Хөвсгөл аймгийн ЗДТГ, НҮБ-ын хүүхдийн сантай хамтран аймгийн удирдах ажилтны зөвлөгөөнийг зохион байгуулж байна. “Удирдлагын манлайлал- Хүүхдэд ээлтэй орон нутаг” аймгийн удирдах ажилтны зөвлөгөөн энэ сарын 22-23 өдрүүдэд Мөрөн суманд зохион байгуулагдах бөгөөд тус зөвлөгөөнд аймгийн 280 удирдах ажилтан албан хаагчид оролцож байна.  

Зөлөгөөн нь Аймгийн удирдах ажилтны ёс зүй, манлайллыг дээшлүүлэх, хариуцлага хамтын ажиллагааг сайжруулах, хүүхдэд ээлтэй бодлого төлөвлөлтийг тогтвортой байдалд бүх шатны төрийн байгууллагуудын оролцоог хангах зорилготой юм.

Зөвлөгөөний нээлтэнд өөрсдийн ажил үйлс, амжилт бүтээл арвин туршлагаараа төрийн албан хаагчдаа манлайлан ажиллаж буй Тариалан сумын Засаг дарга Ц.Хөвсгөлдалай ,СТСХ-ын дарга Г.Сувд, Хилийн 0257 ангийн захирагч Б.Батбаяр, ЭДЦС-ын захирал Д.Цогтоо нарт хүндэтгэл үзүүллээ.