Аймгийн Засаг даргын үйл ажиллагааны "Хамгаалагдсан хүүхэд аз жаргалтай гэр бүл" хөтөлбөрийн хүрээнд Хөвсгөл аймгийн аварга шалгаруулах "Хөгжилд хамтдаа" тусгай олимп 8-р сарын 23-24-ний өдрүүдэд амжилттай явагдаж байна. Энэхүү арга хэмжээг хамтран зохион байгуулж дэмжлэг үзүүлж буй Монголын тусгай олимпийн хороо, ДЗМОУБХОНХ, Энхтайвны корпус, бусад холбогдох төрийн байгууллагын хамт олондоо баярлалаа. Тус арга хэмжээнд оюуны хөгжлийн бэрхшээлтэй хүүхдүүдийн 60 хувь нь оролцож байгаа бөгөөд спортын 5 төрөлд хурд хүч авхаалж самбаагаа сорин өрсөлдөж байна. Тусгай олимп нь спортын уралдаан тэмцээнээр дамжуулан оюуны бэрхшээлтэй хүүхэд залуусыг нийгэмшүүлэх,урам дэм өгөх, баг хамт олон болгох зэрэг олон талын ач холбогдолтой юм. Мөн спортын тэмцээнээс гадна нарийн мэргэжлийн эмч нар эрүүл мэндийн үзлэг хийж асран хамгаалагчдад зориулсан сургалтуудыг зохион байгуулж байна.Энэхүү арга хэмжээнд асран хамгаалагч, баг тамирчид, зохион байгуулагчид нийт 150 орчим хүн оролцож байна.