“Хөгжлийн хөтөч” Аймгийн Засаг даргын 2016-2020 оны үйл ажиллагааны хөтөлбөрийн “Оновчтой бодлого хариуцлагатай төсөв” төсөв санхүүгийн дэд хөтөлбөрийн хүрээнд 2017 оны зорилгоо “Төрийн санхүүгийн ажилтнууд болон олон нийтийн санхүүгийн мэдлэг боловсролыг дээшлүүлэх“ гэж тодорхойлсон.

 Энэхүү зорилгын хүрээнд бид сумдын санхүүгийн албаны дарга, төлбөр тооцооны мэргэжилтэн нарын мэдлэг боловсролыг дээшлүүлэх, арга зүйгээр хангуулах зорилготой сургалтыг авахаар Сангийн яаманд хүсэлт гаргасан. Энэхүү хүсэлтийг хүлээн авч Сангийн яам сургалтыг 2017.04.13-15-ны өдрүүдэд зохион байгуулахаар хөтөлбөр батлуулан ирүүлсэн. Сургалт хөтөлбөрийн дагуу амжилттай зохион байгууллагдлаа.  Сургалтанд 24 сумын төлөөлөл /санхүүгийн албаны дарга, төлбөр тооцоо хариуцсан мэргэжилтэн/ Санхүү, төрийн сангийн хэлтсийн 8 мэргэжилтэн гээд нийт 52 хүн хамрагдлаа.

Сургалтыг нээж Сангийн яамны төрийн сангийн газрын дарга С.Наранцогт үг хэлсэн бөгөөд сургалтын гол зорилго нь нэгжийн түвшинд ажиллаж байгаа төрийн сангийн ажилчдын мэдлэг боловсролыг дээшлүүлж, чадавхжуулах, мөн одоогийн нөхцөл байдлыг таниулах нь маш чухал байгааг хэлэв.

Эхний өдрийн сургалт хөтөлбөрийн дагуу  явагдлаа. Үүнд:

Төсвийн бодлого төлөвлөлтийн газраас:

• Монгол Улсын төсвийн төлөв байдал сэдвээр зөвлөх н.Батсүх.
• Орон нутгийн хөгжлийн сангийн хууль журмын өөрчлөлт болон аргачлал талаар Б.Оюунтуяа.

Төрийн сангийн газар, төлбөр тооцооны хэлтэс:

• Төрийн сангийн тогтолцоо, чиг үүргийн тухай – төрийн сангийн газрын, Төлбөр тооцооны хэлтсийн ахлах мэргэжилтэн Л.Наранчимэг

Хууль эрх зүйн газар:

• Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуулийн хэрэгжилт анхаарах асуудал – Хууль, эрх зүйн газрын ахлах мэргэжилтэн Л.Амгалан

Санхүүгийн хяналт, эрсдлийн удирдлагын газар:

• Эрсдэл, эрсдэлийн удирдлага -  санхүүгийн хяналт, эрсдэлийн удирдлагын газрын мэргэжилтэн Г.Мөнхцэцэг

Нягтлан бодох бүртгэлийн бодлогын газар

• Нягтлан бодох бүртгэлийн тухай, аудитын тухай хуулиудын хэрэгжилтийн байдал -  ахлах мэргэжилтэнг Б.Болормаа

Төрийн сангийн газар, санхүүжилт тайлан бүртгэлийн хэлтэс

• Санхүүжилт, мэдээ, гүйцэтгэлийн тайлагналт – мэргэжилтэн Т.Мөнгөнцэцэг

. Төрийн сангийн газар, төлбөр тооцооын хэлтэс

• Шилэн дансны хуулийн тухай, Төрийн сангийн дотоод хяналтыг хэрэгжүүлэх нь – ахлах мэргэжилтэн Л.Наранчимэг нар мэдээллийг хийж сургалт мэдээлэлтэй холбоотой орон нутагт гарч буй хүндрэл бэрхшээл, тодруулах зүйлсийг тухай бүр асууж лавлан үр өгөөжтэй сургалт болж өндөрлөлөө

                  Эхний өдрийн энэхүү сургалт нь Татварын ерөнхий газрын сургалтын зааланд зохион байгуулагдсан бөгөөд сургалтын дараа сургалтанд оролцогчид Сангийн яамаар орж танилцан зураг авхууллаа.

2 дахь өдөр нь Засгийн газрын ордонд орж Есөн хөлт цагаан тугандаа мөргөж Улсын Их Хурлын гишүүн Ц.Даваасүрэнтэй дурсгалын зураг татуулсан.

  Улаанбаатар хотын Хан-Уул дүүргийн үйл ажиллагаатай танилцаж туршлага солилцон, мөн орон нутгийн хөгжлийн сангаар хийгдсэн ажил болон үйлдвэртэй танилцлаа.

                  Хан-Уул дүүргийн санхүү, төрийн сангийн хэлтсийн зүгээс маш найрсаг дотноор хүлээн авч туршлага солилцлоо. Мөн “АПУ”ХХК-ны сүүний үйлдвэртэй танилцсан.

                  Сангийн яам, Хан-Уул дүүргийн баг хамт олонтой нөхөрсөг гар бөмбөгийн тэмцээнийг зохион байгуулж манай эмэгтэй баг 1-р байр, эрэгтэй баг 2-р байрт орж нийлбэр дүнгээр 1-р байранд орлоо.

Сургалтын үр дүн:

• Сумдын санхүүгийн албаны дарга, төлбөр тооцоо хариуцсан мэргэжилтэнүүд бодлого барьж буй дээд шатны байгууллагаар орж үйл ажиллагаа болон барьж буй бодлого чиглэлтэй танилцан мэдэж авсан нь цаашдын ажил хэрэгт үр өгөөжтэй ажил боллоо гэж дүгнэж байна.
• Хан-Уул дүүргийн Санхүү, төрийн сангийн хэлтэстэй хамтын ажиллагаатай болсон нь бидэнд туршлага солилцох, цаашид хамтран ажиллах үүд хаалга болж өгсөн.
• Төрийн сангийн ажилчдын мэдлэг боловсролыг дээшлүүлэх, туршлага солилцох гэсэн зорилгодоо бүрэн хүрч чадсан гэж үзэж байна.