Бүгд найрамдах улс тунхагласны 95 жилийн ойн баяр, Монгол бахархлын өдрийг тэмдэглэн өнгөрүүлэх ажлын хүрээнд  Монгол Улсын Төрийн захиргааны албан хаагчийн тангараг өргөх ёслолын ажиллагаа өнөөдөр /2019.11.25/ аймгийн Засаг даргын тамгын газрын Соёмбо танхимд боллоо.

13 агентлаг байгууллагын 42 албан хаагч тангараг өргөлөө. Төрийн захиргааны албан хаагчийн тангараг өргөх ёслолын журмын 9-д заасны дагуу Засаг даргын Тамгын газрын НБХ-ийн мэргэжилтэн Д.Батцоож тангаргийг дээдлэн дуудсан юм. Монгол Улсын Ерөнхийлөгчийн зарлиг, Төрийн албаны зөвлөлийн тогтоолын дагуу 42 албан хаагч өнөөдөр ийнхүү тангаргаа өргөлөө.

Мөн тангарагын үйл ажиллагааны дараа Монгол цэргийн нэгдсэн холбооны Хөвсгөл аймаг дахь салбар хороо, ЗДТГ-ын ТЗУХ хамтран төрийн албан хаагчид дунд түүх, ёс заншлын сэдэвт асуулт хариултын АХА тэмцээн, хонжворт сугалаа зэргийг явуулж азтан тодрууллаа.

АХА тэмцээнд 3-р байрнд ОНӨГ-ын мэргэжилтэн Д.Төмөр , 2-р байрнд Онцгой байдлын газрын алба хаагч Ганзориг, 1-р байрнд ЗДТГ-ын НБХ-ийн мэргэжилтэн Д.Батцоож нар шалгарлаа.