Аймгийн Засаг даргын 2016-2020 онд хэрэгжүүлсэн “Хөгжлийн хөтөч” үйл ажиллагааны хөтөлбөрт Монгол Улсын Засгийн газрын 2017 оны 89 дүгээр тогтоолоор батлагдсан “Бодлогын баримт бичгийн хэрэгжилт болон захиргааны байгууллагын үйл ажиллагаанд хяналт-шинжилгээ, үнэлгээ хийх нийтлэг журам”, аймгийн иргэдийн Төлөөлөгчдийн хурлын Тэргүүлэгчдийн 2018 оны 31 дүгээр тогтоолоор батлагдсан “Хөвсгөл аймгийн захиргааны байгууллагуудын үйл ажиллагаанд хяналт-шинжилгээ, үнэлгээ хийх” журам, аргачлалын дагуу хяналт-шинжилгээ, үнэлгээ хийж, аймгийн иргэдийн Төлөөлөгчдийн Тэргүүлэгчдийн хуралд оруулахаар ажиллаж байна.

Тус хөтөлбөр нь нийгэм, эдийн засаг, засаглалыг хөгжүүлэх бодлогыг аймгийнхаа хөгжлийн тэргүүлэх чиглэл болгон 14 дэд хөтөлбөр 115 бодлогын зорилт, 655 арга хэмжээг төлөвлөсөн.