Санхүүгийн албаны дарга нарт 2015 оны нэгдсэн тайлан, төсвийн гүйцэтгэлийн мэдээ гаргахтай холбоотой залруулга бичилт хийх нэгдсэн мэдээлэл өгөх, төлбөр тооцоо хариуцсан мэргэжилтэн нарт Засгийн газрын санхүүгийн удирдлага мэдээллийн системд бүртгэж буй төлбөр тооцоог үнэн зөв гүйцэтгэх чадвар олгох, төлбөр тооцоо гүйцэтгэхтэй холбоотой гарсан журам зааврын талаарх мэдлэгийг үнэлэн, мэдээлэл өгөх, төсвийн хэрэгжилтэнд тавих хяналтыг сайжруулах зорилготой сургалтыг хөтөлбөрийн дагуу 2016.02.26-ны өдөр  амжилттай зохион байгууллаа. Уг сургалтанд нийт 48 хүн оролцох ёстойгоос Рэнчинлхүмбэ сумын төлбөр тооцоо хариуцсан мэргэжилтэн ирээгүй 47 хүн оролцлоо. 

СТСХ-ийн дарга Г.Сувд сургалтын үйл ажиллагааг нээн 2016 онд хэлтсээс баримтлах бодлого чиглэл, өнөөгийн байдлыг талаар мэдээллийг хийж хэлтсийн мэргэжилтэнүүдийг танилцууллаа. Үүний дараа сумдын шинээр томилогдож буй төлбөр тооцоо хариуцсан мэргэжилтэн нартай танилцах, сургалтанд хамрагдаж буй хүмүүс өөрсдийгөө танилцууллаа.

Сургалтын үйл ажиллагааг ЗДТГ-ын “Сүлд” танхимд зохион байгуулсан бөгөөд албаны дарга, төлбөр тооцоо хариуцсан мэргэжилтэн нарын мэдлэгийг үнэлэх, цаашид сургалт зохион байгуулхад анхаарах асуудал, сумдын эрсдэлийн үнэлгээг хийх асуулга бэлтгэн авч үр дүнг нэгтгэлээ.

14.00 цагаас сургалтын үйл ажиллагааг 2 хэсэгт хуваан санхүүгийн албаны дарга нарын сургалтыг ерөнхий санхүүч Ц.Мөнхтуяа удирдан зохион байгуулж, төлбөр тооцоо хариуцсан мэргэжилтэний сургалтыг дотоод хяналт хариуцсан мэргэжилтэн Б.Цэлмэгтуяа зохион байгууллаа. Төлбөр тооцоо хариуцсан мэргэжилтэн нарын сургалтыг хөтөлбөрт тусгасан агуулгын дагуу зохион байгуулсан бөгөөд практик дадлага олгох зорилгоор ЗГСУМС-д нэвтрэн программын хэрэглэгчийн сургалтыг төлбөр тооцоо хариусан мэргэжилтэн Г.Эрдэнэчимэг орлоо. Шинээр томилогдож байгаа төлбөр тооцоо хариуцсан мэргэжилтэн нарын хувьд үр өгөөжтэй сургалт болж чадсан нь сургалт үнэлэх судалгааны үр дүнгээс харагдаж байна.

Сургалт хөтөлбөрийн дагуу амжилттай зохион байгуулагдаж дуусаж биеийн чилээгээ гаргаж, эрүүл мэнддээ анхаарах зорилгоор Гурван аврага ахлах сургуулийн зааланд Баруун, Зүүн, Урд, Хойд бүс гэж 4 бүсэд хуваагдан гар бөмбөгийн тэмцээнийг зохион байгуулж Зүүн бүсийн баг тамирчид түрүүлэн, Урд бүсийн тамирчид маань удааллаа.