НҮБ-ын хүнс хөдөө аж ахуйн байгууллагын Монгол Улс дахь шадар суурин төлөөлөгч Ноён Вашата Мисака Монгол Улсын Их Хурлын гишүүн, БОНХАЖ-ын яамны сайд, Аймгийн Засаг дарга нарын урилгаар албан ёсны айлчлал хийж буй юм.  Аймгийн зүгээс мал нядалгааны төвтэй болох, мах боловсруулах үйлдвэр байгуулах, сүүлийн жилүүдэд ихэсч байгаа малын гоц халдварт өвчнөөс урьдчилан сэргийлэх, таслан зогсооход олон улсын байгууллагын тусламж дэмжлэг авах, малын эмийн сангийн эмийн фондны төрлийг нэмэгдүүлэх, загас үржүүлэг,  усалгаатай газар тариалангийн тоног төхөөрөмжийг нэмэгдүүлэх, Хөвсгөл нуурыг хамгаалах, дэлхийн өвд бүртгүүлэхэд анхаарлаа хандуулж хамтран ажиллах, өндөр уулын бүсд гарч байгаа ойн түймрийг унтраах тоног төхөөрөмжийн асуудлыг шийдэх, ойг нөхөн сэргээх төсөл хөтөлбөрүүд хэрэгжүүлэх зэрэг асуудлаар хамтран ажиллах санал тавьлаа.

Ноён Вашата Мисака дээрх саналуудыг хүлээн авч “Онгон дагшин байдлаа хадгалан үлдсэн, үзэсгэлэнтэй байгальтай, найрсаг дотно Хөвсгөлийн ард иргэдтэй хамтран ажиллахдаа таатай байх болно” гэдгээ илэрхийлж, саналуудыг судлан үзэж, ойрын хугацаанд хариу өгөхөө мэдэгдлээ.