• Хөвсгөл аймаг
  • Хөвсгөл аймаг
  • Хөвсгөл аймаг
ОЮУНЫ ХӨГЖЛИЙН БЭРХШЭЭЛТЭЙ ХҮҮХЭД ЗАЛУУСЫН “ ХӨГЖИЛД ХАМТДАА" ТУСГАЙ ОЛИМП АМЖИЛТТАЙ ЯВАГДАЖ БАЙНА...       Мөнгөний бодлогын мэдэгдэл...       АТГ-ын ажлын хэсэг манай аймагт...       2017 оны 3 дугаар улирлын мэдээ...       70381111 утас ажилуулах журам...       7038-1111 УТСАНД 2017.08.01 НЭЭС 08 САРЫН 31 ХҮРТЭЛХ ХУГАЦААНД НИЙТ 27 ДУУДЛАГА ИРСЭН БАЙНА...       "МӨНГӨН ТЭМДЭГТИЙН СОЁЛТОЙ ХЭРЭГЛЭЭ" АЯН...       7038-1111 утсанд ирсэн санал хүсэлт гомдол, түүний шийдвэрлэлт...       Монгол банкны мэдэгдэл...       Монгол банкнаас мэдээллэв...       2017 ОНЫ НЭГДҮГЭЭР САРЫН ЦАГ АГААРЫН УРЬДЧИЛСАН МЭДЭЭ ...       5 сарын Өргөдөл гомдлын мэдээ...       70381111 төвд байгууллагууд ажиллаж байна...       3 сарын өргөдөл гомдол...       2 сарын өргөдөл гомдлын мэдээ...      
танилцуулга

Цэргийн штабын товч танилцуулга

Цэргийн штаб нь 1923 онд Цэрэг дайчлан бүртгэх хэлтэс нэртэйгээр анх байгуулагдан түүхийн энэ хугацаанд 8 удаа нэрээ сольж үүргээ гүйцэтгэж ирсэн байна.

Цэргийн хэлтэс, штабын нэрийн тухай:

  • 1923 -1931 он “Цэрэг дайчлан бүртгэх хэлтэс”,

  • 1931-1932 он “Байлдааны бэлтгэл хэлтэс”,

  • 1933-1940 он “Цэрэг дайчлан бэлтгэх хэлтэс”,

  • 1940-1946 он “Дайчлан бүртгэх хэлтэс”,

  • 1946-1950 он “Дайчлан зохион байгуулах хэлтэс”

  • 1951-1973 он “АДХГЗ–ны Цэргийн хэлтэс”,

  • 1991-2004 он “Цэрэг, иргэний хамгаалалтын штаб”,

  • 2004 оноос Хөвсгөл аймгийн Засаг даргын Тамгын газрийн Цэргийн штаб.

 Цэргийн штабын онцлох үйл явдлын түүхэн он цагийн хэлхээс.

1920-оод он Түүхийн хуудас сөхөн үзвээс “Наранжаргалын хошуу” гэж байхад Цэргийн хэргийг  хошууны эрхэлсэн түшмэлээр Содонбаа, туслахаар Цагаанчулуун  гэдэг хүмүүс хариуцан ажиллаж байгаад 1931 онд Хөвсгөл аймаг байгуулагдахад Цэргийн хэлтэс буй болж хэлтсийн даргаар Цэцэрлэг сумын Шош, Туслахаар нь Эрдэнэбулган сумын Буяндэмбэрэл нар томилогдон ажилласан байна.

1950–иад он Цэргийн хэлтсийн гол ажил нь цэргийн насны залуучуудад цэргийн хэргийн мэдэгдэхүүнд сургах, жил бүрийн тоо бүртгэлийг явуулах, цэрэг татлага, батлан хамгаалах асуудлыг бүхэлд нь хариуцаж аймгийн хэмжээнд цэргийн дайчилгаа төлөвлөлтийн асуудлыг шууд хариуцаж байсан.

Мөн Улс ардын аж ахуйд цэргийг зохион байгуулалттайгаар туслах ажил жил бүр хийгдэж байсан. Үүнд малын хашаа барих, хадлан бэлтгэх, худаг гаргах, барилга барих , хорио цээрийн дэглэм тогтоох, харуул хамгаалалтын бүх ажлуудыг хийж байсан. 

1955 онд аймгийн бүх сумдуудад 3-н сарын хугацаатай түр цэрэг татаж морин станцыг төлөөлөн хадлан хадах, хашаа барих ажлыг хийж гүйцэтгэсэн.

Мөн Шинэ-Идэр, Галт, Жаргалант сумдаас түр цэрэг татаж аймгийн төвд Тээврийн товчоо, халуун ус, биеийн тамирын заал, наадмын талбай, туйпуун завод, барилгын контор барих зэрэг ажлуудыг хийж байсанаас гадна цэргийн албанаас халагдаж ирсэн дайчдыг Ноосны үйлдвэр, дамжлага бааз, аймгийн барилга угсралтын контор, САА зэрэг газруудад хуваарилан өгч ардын аж ахуйн төлөвлөгөөт зорилтыг биелүүлэхэд тусалж ажиллаж байсан.

1990-ээд онд Цэргийн дайчилгаа явуулах үндэс болсон дайчилгааны тухай хууль батлагдан гарч дайчилгаа явуулах эрх зүйн үндэс бүрдсэн. Энэ хуулийн дагуу аймгийн цэргийн дайчилгаа явуулах төлөвлөгөөг шинэчлэн боловсруулж батлан хамгаалах яамны сайдаар батлуулан мөрдсөн.

2000 онд дайчилгааны бэлтгэл нөөцийг орон нутагт бэлтгэн хангах ажлыг эхлүүлсэн бөгөөд цэрэг татлагын ажлын чирэгдлийг багасгах зорилгоор цэрэг татлагын эмнэлгийн үзлэгийг улсын хэмжээнд анх удаа суманд явуулах ажлыг санаачлан Хөвсгөл аймгийн сумдыг 2 бүсэд хуваан цэрэг татлагыг зохион байгуулж байна.

Цэргийн штабт ажиллаж байсан удирдлагууд

  • 1923-1931 онд хошууны эрхэлсэн түшмэл Содонбаа

  • 1931- 1934 онд Шош, Бумандэмбэрэл, Цогт-Очир нар

  • 1934-1938 онд Хурандаа Ядам,

  • 1938-1945 онд Батсүх, Лувсанчоймбол, хошууч Бадамжав, Оюунцэрэн С.Готов, хошууч Лувсандож, Жамъянсүрэн нар

  • 1945-1954 онд Лувсандорж

  • 1954-1961 онд Хурандаа Д.Цэрэнжав

  • 1961-1963 онд хошууч Г.Готов

  • 1963-1974 онд Хурандаа Д.Цэрэнжав

  • 1974-1985 онд хошууч Ч.Сандагдорж

  • 1885-1991 онд Д.Цагаанбаатар,

  • 1991-2004 онд Хурандаа Д.Уламбаяр

  • 2004-2018 онд Хурандаа Д.Бямбацогт

  • 2018- оноос хойш Хурандаа С.Батхуяг

Монгол Улсын Засгийн газрын 2003 оны 48 дугаар тогтоолоор Цэргийн штаб нь аймгийн Засаг даргын тамгын газрын бүтцэд орж батлан хамгаалах хууль тогтоомжийн хэрэгжилтийг хангах, орон нутагт сурталчлах ажлыг зохион байгуулах, биелэлтэд нь хяналт тавих, орон нутгийн удирдлагыг цэргийн мэргэжлийн удирдлагаар хангах, цэрэг татлага, цэрэг техникийн тоо бүртгэлийг эрхлэн явуулах, цэргийн албыг биеэр болон мөнгөн төлбөрийн хэлбэрээр дүйцүүлэн хаах ажлыг зохион байгуулж, дайчилгааны бэлтгэл нөөцийн бүрэлдэхүүн, орон нутгийн томилгоот нэгжийн бүрэлдэхүүний сургалтыг явуулах зэрэг чиг үүргийг хэрэгжүүлэн ажиллаж байна.

 

Нийтэлсэн: 2020-03-05 00:00:00
Танд мэдээлэл таалагдаж байвал like хийнэ үү. Баярлалаа
Холбоотой мэдээ
Facebook messenger