• Хөвсгөл аймаг
  • Хөвсгөл аймаг
  • Хөвсгөл аймаг
ОЮУНЫ ХӨГЖЛИЙН БЭРХШЭЭЛТЭЙ ХҮҮХЭД ЗАЛУУСЫН “ ХӨГЖИЛД ХАМТДАА" ТУСГАЙ ОЛИМП АМЖИЛТТАЙ ЯВАГДАЖ БАЙНА...       Мөнгөний бодлогын мэдэгдэл...       АТГ-ын ажлын хэсэг манай аймагт...       2017 оны 3 дугаар улирлын мэдээ...       70381111 утас ажилуулах журам...       7038-1111 УТСАНД 2017.08.01 НЭЭС 08 САРЫН 31 ХҮРТЭЛХ ХУГАЦААНД НИЙТ 27 ДУУДЛАГА ИРСЭН БАЙНА...       "МӨНГӨН ТЭМДЭГТИЙН СОЁЛТОЙ ХЭРЭГЛЭЭ" АЯН...       7038-1111 утсанд ирсэн санал хүсэлт гомдол, түүний шийдвэрлэлт...       Монгол банкны мэдэгдэл...       Монгол банкнаас мэдээллэв...       2017 ОНЫ НЭГДҮГЭЭР САРЫН ЦАГ АГААРЫН УРЬДЧИЛСАН МЭДЭЭ ...       5 сарын Өргөдөл гомдлын мэдээ...       70381111 төвд байгууллагууд ажиллаж байна...       3 сарын өргөдөл гомдол...       2 сарын өргөдөл гомдлын мэдээ...      
“АХМАД НАСТАНД ЭЭЛТЭЙ АЙМАГ” АЙМГИЙН ДЭД ХӨТӨЛБӨРИЙН ХЭРЭГЖИЛТ 87,4%-ТАЙ ҮНЭЛЭГДЛЭЭ.

Аймгийн Засаг даргын зөвлөлийн 2020 оны ээлжит 7 дугаар хуралдаанаар “Ахмад настанд ээлтэй аймаг” 2018-2019 аймгийн дэд хөтөлбөрийн хэрэгжилтийг хэлэлцүүллээ.

Тус хөтөлбөр нь 5 тэргүүлэх чиглэл, 22 бодлогын зорилт, 129 арга хэмжээг хэрэгжүүлж, хэрэгжилтийн дундаж хувь 87,4%-тай хэрэгжсэн байна.

Хөтөлбөрийн хүрээнд дараах үр дүнгүүд гарсан. Үүнд:

1. Сум, байгууллага бүр ахмадаа хүндэтгэх аливаа арга хэмжээг илүү өндөр түвшинд, ахмадын сэтгэлд хүрсэн ,үр дүнтэй  байдлаар зохион байгуулж хэвшсэн байна.

2.Харьяалалгүй ахмадыг харьяалалдаа авч эдийн засгийн болон сэтгэл зүйн ихээхэн дэмжлэг, туслалцааг өгч ажилласнаас гадна 61 байгууллагg ахмадын санг бий болгон сар бүр сандаа хөрөнгө төвлөрүүлж, сандаа 54.2 сая төгрөгийн хөрөнгөтэй байна.

3. 2018 оныг “Амьдрах орчноо сайжруулж, ахмад настнаа дэмжих” жил болгон зарлаж, нэрлэсэн жилийн хүрээнд олон ахмадууд төрийн болон аймаг орон нутгийн одон медалиар шагнагдаж, ахмадуудаа хүндэтгэх, алдаршуулах, алдрыг нь тэмдэглэх арга хэмжээнүүдийг үр дүнтэй сайн зохион байгуулсан байна.

4. Хүн амын дундаж наслалт 66,18-аас 66,71 болж 0,53-р өссөн байна.

Ахмад настнуудын эрүүл мэндийн урьдчилан сэргийлэх үзлэгт хамрагдалт 73%-с 81,6% болж өссөн.

5. Ахмадуудруу чиглэсэн хөрөнгө оруулалтуудын хэмжээ, шийдвэрийн тоо нэмэгдэж, тэдний өмнө тулгамдаж буй олон асуудлууд шийдвэрлэгдсэн байна.Тухайлбал:

Ахмадын өргөө, байрны тоог нэмэгдүүлж өргөө-13, байр-10, түрээсийн байр-1 байна. Бүх суманд ахмадын чиглэлээр үйл ажиллагаа явуулах байртай болсон байна.

- Эрчим 1, 2 ахмадын амралт, сувиллыг улын болон орон нутгийн хөрөнгө  оруулалтаар өргөтгөснөөр амралт сувилалд амрагчдын тоо өмнөх жилүүдээс 20%-иар өссөн байна.

- Орон нутгийн төсвийн 42,0 сая төгрөгийн санхүүжилтээр олон ам бүлтэй, зорилтот бүлгийн 25 ахмад настанд өргөө гэр олгож, 110 ахмад настанд орон гэрээ засаж сайжруулахад зориулан санхүүгийн дэмжлэг олгосон.

-Түрээсийн орон сууц хөтөлбөрийн хүрээнд Шинэ Мөрөн хорооллын 135 айлын орон сууцанд 34 ахмад настанд хөнгөлттэй хэлбэрээр байр олгосон.

-Сумдад ахмад настан, хөгжлийн бэрхшээлтэй хүний чийрэгжүүлэх төвийн тоог 30-д хүргэж бүх суманд үйл ажиллагаа нь идэвхтэй явагдаж байна.

- ЭМБ-уудад ахмадад зориулсан плат бий болж, тэдний ая тухтай эмчлүүлэх, чөлөөт цагаа зөв зохистой өнгөрүүлэх орчин сайжирч, ахмад настанруу чиглэсэн нийгмийн үйлчилгээ, дэмжлэг нэмэгдсэн. Энэхүү үзүүлэлт, үр дүнг үндэслэн тус хөтөлбөрийн хэрэгжилтийг хангалттай түвшинд хэрэгжсэн гэж зөвлөлийн гишүүдээс дүгнэлээ.

Мөн дээрх хүрсэн үр дүнгээ цаашид тогтвортой хадгалах, үйл ажиллагааг илүү эрчимжүүлэх, Засгийн газрын 2019 оны 389-р тогтоолоор батлагдсан “Ахмад настны хөгжил, хамгааллын үндэсний хөтөлбөр”-ийг орон нутагт үр дүнтэй хэрэгжүүлэх зорилгоор 2020-2023 оны аймгийн төлөвлөгөөг тус хурлаар хэлэлцүүлж батлууллаа.

 

Нийтэлсэн: 2020-04-07 10:52:05
Танд мэдээлэл таалагдаж байвал like хийнэ үү. Баярлалаа
Facebook messenger