Хөдөлмөрийн аюулгүй байдал, эрүүл ахуйн аймгийн зөвлөлийн 2020 оны 1 дүгээр хуралдааныг 2020 оны 02 дугаар сарын 06-ны 15.00 цагт зохион байгууллаа. Тус хуралдаанаар:

- 2019 оны зөвлөлийн төлөвлөгөөний биелэлт,

- 2020 оны төлөвлөгөөний төсөлд санал авч батлах,

-Хөдөлмөр, Нийгмийн хамгааллын сайдын 2019 оны 64-р тушаалаар батлагдсан “Эрүүл аюулгүй ажлын байрыг эрхэмлэгч байгууллага” улсын уралдаанд оролцох байгууллагыг шалгаруулах гэсэн 3 асуудлыг хэлэлцэж, санал дүгнэлтээ ярилцаж, шийдвэрлэв.

 Хөдөлмөрийн аюулгүй байдал, эрүүл ахуйн аймгийн зөвлөл нь 2019 онд эрчимтэй үйл ажиллагаа явуулж, дараах хэдэн асуудлууд дээр анхаарал хандуулж, үр дүн гаргаж ажилласан. Үүнд:

-Хөдөлмөрийн аюулгүй байдал, эрүүл ахуйн мэргэшсэн ажилтныг ажиллуулж, Хөдөлмөрийн тухай хуулийн дагуу зохих нэмэгдлийг олгох чиглэлийг төсвийн байгууллагын дарга, удирдлагуудад өгч ажилласнаар 2018 оны дүнтэй харьцуулахад мэргэшсэн ажилтан ажиллуулж буй байгууллагын тоо 2019 онд 3 дахин өссөн байна.

- Аймгийн ИТХ-ын Тэргүүлэгчдийн 2019 оны 119-р тогтоолоор аймгийн дэд хөтөлбөрийг батлуулж, хэрэгжилтийг 2020 оноос эхлэн тооцож, хяналт тавин ажиллаж байна.

- Хөдөлмөрийн аюулгүй байдал, эрүүл ахуйн хууль тогтоомжийг сайжруулах чиглэлээр хийгдэж буй бодлого, үйл ажиллагааны үр дүнгээр аж ахуйн нэгж байгууллагуудын Хөдөлмөрийн аюулгүй байдал, эрүүл ахуйн хуулийн хэрэгжилт 2019 онд 78,9% байгаа нь өмнөх онтой харьцуулахад 4,5  хувиар өссөн байна.

- Үйлдвэрлэлийн осол мэргэжлээс шалтгаалах өвчин жил дараалан буурч, хүний амь нас хохирсон осол өвчлөл гараагүй байгаа нь хөдөлмөрийн аюулгүй байдал, эрүүл ахуйн удирдлагын тогтолцоо, хяналт, сургалт нөлөөллийн ажлууд сайн байгааг илэрхийлж байна.

2020 оны төлөвлөгөөнд “Хөдөлмөрийн аюулгүй байдал, эрүүл ахуйн мэргэшсэн ажилтнуудаа чадавхжуулах, зохистой хөдөлмөр эрхлэлтийг нэмэгдүүлэхэд ажил олгогчдын үүрэг хариуцлага, ойлголт, хандлагыг өөрчлөх, хууль тогтоомжийн хэрэгжилтийг сайжруулах, аймгийн дэд хөтөлбөрийг үр дүнтэй хэрэгжүүлэх зэрэг чиглэлийг баримтлан,  2020 оны төлөвлөгөөгөө баталлаа. Мөн Хөдөлмөр, нийгмийн хамгааллын сайдын 2019 оны 64-р тушаалаар батлагдсан “Эрүүл аюулгүй ажлын байрыг эрхэмлэгч байгууллага” улсын уралдаанд Нэгдсэн эмнэлгийн материалыг шаардлагын түвшинд бэлтгэж оролцуулахаар дэмжив.