2017 ОНЫ НЭГДҮГЭЭР САРЫН ЦАГ АГААРЫН УРЬДЧИЛСАН МЭДЭЭ

Нийтэлсэн: 2017-01-18 19:14:16

Хөвсгөл аймгийн нутгаар: Энэ сарын агаарын температурын дундаж нь Дархадын хотгор, Идэр, Тэс, Бэлтэс, Үүр, Эгийнголуудын хөндийгөөр 26-31градус, бусад нутгаар 18-23 градус хүйтэн буюу нутгийн зүүн ба зүүн хойдхэсгээр олон жилийн дунджаас 0.5-1.0 градусаар хүйтэн,бусад нутгаар дунджийн орчим байх төлөвтэй/3 дугаар зураг/.

Нэгдүгээр арав хоногийн эхэн, гуравдугаар арав хоногийн сүүлийн хагаст хүйтний эрч суларч Дархадын хотгороор шөнөдөө 28-33 градус, өдөртөө 17-22 градус хүйтэн, Идэр, Тэс, Бэлтэс, Үүр, Эгийн голуудын хөндийгөөр шөнөдөө 24-29 градус, өдөртөө 12-17 градус хүйтэн, бусад нутгаар шөнөдөө 17-22 градус, өдөртөө 6-11 градус хүйтэн байна. Харин нэгдүгээр арав хоногийн дунд үе, хоёр ба гуравдугаар арав хоногийн эхээр хүйтний эрч чангарч Дархадын хотгороор шөнөдөө 37-42 градус, өдөртөө 27-32 градус хүйтэн, Идэр, Тэс, Бэлтэс, Үүр, Эгийн голуудын хөндийгөөр шөнөдөө 33-38 градус, өдөртөө 23-28 градус хүйтэн, бусад нутгаар шөнөдөө 27-32 градус, өдөртөө 15-20 градус хүйтэн байна. Бусад хугацаанд Дархадын хотгороор шөнөдөө 34-39 градус, өдөртөө 23-28 градус хүйтэн, Идэр, Тэс, Бэлтэс, Үүр, Эгийн голуудын хөндийгөөр шөнөдөө 29-34 градус, өдөртөө 19-24 градус хүйтэн, бусад нутгаар шөнөдөө 23-28 градус, өдөртөө 11-16 градус хүйтэн байна.

Энэ сард орох цасны хэмжээ нь нутгийн баруун болон баруун хойд хэсгээр олон жилийн дунджаас ахиу, нутгийн зүүн хэсгээр олон жилийн дунджаас бага, бусад нутгаар дунджийн орчим байх төлөвтэй/4 дүгээр зураг/.

Нэгдүгээр арав хоногийн эхэн, хоёрдугаар арав хоногийн дунд үеэр зарим газраар, нэгдүгээр арав хоногийн сүүлч, хоёрдугаар арав хоногийн эхэн, гуравдугаар арав хоногийн дунд үеэр ихэнх нутгаар, хоёрдугаар арав хоногийн сүүлчээр нутгийн хойд хэсгээр цас орох төлөвтэй. Энэ үеэр салхи зарим газраар 12-14 м/с, зарим үед нутгийн өмнөд хэсгээр түр зуур 18-20 м/с хүртэл ширүүсч цасан шуурга шуурах төлөвтэй.

ХӨДӨӨ АЖ АХУЙН ҮЙЛДВЭРЛЭЛД ХЭРХЭН

НӨЛӨӨЛӨХТУХАЙ

1 дүгээр сарын цаг агаарын урьдчилсан мэдээгээр агаарын дундаж температур нутгийн зүүн хэсгээр олон жилийн дунджаас хүйтэн, хур тунадас нутгийн баруун хэсгээр олон жилийн дунджаас ахиу орохоор байна.

Одоогийн байдлаар нийт нутгаар цасан бүрхүүлтэй байгаагаас зарим сумдын нутгаар 0-8 см, нягт нь 0,11-0,14 г/см3, Цэцэрлэг, Цагаан-Уул, Баянзүрх, Арбулаг, Бүрэнтогтох, Жаргалант, Галт, Түнэл, Рашаант, Чандмань-Өндөр, Цагаан-Үүр, Эрдэнэбулган, Мөрөн сумдад 8-19 см, нягт нь 0,12-0,19 г/см3, Ренчинлхүмбэ, Цагааннуур, Улаан-Уулд 20-29 см зузаан цастай буюу нягт нь 0,19-0,22 г/см³ тал газраа 30-40 см, хунгарлаж шуурсан газартаа 50-60 см байна.

11 дүгээр сарын 20-ны байдлаар гаргасан зудын эрсдлийн зургаар нутгийн 40 гаруй хувьд өвөлжилт хүндрэх эрсдэл ихтэй гарсан бөгөөд сарын урьдчилсан мэдээгээр нийт нутгаар цас олон жилийн дунджаас ахиу орохоор, агаарын температур дунджаас хүйтэн байхаар байгаа нь нөхцөл байдлыг улам хүндрүүлж, өвөлжилтөнд таагүй нөлөөлөхөөр байна. Цаашид өвөлжилт хүндэрч болзошгүй сум, орон нутгийн өвс тэжээлийн хүрэлцээг сайтар тооцож, өвс тэжээл нийлүүлэх, зөөвөрлөх, хуваарилах, хүртээх, отор нүүдэл хийх мөн иргэдийн аюулгүй байдлыг хангах зэрэг арга хэмжээг авч хэрэгжүүлэх шаардлагатай байгааг анхаарна уу.

Хөвсгөл аймгийн УЦУОШГазар

Таньд мэдээлэл таалагдаж байвал like хийнэ үү. Баярлалаа

Холбоотой мэдээ

7038-1111 УТСАНД 2017.08.01 НЭЭС 08 САРЫН 31 ХҮРТЭЛХ ХУГАЦААНД НИЙТ 27 ДУУДЛАГА ИРСЭН БАЙНА

"МӨНГӨН ТЭМДЭГТИЙН СОЁЛТОЙ ХЭРЭГЛЭЭ" АЯН

7038-1111 утсанд ирсэн санал хүсэлт гомдол, түүний шийдвэрлэлт

Монгол банкны мэдэгдэл