлэх зорилгоор олон талт арга хэмжээ зохион байгуулах” үйл ажиллагааг хэрэгжүүлэхээр тусгагдсаны дагуу авлигын хор хөнөөлийг таниулах ном, гарын авлага, авлигын гэмт хэргийг шийдвэрлэсэн шүүхийн тогтоол, судалгааны тайлан, илтгэлийн эмхэтгэл зэрэг материалуудыг  нийтийн хүртээл болгох, оюутан, судлаачдад танилцах, судлах боломжийг олгох зорилгоор аймгийн Нийтийн номын санд  “Авлигын эсрэг номын булан”-г нээн ажиллуулаад байна.