Хөвсгөл аймгийн Цэцэрлэг сумаас бусад сумдад шинэ коронавируст (covid-19) халдварын хүн амд үзүүлж буй эрсдэлийн үнэлгээг гамшгаас хамгаалах албадуудыг оролцуулан хийхэд эрсдэл “өндөр магадлалтай ” хэмээн үнэлэгдлээ. Хөвсгөл аймгийн Цэцэрлэг суманд коронавирусийн халдвар бүртгэгдсэнтэй холбогдуулан Монгол улсын Шадар сайдын 08 дугаар тушаал “Болзошгүй гамшиг, нийгмийн эрүүл мэндийн ноцтой байдлын үеийн салбар хоорондын мэдээлэл солилцох, хариу арга хэмжээг шуурхай зохион байгуулах журам”-ын дагуу эрсдэлийн үнэлгээг холбогдох албадуудын мэргэжилтнүүдийг оролцуулан хийхэд эрсдэлийн түвшин 64,2 хувь, эрсдэлийн үр дагаварын түвшин 81 хувьтай үнэлэгдэж “Өндөр магадлалтай ” хэмээн дүгнэгдсэн. Эрсдэлийн үнэлгээний дүнд үндэслэн цаашид анхаарах асуудал болон зөвлөмжийг гамшгаас хамгаалах албадуудын хамтаар боловсруулж аймгийн Шуурхай штабын хуралд танилцуулсан.