Монгол Улсын Их Хурлын Сонгуулийн тухай хуулийн 37 дугаар зүйлийн 37.2 дахь заалт, Сонгуулийн ерөнхий хорооны 2020 оны 17 дугаар тогтоолоор батлагдсан “Нам, эвслийн сонгууль эрхэлсэн байгууллагын ажилтан, нэр дэвшигчийн менежер, шадар туслагч, ухуулагчийг бүртгэх, үнэмлэх олгох журам”-ын дагуу Монгол Ардын нам болон Ардчилсан намуудын нам эвслийн сонгууль эрхэлсэн байгууллагын ажилтны үнэмлэхийг олгоод байна.

Иймд бусад нам, эвслүүд нам эвслийн сонгууль эрхэлсэн байгууллагын ажилтны холбогдох материалаа бүрдүүлэн ирж үнэмлэхээ авна уу.  

Бүрдүүлэх материал:

- Аймаг, нийслэлийн хэмжээнд үйл ажиллагаа явуулах сонгууль эрхэлсэн байгууллагын ажилтны үнэмлэх авах тухай хүсэлт

- Сонгууль эрхэлсэн байгууллагын ажилтны бүртгэл (маягтын дагуу)

- Иргэний үнэмлэхний хуулбар

- Цээж зураг

Энд дарж журамтай танилцана уу /beta/upload/files/juram 2020-17.pdf