• Хөвсгөл аймаг
  • Хөвсгөл аймаг
  • Хөвсгөл аймаг
ОЮУНЫ ХӨГЖЛИЙН БЭРХШЭЭЛТЭЙ ХҮҮХЭД ЗАЛУУСЫН “ ХӨГЖИЛД ХАМТДАА" ТУСГАЙ ОЛИМП АМЖИЛТТАЙ ЯВАГДАЖ БАЙНА...       Мөнгөний бодлогын мэдэгдэл...       АТГ-ын ажлын хэсэг манай аймагт...       2017 оны 3 дугаар улирлын мэдээ...       70381111 утас ажилуулах журам...       7038-1111 УТСАНД 2017.08.01 НЭЭС 08 САРЫН 31 ХҮРТЭЛХ ХУГАЦААНД НИЙТ 27 ДУУДЛАГА ИРСЭН БАЙНА...       "МӨНГӨН ТЭМДЭГТИЙН СОЁЛТОЙ ХЭРЭГЛЭЭ" АЯН...       7038-1111 утсанд ирсэн санал хүсэлт гомдол, түүний шийдвэрлэлт...       Монгол банкны мэдэгдэл...       Монгол банкнаас мэдээллэв...       2017 ОНЫ НЭГДҮГЭЭР САРЫН ЦАГ АГААРЫН УРЬДЧИЛСАН МЭДЭЭ ...       5 сарын Өргөдөл гомдлын мэдээ...       70381111 төвд байгууллагууд ажиллаж байна...       3 сарын өргөдөл гомдол...       2 сарын өргөдөл гомдлын мэдээ...      
2021 нэгдүгээр улирлын өргөдөл, гомдлын мэдээ

ИРГЭДЭЭС ТӨРИЙН БАЙГУУЛЛАГА, АЛБАН

ТУШААЛТАНД ГАРГАСАН  ӨРГӨДӨЛ, ГОМДЛЫН

 ШИЙДВЭРЛЭЛТИЙН ТАЙЛАН

 

(Нэгдүгээр улирлын байдлаар)

 

2021 оны 04 дүгээр сарын 07                                                                         Мөрөн сум

           

“Иргэдийн өргөдөл гомдлыг шийдвэрлэхтэй холбогдсон зарим арга хэмжээний тухай” Засгийн газрын 2005 оны 67 дугаар тогтоол, аймгийн Засаг даргын 2006 оны 67 дугаар захирамжаар батлагдсан “Төрийн байгууллагын үйл ажиллагаанд хяналт- шалгалт хийх” журмыг баримтлан Хөвсгөл аймгийн Засаг даргын Тамгын газар, аймгийн Засаг даргын эрхлэх асуудлын хүрээний 28 агентлаг, байгууллага, 23 сум, 1 тосгоны иргэдээс төрийн байгууллага, албан тушаалтанд гаргасан  өргөдөл, гомдлын шийдвэрлэлтийн тайлан мэдээг 2021 оны нэгдүгээр улирлын байдлаар нэгтгэн гаргалаа.

            2021 оны нэгдүгээр улирлын байдлаар Хөвсгөл аймгийн төрийн байгууллага, албан тушаалтанд иргэдээс нийт 5660 өргөдөл, гомдол, санал хүсэлт ирснээс аймгийн Засаг даргын Тамгын газарт 426 буюу 7,53 хувь, Засаг даргын эрхлэх асуудлын хүрээний агентлагуудад 2587 буюу 45.7 хувь, сумдын Засаг даргын Тамгын газрын холбогдох албан тушаалтанд 2647 буюу 46,77 хувь нь тус тус ирсэн байна.

            Тайлангийн хугацаанд ирсэн өргөдөл гомдлыг зонхилох байдлаар авч үзвэл: Нийгмийн даатгалтай болон нийгмийн халамжийн үйлчилгээтэй холбоотой өргөдөл

ихэнх хувийг эзэлж байна. Бусад 396 өргөдлөөс цэргийн алба хаасан лавлагаа авах 316 хүсэлт болон байгаль орчны үнэлгээ хийлгэх, шагналын тодруулга болон цаг үеийн байдалтай холбогдуулан өвс тэжээл хүссэн, мал эмнэлгийн тасагт ирүүлсэн өргөдөл гомдол байна.

 

2020 оны 5 дугаар сард Хөвсгөл аймгийн 23 сум 1 тосгонд операторийн үйлчилгээг бүрэн нэвтрүүлсэн. Энэ үйлчилгээ нэвтэрснээр иргэд 54 төрлийн лавлагааг сумдын операторийн ажилтнаар дамжуулан нэг дороос өөрт шаардлагатай лавлагааг авах боломж бүрдэж сумдад мэдээлэл лавлагаа хүссэн өргөдлийн тоо нэмэгдэх болсонтой холбогдуулан бусад өргөдөл, гомдлын тоо өссөн үзүүлэлттэй байна.

Иргэдээс ирүүлсэн өргөдөл гомдлыг хэлбэрээр нь ангилбал нийт 5660 өргөдөл ирснээс бичгээр 4723 буюу 83,77 хувь нь бичгээр,  473 буюу 8,35 хувь нь цахимаар, 80 буюу 1,4 хувь нь биечлэн уулзсан,  384 буюу 6,78 хувь нь утсаар санал хүсэлтээ тус тус ирүүлсэн байна.

Нийт 5660 өргөдөл ирснээс 5076 буюу 89,7 хувийг шийдвэрлэн хариу өгч, бусад байгууллагад шилжүүлсэн 61, хугацаа хэтрүүлж шийдвэрлэсэн 3, хугацаа болоогүй 584 өргөдөл байна.

Иргэдээс ирэх өргөдөл, гомдолд шинжилгээ хийхэд, иргэд тухайн хандаж байгаа байгууллагынхаа хүрээнд холбогдох материалыг бүрдүүлдэг болсон байна.

Хугацаа хэтрүүлсэн өргөдөл гомдлыг авч үзэхэд албан хаагчид иргэдийн өргөдөл гомдлын хариуг хуулийн хүрээнд нийцүүлэн шийдвэрлэхээс гадна дүн шинжилгээ хийх шуурхай шийдвэрлэх тал дээр тодорхой арга хэмжээ авч, хугацаа хэтэрсэн өргөдөл, гомдлыг хугацаанд нь бодитой шийдвэрлэж хэвшүүлэх тухай зөвлөн ажилласан.

Иргэдээс төрийн байгууллага, албан тушаалтанд ирүүлсэн өргөдөл гомдлын 2020 оны жилийн эцсийн тайланд Хяналт-шинжилгээ, үнэлгээ, дотоод аудитын хэлтсээс өгсөн зөвлөмжийн дагуу сумд болон агентлаг, байгууллагын өргөдөл, гомдлын шийдвэрлэлт хариуцсан албан хаагчдад чиглэл, зөвлөмж өгч хяналт тавьж ажиллав.

2021 оны нэгдүгээр улирлын байдлаар иргэдээс төрийн байгууллага, албан тушаалтанд ирүүлсэн өргөдөл гомдлыг өмнөх оны мөн үетэй харьцуулбал 1703 өргөдлөөр буурсан үзүүлэлттэй байна.

 

 

“Иргэдээ-Сонсох жил” нэрлэсэн жилийн хүрээнд аймгийн Засаг дарга долоо хоног бүрийн Пүрэв, Баасан, Бямба гарагуудад иргэдийг хүлээн авч санал, хүсэлт, гомдлыг сонсож холбогдох арга хэмжээг авч ажиллаж байна.

Мөн нэрлэсэн жилийн хүрээнд сумдын Засаг дарга нар иргэдийн санал хүсэлтийг сонсож ажиллах нөхцөлийг бүрдүүлж цахимаар, утсаар, болон долоо хоног бүр хуваарь гарган иргэдийг хүлээн авч биечлэн уулзаж, санал, хүсэлтийг нь сонсон холбогдох арга хэмжээг авч ажиллаж байна. Долоо хоног бүрийн Баасан гарагт аймгийн Засаг дарга сумдын Засаг дарга нартай цахим хурлыг зохион байгуулж цахим уулзалтаар иргэдээс ирүүлсэн өргөдөл, гомдол, саналын тухайн үеийн мэдээллийг танилцуулж, шийдвэрлэлтэд хяналт тавин зөвлөмж, чиглэл өгч ажиллаж байна. Аймгийн Засаг дарга болон сумдын Засаг дарга нарын иргэдтэй биечлэн уулзсан иргэдийн санал, хүсэлт, гомдлыг бичгээр авсан тул өргөдөл, гомдлын тоон мэдээ нь бичгээр ирүүлсэн тоон мэдээлэлд нэгтгэгдсэн болно.  

Нэгдүгээр улирлын тайланг аймгийн хэмжээнд нэгтгэн гаргаж дүгнэлт хийгээд 2021 оны 04 дүгээр сарын 07-ны өдрийн аймгийн Засаг даргын XI зөвлөлийн хурлаар оруулж хэлэлцүүлэн, цаашид анхаарах зүйлсийн талаарх зөвлөмжийг аймгийн хэмжээнд үйл ажиллагаагаа явуулж буй төрийн байгууллагуудад хүргүүлж, хяналт тавьж ажиллахаар шийдвэрлэв.

 

Нийтэлсэн: 2021-05-05 17:04:13
Танд мэдээлэл таалагдаж байвал like хийнэ үү. Баярлалаа

Сайтын хандалт

Өнөөдөр:   9
Нийт хандалт:   192340
Таны IP:   35.175.107.77
Facebook messenger