“КОВИД-19 ЦАР ТАХЛЫН ХАЛДВАРЫН ҮЕИЙН ХАРИЛЦАН АЖИЛЛАГАА, ХАРИУ АРГА ХЭМЖЭЭНИЙ ДАДЛАГА СУРГУУЛЬ” ХӨВСГӨЛ АЙМАГТ АМЖИЛТТАЙ ЗОХИОН БАЙГУУЛАГДЛАА

Дэлхий нийтэд тархаад байгаа цар тахлаас урьдчилан сэргийлэх, тэмцэх зорилготой “КОВИД-19 цар тахлын халдварын үеийн харилцан ажиллагаа, хариу арга хэмжээний дадлага сургууль” 2020 оны 05 дугаар сарын 06-08-ны өдрүүдэд улсын хэмжээнд зохион байгуулагдлаа.

Халдварт цар тахлаас урьдчилан сэргийлэх, хүч хэрэгслийн бэлэн байдлыг дээшлүүлэх, гурван түвшний удирдлагыг нягтруулах, салбар дундын хамтын ажиллагааг уялдуулан зохицуулах, онцгой нөхцөл байдлын үеийн хариу арга хэмжээний тактикийг боловсронгуй болгох, хорио цээр, халдвар хамгааллын дэглэм тогтоох чиглэлээр хээрийн хүн эмнэлэг дэлгэх дадлага сургуулийг 3 шат, 3 үетэйгээр зохион байгуулсан юм.

Цаг үеийн нөхцөл байдалтай холбогдуулан дадлага сургуульд 21 аймаг, нийслэл, сум, дүүрэг, гамшгаас хамгаалах албад, яам, агентлаг, төрийн цэргийн байгууллага, Үндэсний аюулгүй байдлыг хангах тусгайлсан чиг үүрэг бүхий байгууллагууд, Нэгдсэн үндэстний байгууллага, хүмүүнлэгийн багууллага, хуулийн этгээд зэрэг 60 гаруй салбар нэгжийн 20 гаруй мянган ажилтан, албан хаагч цахимаар оролцлоо.

Дээрхи дадлага сургуульд Хөвсгөл аймгийн Онцгой комисс, гамшгаас хамгаалах албад, тусгай болон ерөнхий зориулалтын мэргэжлийн анги, 23 сум 1 тосгоны нийт 260 албан хаагч оролцлоо.

Дадлага сургуулиар аймгийн нутаг дэвсгэрт цар тахал дэгдсэн үеийн салбар дундын хамтын ажиллагаа, хариу арга хэмжээний тактик, төлөвлөлт, нөөц бүрдүүлэлт, эрсдэл болон чадамжаа үнэлэх зэрэг олон асуудлыг тодорхой болгож шийдвэрлэснээрээ ач холбогдолтой байлаа.