• Хөвсгөл аймаг
  • Хөвсгөл аймаг
  • Хөвсгөл аймаг
ОЮУНЫ ХӨГЖЛИЙН БЭРХШЭЭЛТЭЙ ХҮҮХЭД ЗАЛУУСЫН “ ХӨГЖИЛД ХАМТДАА" ТУСГАЙ ОЛИМП АМЖИЛТТАЙ ЯВАГДАЖ БАЙНА...       Мөнгөний бодлогын мэдэгдэл...       АТГ-ын ажлын хэсэг манай аймагт...       2017 оны 3 дугаар улирлын мэдээ...       70381111 утас ажилуулах журам...       7038-1111 УТСАНД 2017.08.01 НЭЭС 08 САРЫН 31 ХҮРТЭЛХ ХУГАЦААНД НИЙТ 27 ДУУДЛАГА ИРСЭН БАЙНА...       "МӨНГӨН ТЭМДЭГТИЙН СОЁЛТОЙ ХЭРЭГЛЭЭ" АЯН...       7038-1111 утсанд ирсэн санал хүсэлт гомдол, түүний шийдвэрлэлт...       Монгол банкны мэдэгдэл...       Монгол банкнаас мэдээллэв...       2017 ОНЫ НЭГДҮГЭЭР САРЫН ЦАГ АГААРЫН УРЬДЧИЛСАН МЭДЭЭ ...       5 сарын Өргөдөл гомдлын мэдээ...       70381111 төвд байгууллагууд ажиллаж байна...       3 сарын өргөдөл гомдол...       2 сарын өргөдөл гомдлын мэдээ...      
Мөрөн хот үүсч хөгжсөний 210 жилийн ой, Хотгойдын хурд-IV хангайн бүсийн даншиг наадам нь газар газрын уяачид шандаст хурдан хүлгийнхээ хурдыг гайхуулсан, эрэмгий бөхчүүд нь эд бяраа бахдуулсан, нутаг нутгийн наадамчидын хөлд дарагдсан өргөн дэлгэр

Дэлгэрмөрөний торгон ногоон  дэнжид наадмын  алтан шуранхай гийнгоон дуутай сүлэлдэн хоршиж, хүлэг морьдын төвөргөөн, хүчит бөхчүүдийн сүлдэн хийморь сэтгэл зүрхийг догдлуулсан   Мөрөн хот үүсч хөгжсөний 210 жилийн ой, Хотгойдын хурд-IV хангайн бүсийн хурдан морины уралдааны нээлтийн үйл ажиллагаа шөнийн тэнгэр дор, шүүдрийн гялбаан дунд  сүр дуулиантай, цэнгэлдэх дүүрэн наадамчидтай, гэрэл графикийн өндөр түвшинд  ёслол төгөлдөр болж өнгөрлөө. 

Долоон хошуу даншиг наадамд долоо түрүүлсэн ардын сайхан дуунд мөнхөрсөн хотгойдын хурдан хүлгүүд, Тэсийн голын унага, дархадын цагаан адуу, уялган голын аварга бөхчүүдээрээ алдартай хангайн сайхан Хөвсгөл нутагт маань Хангайн бүсийн хурдан морины уралдаан зохион байгуулагдаж байгаа нь нутгийн зон олон, уяачдын маань сэтгэл санаа эрх ашиг нийцсэн, тэдэнд баяр цэнгэл жаргалыг эдлүүлсэн бэлэг дэмбэрэлтэй баярт сайхан үйл явдал боллоо.

Энэхүү морин уралдаан зохион байгуулагдсанаар тухайн бүс нутаг болон баруун бүсийн аймгийн  уяачдын эрдэм ухаан, хөдөлмөр зүтгэлийг үнэлж,  тэдэнд урам хайрлаж, сэтгэлийн дэм үзүүлж,  газар газрын эрдэнэт хүлгүүдийн шандасыг сорих боломжийг бүрдүүлдэгээрээ онцлог билээ. Анхны Хотгойдын хурдаас манай нутгийн  уяачид сургамж авч,  ихийг суралцан, уяачдын ур чадвар, шандаст хурдан хүлгүүдийнхээ  уяаг сайжруулж,  анхны тод манлай, манлай уяачдаа өлгийдэн авч улсын наадам, их хурд, бүсийн уралдааны олон түрүү, айргуудыг хүртдэг болсон.

Мөрөн хотод  Хөвсгөл аймгийн нийт хүн амын гуравны нэг хувь нь аж төрдөг.  ДНБ-ын 50  гаруй хувийг үйлдвэрлэн гаргадаг үйлдвэрлэл, аж ахуйн нэгж, боловсрол, соёл урлаг, эрүүл мэнд, спортын байгууллагад ажиллаж,   хөдөлмөрлөж ирсэн үе үеийн удирдлагууд алдар гавъяат, эрдэмтэн мэргэд болон  иргэддээ түүхт ойн мэндийг Аймгийн засаг дарга Л.Ганболд  баяр наадмын хоёр дахь өдөр хүргэсэн.


Мөн Мөрөн хот үүсч хөгжсөний 210 жилийн ой, Хотгойдын хурд-IV  наадмыг  зохион байгуулахад  хамтран ажилласан  төр, хувийн хэвшлийн байгууллагууд, албан хаагчид,  санхүүгийн бодит туслалцаа үзүүлсэн,  нутгаа гэсэн сэтгэлтэй иргэддээ чин сэтгэлийн талархал илэрхийлсэн юм.

Мөрөн хотыг цогцлоон бүтээсэн ахмад буурлууд үе үеийн удирдлагууд ард иргэдээрээ бахархахгүй байхын арга үгүй ээ.
Хоёр  дахь өдрийн наадам цам харайх ёслолоор эхэлж,   “Мөрөнгийн  үдэш” цэнгүүнээр өндөрлөсөн билээ.
Цамын бүжгийг Монголын Бурхан шашинтны Гандантэгчинлэн хийдийн лам нар дэг жаягийн дагуу хийж үзүүлсэн нь наадамчин олны сонирхолыг татаж байлаа.

 

 

...Хэдий бороо шивэрч байсан   боловч  наадамчин олон “Мөрөнгийн үдэш” цэнгүүнд оролцохоор Чингүнжавын талбайд цугларсан байв.  Цэнгүүнд Хөвсгөл аймгаас төрөн гарсан дуучид, УДБЭТ-ын гоцлол дуучид, Камертон, Lumino.  Нюанс зэрэг рок попын хамтлаг дуучид хүрэлцэн ирж ая дуугаа өргөлөө.  Мөрөн хот үүсч хөгжсөний 210 жилийн ой, Хотгойдын хурд-IV хангайн бүсийн даншиг наадам нь   газар газрын уяачид шандаст хурдан  хүлгийнхээ  хурдыг гайхуулсан,  эрэмгий бөхчүүд нь эд бяраа  бахдуулсан, нутаг нутгийн наадамчидын хөлд дарагдсан өргөн дэлгэр сайхан наадам боллоо.      


“Хотгойдын хурд-IV хангайн бүсийн хурдан морины уралдаанд 600 орчим хурдан хүлэг тоосоо өргөж,  Азарганы уралдаанд 80 гаруй хүлэг уралдсанаас
Цэцэрлэг  сумын  харъяат     УИХ-ын гишүүн  Л.Мөнхбаатарын хүрэн түрүүлж, Сэлэнгэ аймгийн Баянгол сумын уяач Т.Төрмөнхийн буурал аман хүзүүнд, Булган аймгийн Хутаг-Өндөр сумын уяач Г.Гантулгын хээр гуравт, Хөвсгөл аймаг Шинэ-Идэр сумын уяач Ц.Чимэдбавуугийн хүрэн дөрөвт, Цагаан-Уул сумын уяач Д.Ганхуягийн хээр тус тус хурдаллаа.


Их насны морьдын уралдаанд 160 гаруй морьд уралдсанаас Говь-Алтай аймгийн Баян-Уул сумын уяач Д.Ганбаатарын зээрд түрүүлж, Ховд аймгийн Мөст сумын уяач Ц.Чингисийн буурал морь аман хүзүүдэж, Говь-Алтай аймгийн Халиун сумын тод манлай уяач Г. Чинзоригийн зээрд гуравт, Хөвсгөл аймгийн Шинэ-Идэр сумын уяач Ц.Чимэдбавуугийн хул дөрөвт, Хөвсгөл аймгийн Тариалан сумын уяач Д.Бадрахын хээр айргийн тавд тус тус хурдаллаа.


Соёолон насны морьдын уралдаанд: Сэлэнгэ аймгийн Мандал сумын харъяат ААУ С.Бат-Очирын хээр түрүүлж, Хөвсгөл    аймгийн    Шинэ-Идэр сумын   ААУ Ц.Чимэдбавуугийн хүрэн удаалж, Галт сумын харъяат ААУ Н.Нацагдоржийн ягаан халзан гуравт,  Шинэ-Идэр сумын харъяат  ААУ Л.Төмөрбаатарын хул дөрөвт ,  Бүрэнтогтох сумын харъяат ААУ Д.Отгонлхагвын хонгор  айргийн тавд хурдаллаа


Хязаалан насны хурдан морьдын уралдаанд 80 гаруй хурдан хүлэг хуралдаж, Булган аймгийн Гурванбулаг сумын харъяат Х.Аминхишигийн хүрэн халзан түрүүлж, Хөвсгөл аймгийн Рашаант сумын харъяат А.Билгүүдэйгийн бор хоёрт, Ховд аймгийн уяач Д.Батбаярын хээр гуравт, Архангай аймгийн Тариат сумын уяач Ж.Баян-Өлзийгийн зээрд дөрөвт, Хөвсгөл аймгийн Шинэ-Идэр сумын ААУяач Ц.Чимэдбавуугийн хүрэн айргийн тавд тус тус хурдаллаа.


Хурдан шүдлэн насны морьдын уралдаанд 64 хүлэг уралдсанаас Хөвсгөл аймгийн Баянзүрх сумын ААУ Очирын Баатарын Дүү хул түрүүлж, /Тариан сумын ААУ Дашийн Найдандорж уяа сойлгыг нь тааруулжээ/ Хөвсгөл аймгийн Түнэл сумын уяач Аюурзанын Бямбадоржийн бор удаалж, Арбулаг сумын уяач Уламбаярын Мэргэнбаярын хүрэн гуравт, Шинэ-Идэр сумын уяач Лааганы Төмөрбаатарын хүрэн халзан дөрөвт, Цэцэрлэг сумын уяач Гончигбатын Батболдын зээрд халзан тус тус айрагдлаа  


Дааган насны уралдаанд 90 гаруй даага уралдсанаас
Архангай аймгийн Тариат сумын харъяат Баян-Өлзийн хонгор даага түрүүлж, Завхан аймгийн  Идэр сумын харъяат  Үнэнбатын хонгор халзан  даага аман хүзүүдэж, Дорноговь аймгийн Сайхан сумын харъяат Анандбазарын хээр даага гуравт,  Говь-алтай аймгийн Халиун сумын харъяат Жавхлантөгсийн хонгор даага дөрөвт, Хөвсгөл аймгийн Шинэ-Идэр сумын  харъяат МУ-ын алдар уяач Цэрэнбатын  шарга даага айргийн тавд тус тус хурдаллаа.

 

Сурын харвааны хүүхдийн   төрөлд

1-р байранд Орхон аймгийн ЕБС-ийн сурагч  МУ-ын Идэр мэргэн Б.Мөнхбаясгалан,  2-р байранд Сэлэнгэ аймгийн ЕБС-ийн сурагч А.Түвшинсанаа,  3-р байранд Жаргалант сумын ЕБС-ийн сурагч А.Бямбадорж, 4-р байранд Орхон аймгийн ЕБС-ийн  сурагч Б.Аръяабал,     5-р байранд Цэцэрлэг сумын ЕБС-ийн сурагч Б.Зулсар нар
Сурын харвааны эмэгтэй төрөлд
1-р байранд Сүхбаатар аймгийн Асгат сумын уугуул  Петровис компаний,  мэргэн харваач Б.Аззаяа, 2-р байранд  Орхон аймгийн Хангарьд клубын харваач, спортын дэд мастер Д.Мөнгөнзаяа, 3-р байранд Хөвсгөл аймгийн Арбулаг сумын уугуул Мөрөн сумын харваач, Аймгийн гоц харваач  Б.Түмэнбаяр,   4-р байранд Завхан аймгийн Улиастай сумын уугуул Орхон аймгийн  Хангарьд спорт клуб,  МУ-ын гоц харваач  Э.Заяа,  5-р байранд  Хөвсгөл аймгийн Цэцэрлэг  сумын Алтандуулга багийн харваач, аймгийн мэргэн, спортын дэд мастер Н.Дуламсүрэн нар
Сурын харвааны эрэгтэй төрөлд 1-р байранд Баян-Өлгий аймгийн уугуул Орхон аймгийн Хангарьд спорт клуб, Уулын баяжуулах эрдэнэт ТӨХК-ийн харваач МУ-ын гарамгай харваач Э.Ганчулуун, 2-р байранд Хөвсгөл аймгийн Мөрөн сумын харваач, МУ-ын мэргэн  Ш.Гансүх, 3-р байранд Баян-Өлгий аймгийн Ногооннуур сумын уугуул Орхон аймгийн Хангарьд клубын харваач, аймгийн мэргэн спортын мастер Ц.Батдорж, 4-р байранд Орхон аймаг, Петровис компаний харваач Д.Энхтөр, 5-р байранд Завхан аймгийн Эрдэнэхайрхан  сумын уугуул Орхон аймаг  Хангарьд спорт клуб, Уулын баяжуулах эрдэнэт ТӨХК-ийн  харваач, МУ-ын мэргэн  Д.Дүүрэнсайхан

 

 Мөрөн хот үүсэж хөгжсөний 210 жилийн ойд зориулсан сумын цол олгох хүчит бөхийн барилдаанд Улаан-Уул сумын харъяат сумын начин Б.Гантогтох түрүүлж сумын заан цол,Тариалан сумын харъяат сумын начин М.Өлзийбат үзүүрлэж сумын харцага цол хүртлээ.


Шөвгийн дөрөвт Алаг-Эрдэнэ сумын харъяат сумын харцага Т.Элбэгсайхан, Цагаан-Үүр сумын харъяат сумын харцага Х.Золбаяр нар шалгарлаа.
Мөрөн сумын 210 жилийн ой, Хотгойдын хурд-4 даншиг наадамд 128 бөх барилдаж их шөвөгт Хөвсгөл аймгийн Тосонцэнгэл сумын харъяат, Монос группын бөх МУ-ын арслан Ц.Содномдорж, Төв аймгийн Баянхангай сумын харъяат МУ-ын заан Батмөнх, Галт сумын харъяат Хөвсгөлийн хүчтэн дэвжээний бөх МУ-ын өсөх идэр начин Хөхчирэнгэр, Их-Уул сумын харъяат Хөвсгөлийн хүчтэн дэвжээний бөх МУ-ын начин Даваа-Очир нар үлдэж Тосонцэнгэл сумын харъяат, Монос группын бөх МУ-ын арслан Ц.Содномдорж түрүүлж, Төв аймгийн Баянхангай сумын харъяат МУ-ын заан Батмөнх үзүүрлэлээ.

 

Нийтэлсэн: 2019-07-29 16:47:16
Танд мэдээлэл таалагдаж байвал like хийнэ үү. Баярлалаа

Сайтын хандалт

Өнөөдөр:   22
Нийт хандалт:   165187
Таны IP:   34.237.76.91
Facebook messenger