ШИЛДЭГ СУМ, АГЕНТЛАГ, БАЙГУУЛЛАГУУДАД ШАГНАЛ ГАРДУУЛЛАА.

Өнөөдөр аймгийн Засаг даргын Тамгын газрын “Соёмбо” танхимд 2019 оны үйл ажиллагааны үр дүнгийн үнэлгээгээр тэргүүлсэн сумдын Засаг даргын Тамгын газар, аймгийн Засаг даргын эрхлэх асуудлын хүрээний агентлаг, байгууллага, аймгийн Засаг даргын Тамгын газрын хэлтсүүдэд  шагнал гардуулах арга хэмжээ боллоо. 

Шилдэг сум, агентлаг, байгууллага, аймгийн Засаг даргын Тамгын газрын хэлтсийг тодруулахдаа Монгол Улсын Засгийн газрын 2017 оны 89 дүгээр тогтоолоор батлагдсан “Бодлогын баримт бичгийн хэрэгжилт болон захиргааны байгууллагын үйл ажиллагаанд хяналт-шинжилгээ, үнэлгээ хийх нийтлэг журам”, аймгийн иргэдийн Төлөөлөгчдийн хурлын Тэргүүлэгчдийн  2018 оны 31 дүгээр тогтоолоор батлагдсан “Хөвсгөл аймгийн захиргааны байгууллагуудын үйл ажиллагаанд хяналт-шинжилгээ, үнэлгээ хийх журам, аргачлал”-ын  дагуу үнэллээ.

ҮНЭЛГЭЭНИЙ ҮР ДҮНГЭЭР

АЙМГИЙН ЗАСАГ ДАРГЫН ТАМГЫН ГАЗРЫН ШИЛДЭГ ХЭЛТСЭЭР

1. Санхүү, төрийн сангийн хэлтэс 

2. Хөрөнгө оруулалт, хөгжлийн бодлого, төлөвлөлтийн хэлтэс 

ШИЛДЭГ СУМААР

1. Мөрөн сум 

2. Шинэ-Идэр сум 

3. Тариалан сум 

4. Рашаант сум 

5. Цагаан-Уул сум 

ШИЛДЭГ АГЕНТЛАГААР

1. Нийгмийн даатгалын хэлтэс

2. Татварын хэлтэс 

3. Орон нутгийн өмчийн газар 

ШИЛДЭГ БАЙГУУЛЛАГААР

1.Хөвсгөл Ус суваг, нийтийн аж ахуйн компани тус тус шалгарсан байна.