• Хөвсгөл аймаг
  • Хөвсгөл аймаг
  • Хөвсгөл аймаг
ОЮУНЫ ХӨГЖЛИЙН БЭРХШЭЭЛТЭЙ ХҮҮХЭД ЗАЛУУСЫН “ ХӨГЖИЛД ХАМТДАА" ТУСГАЙ ОЛИМП АМЖИЛТТАЙ ЯВАГДАЖ БАЙНА...       Мөнгөний бодлогын мэдэгдэл...       АТГ-ын ажлын хэсэг манай аймагт...       2017 оны 3 дугаар улирлын мэдээ...       70381111 утас ажилуулах журам...       7038-1111 УТСАНД 2017.08.01 НЭЭС 08 САРЫН 31 ХҮРТЭЛХ ХУГАЦААНД НИЙТ 27 ДУУДЛАГА ИРСЭН БАЙНА...       "МӨНГӨН ТЭМДЭГТИЙН СОЁЛТОЙ ХЭРЭГЛЭЭ" АЯН...       7038-1111 утсанд ирсэн санал хүсэлт гомдол, түүний шийдвэрлэлт...       Монгол банкны мэдэгдэл...       Монгол банкнаас мэдээллэв...       2017 ОНЫ НЭГДҮГЭЭР САРЫН ЦАГ АГААРЫН УРЬДЧИЛСАН МЭДЭЭ ...       5 сарын Өргөдөл гомдлын мэдээ...       70381111 төвд байгууллагууд ажиллаж байна...       3 сарын өргөдөл гомдол...       2 сарын өргөдөл гомдлын мэдээ...      
“Таны санаачилгад төрийн дэмжлэг” зөвлөгөөн боллоо

Аймгийн Засаг дарга А.Эрдэнэбаатар, УИХ-ын гишүүн Л.Энх-Амгалан нарын санаачилгаар Хөвсгөл аймгийн хувиараа хөдөлмөр эрхлэгчдийн үйл ажиллагаанд тулгамдсан асуудлуудыг өөрсдийн оролцоотойгоор тодорхойлж, хөдөлмөр эрхлэлтийн нийтлэг үйлчилгээ болон дэмжих арга хэмжээ, ЖДҮ-г хөгжүүлэх төсөл хөтөлбөрүүд зэрэг төрийн дэмжлэгт иргэдийг хамруулахад чиглэсэн ажлыг төлөвлөж зохион байгуулахад хувиараа хөдөлмөр эрхлэгч иргэдийн санал бодлыг сонсож тэдний санал санаачлагыг дэмжих замаар идэвхитэй оролцоог бий болгох зорилготой хувиараа хөдөлмөр эрхлэгчдийн “Таны санаачилгад төрийн дэмжлэг” аймгийн анхдугаар зөвлөгөөнийг аймгийн ЗДТГ-ын НХХ, Хөдөлмөрийн хэлтэс хамтран 03.22, 23-ны өдрүүдэд амжилттай зохион байгууллаа.

            Хувиараа хөдөлмөр эрхлэгч нь урьд  өмнө нь хөдөлмөр эрхлэлтийг дэмжих сан, сум хөгжүүлэх сан, жижиг дунд үйлдвэрийг хөгжүүлэх сангаас зээл, санхүүгийн дэмжлэг авч байгаагүй, төрийн дэмжлэг зайлшгүй шаардлагатай, бие даан үйл ажиллагаа явуулахад хүндрэлтэй байгаа хувиараа хөдөлмөр эрхлэгч 250 орчим иргэн ороцлсон юм. Зөвлөгөөнд оролцогч бүрт 2014 онд ХЭДС, СХС, ЖДҮ-ийг хөгжүүлэх сангаас зээл олгох бөгөөд 2-3 хүний байнгын ажлын байрыг бий болгож цаашид тогтвортой үйл ажиллагаа явуулж чадахуйц, хөгжих боломжтой иргэнийг сонгосон байна.Өрхийн хөгжлийг дэмжих хөтөлбөр болон НҮБ-ын Хүүхдийн сангийн “Хүүхдэд ээлтэй аймаг” хөтөлбөрийн хүрээнд хэрэгжиж буй “Өрхийг чадавхижуулах хөтөлбөр”-т хамрагдах өрхүүдээс дээрх шаардлагыг хангасан  өрхийг түлхүү хамруулах гэсэн 3 том шаардлагыг хангасан хөдөөгийн 88 баг тус бүрээс 1 төлөөлөгч, сумын төвийн багаас тус бүр 3 төлөөлөгч, аймгийн төвийн баг тус бүрээс 7 төлөөлөгч  Нийт-244 төлөөлөгчийг сонгон оролцуулсан юм.

            Энэхүү зөвлөгөөний гол үр дүнгээр 500-1000 хүртэлх байнгын ажлын байрыг бий болгох бөгөөд төр засаг, орон нутгийн зүгээс хөдөлмөр эрхлэлтийн салбарт баримталж буй бодлогыг удирдлага нь ч , иргэн нь ч нэгдсэн нэг агуулгын хүрээнд ойлгож, үүрэг хариуцлагаа ухамсарлан ажиллах зорилготой  юм.

            Зөвлөгөөний үйл ажиллагаанд аймгийн Засаг дарга А.Эрдэнэбаатар, аймгийн ЗДТГ-ын дарга Г.Төмөрбаатар, НХХ-ийн дарга Ж.Ганболд, НХХ-ийн мэргэжилтэн Д.Цэцэгмаа, Хөдөлмөрийн хэлтсийн дарга П.Ариунбат, Хөдөлмөрийн хэлтсийн мэргэжилтнүүд, төвөөс ирсэн төлөөлөгч нар-Зээлийн батлан даалтын сангийн зөвлөх Я.Балгансүрэн, Хөдөлмөрийн төв биржийн дэд дарга Э.Ган-Эрдэнэ нар оролцлоо.   

           Зөвлөгөөнд аймгийн Засаг дарга А.Эрдэнэбаатар “Ажилтай, орлоготой Хөвсгөлчүүд” илтгэл, Хөдөлмөрийн хэлтсийн дарга П.Ариунбат “Хөдөлмөр эрхлэлтийн төлөв байдал цаашид хэрэгжүүлэх арга хэмжээний тухай” зэрэг илтгэлүүд тавилаа. Мөн хөдөлмөр эрхлэлтийг дэмжих 8 хөтөлбөр, 3 сангийн талаарх мэдээлийг төлөөлөгч нарт өгсөн юм.  

          Зөвлөгөөний дараагийн өдөр төлөөлөгч нарын сонирхлын дагуу 4 чиглэлээр аймгийн хэмжээнд үйл ажиллагаа явуулж буй үйл ажиллагаа нь тогтмолжсон томоохон үйлдвэрүүдийн үйл ажиллагааг танилцуулж туршлага судлуулав.  

            Мөн цаашид баримтлан хэрэгжүүлж ажиллах “Таны сааачилгад төрийн дэмжлэг” зөвлөгөөнөөс гарах зөвлөмжийн төслийг баталснаар зөвлөгөөн өндөрлөсөн юм.

          

Нийтэлсэн: 2014-03-25 11:03:25
Танд мэдээлэл таалагдаж байвал like хийнэ үү. Баярлалаа

Сайтын хандалт

Өнөөдөр:   11
Нийт хандалт:   167062
Таны IP:   3.227.3.146
Facebook messenger