• Хөвсгөл аймаг
  • Хөвсгөл аймаг
  • Хөвсгөл аймаг
"МӨНГӨН ТЭМДЭГТИЙН СОЁЛТОЙ ХЭРЭГЛЭЭ" АЯН...       7038-1111 утсанд ирсэн санал хүсэлт гомдол, түүний шийдвэрлэлт...       Монгол банкны мэдэгдэл...       Монгол банкнаас мэдээллэв...       2017 ОНЫ НЭГДҮГЭЭР САРЫН ЦАГ АГААРЫН УРЬДЧИЛСАН МЭДЭЭ ...       5 сарын Өргөдөл гомдлын мэдээ...       70381111 төвд байгууллагууд ажиллаж байна...       3 сарын өргөдөл гомдол...       2 сарын өргөдөл гомдлын мэдээ...       ИРГЭДЭД ҮЙЛЧЛЭХ 7038-1111 ТӨВ”-ИЙН ҮЙЛ АЖИЛЛАГААНЫ ЯВЦЫН МЭДЭЭЛЭЛ...       Захиалагчийн хяналтын зардлын дансны орлого, зарлагын гүйлгээ...       Аймгийн Засаг дарга НҮБ-ын хүнс хөдөө аж ахуйн байгууллагын Монгол Улс дахь шадар суурин төлөөлөгч ноён перси Вашата Мисикаг хүлээн авч уулзлаа....       800 төрийн албан хаагч баяр наадмыг эхлүүлнэ....       Ер нь аливаа хөгжил залуучуудын идэвх санаачлага, оролцоон дээр л тулгуурлагдаж байдаг гэдгийг олж харсан нутгийнхаа удирдлагуудад талархаж байна. ...       Эрдэнэбулган сумын цэцэрлэг иж бүрэн тоглоомтой боллоо...      
ХӨВСГӨЛ АЙМГИЙН ЗАСАГ ДАРГЫН 2014-2016 ОНЫ ҮЙЛ АЖИЛЛАГААНЫ ХӨТӨЛБӨР /Төсөл/
Нийтэлсэн: 2013-12-30 16:19:28

Төсөл                                                                                     Аймгийн ИТХ-ын 2013 оны 12 дугаар сарын 04-ний өдрийн ээлжит  5 дугаар хуралдааны нэгдүгээр хавсралт

 

 

ХӨВСГӨЛ АЙМГИЙН ЗАСАГ ДАРГЫН

 2014-2016 ОНЫ ҮЙЛ АЖИЛЛАГААНЫ

ХӨТӨЛБӨР

 

2013.11.23.

 

            Үйл ажиллагааны хөтөлбөрийн зорилго

           

            Төр иргэний хамтын ажиллагаанд суурилсан, байгаль орчинд ээлтэй, аж үйлдвэр, хөдөө аж ахуй, аялал жуулчлалын хөгжилд тулгуурлаж хүний амьдрах, ажиллах, хөгжих таатай орчинг бүрдүүлсэн, хүүхдэд ээлтэй аймаг болно.

           

            Үйл ажиллагааны хөтөлбөрийг хэрэгжүүлэх зарчим

 

1.    Төрийн үйл ажиллагаа ил тод, нээлттэй байна.

2.    Хэрэгжих үйл ажиллагаа бүр нь шударга эрх тэгш байдлыг хангасан байна.

3.    Хөтөлбөрийг хэрэгжүүлэгч бүр өөрийн нөөц бололцоо, мэдлэг чадвараа бүрэн дайчлан хариуцлагатай ажиллана.

4.    Ажил хариуцагч бүр шинийг эрэн хайж, өөрчлөлт шинэчлэлтийг хийж ажиллана.

 

                                 Нэг. Нийгмийн салбарын бодлого

 

1.1Эрүүл мэндийн бодлого:

 

ЭРҮҮЛ МЭНДИЙН ШИНЭЧЛЭЛ- ИРГЭН БҮРТ

 

Эрүүл мэндийн салбарт тогтолцооны  шинэчлэл хийж, тусламж, үйлчилгээг хүн амд тэгш, хүртээмжтэй, чанартай үзүүлж,   өвчлөл  эндэгдлийг тууштай бууруулан,  үйлчлүүлэгчээ дээдэлсэн үйл ажиллагааг хэрэгжүүлж, эрүүл мэндийг дэмжих хөдөлгөөнийг өрнүүлэн үнэлэмжийг дээшлүүлнэ.

 

            Эрүүл мэндийн бодлогын зорилтууд

 

            1.1.1.  Эрүүл  мэндийн салбарт   тогтолцооны шинэчлэл хийж,  Мөрөн  сумын эрүүл мэндийн байгууллагын тогтолцоог өөрчлөх

 

            1.1.2   Аймгийн Нэгдсэн эмнэлэг болон эрүүл мэндийн төвүүдийг  орчин үеийн тоног төхөөрөмж,  техник хэрэгслээр хангах

 

            1.1.3. Эмнэлгийн тусламж үйлчилгээний чанар, хүртээмж,  аюулгүй байдлыг   сайжруулах

 

            1.1.4.   Эрүүл мэндийн байгууллагуудыг өндөр хурдны интернетэд холбон  иргэн бүрийг цахим эрүүл мэндийн  карттай болгох эхлэлийг тавьж интернетэд суурилсан цахим сүлжээг нэвтрүүлэх

 

            1.1.5.  Эрүүл мэндийн байгууллагыг  үйлчлүүлэгчээ дээдэлсэн үйл ажиллагааны  зарчимтай болгож,  нийгмийн бүлэг бүрт ээлтэй орчин  нөхцөлийг бүрдүүлэх

 

            1.1.6. Эрүүл  мэндэд   сөргөөр  нөлөөлөх хүчин зүйлсийг бууруулж,  иргэдийн  эрүүл  аюулгүй орчинд  ажиллаж, амьдрах орчин нөхцөлийг сайжруулах

 

            1.1.7. Эх нялхасын эрүүл мэндийг хамгаалах тогтолцоог боловсронгуй болгож, бүхий л үйл ажиллагаагаа  “Хүүхдэд ээлтэй  аймаг”  болгоход чиглүүлэх.

 

            1.1.8. Эрүүл мэндийн байгууллагуудыг  өндөр мэдлэг, ур чадвартай, мэргэшсэн боловсон хүчнээр  хангаж, гадаад  дотоодын сургалтанд хамруулан  сургах

 

            1.1.9.  Нийгмийн эрүүл мэндийн асуудлыг  сайжруулж,  иргэдийн  эрүүл аж төрөх хэв маяг, эрүүл мэндээ хамгаалах зөв зан үйлийг төлөвшүүлэн, эрүүл мэндийг дэмжих хөдөлгөөн  өрнүүлэх,  сум, баг, байгууллага, хамт олон,  аж ахуйн нэгжийн оролцоог нэмэгдүүлэх

 

            1.1.10.  Хүүхэд,  өсвөр  үеийн   амны  хөндийн эрүүл мэнд,  шүд цоорох өвчний тархалтыг  бууруулах

 

            1.1.11. Уламжлалт анагаах ухааныг орчин үеийн анагаах ухааны ололттой хослуулан эмчилгээ, сувилгааны чанар, үр өгөөжийг дээшлүүлэх

 

           

1.2  Боловсрол, Хүүхэд гэр бүлийн хөгжлийн  бодлого:

 

ХӨГЖИЛД ДАГУУЛСАН БАГШ- ХҮҮХДЭД  ЭЭЛТЭЙ АЙМАГ

 

 Хүүхэд бүрийг хөгжих боломжоор адил тэгш хангаж сургууль завсардалтыг бүрэн халсан, хөгжсөн багш-үр дүнтэй сургалттай, эрүүл аюулгүй орчинтой олон нийтийн оролцоог хангасан хүүхдэд ээлтэй боловсролыг хөгжүүлнэ

 

            Боловсрол, Хүүхэд гэр бүлийн хөгжлийн  бодлогын зорилтууд

 

 1.2.1. Хүүхэд нэг бүрийг сургуулийн өмнөх боловсрол, ерөнхий боловсролын сургууль, сургалтын бусад уян хатан үйлчилгээнд хамруулах замаар сургууль завсардалтыг арилгаж, СӨБ-ын хамран сургалтыг 90 хувьд хүргэх

 

              1.2.2. СӨБ-ын менежмент, орчныг сайжруулж, багш нарыг арга зүйн сургалтанд хамруулж чадавхжуулах

              1.2.3.  Сургалтын зохион байгуулалт менежментийг боловсронгуй болгож, хүүхэд бүрийн авьяасыг нээн хөгжүүлэх

              1.2.4.  Багш  нарын  ажиллах нөхцөл, нийгмийн асуудлыг  сайжруулж, сургууль цэцэрлэгийн ариун цэвэр, усан хангамжийг нэмэгдүүлж, эрүүл аюулгүй орчныг бүрдүүлэх

              1.2.5.  Суралцагчдад экологийн боловсрол эзэмшүүлж эко-клубуудын үйл ажиллагааг тогтмолжуулан, загвар болох хэмжээнд хөгжүүлэх

              1.2.6.  Сумдын сургууль,, цэцэрлэгүүдийг интернетэд бүрэн  холбож,  цахим мэдээлэл, сургалт, судалгаа  арга  зүйн  ажлыг өргөжүүлэх

              1.2.7. Насан туршийн боловсролын тогтолцоог бий болгож, үйлчилгээний чанар хүртээмжийг нэмэгдүүлэх

              1.2.8. Яслийн болон 24 цагийн цэцэрлэг, өдөр өнжүүлэх бүлэг байгуулж ажиллуулах санаачлагыг дэмжих.

            1.2.9. Орон нутгийн хэрэгцээ шаардлагад нийцүүлэн мэргэжлийн болон дээд боловсролын сургуулийг өргөтгөж магистр болон докторын зэрэгтэй багшийн тоог нэмэгдүүлэх

 

              1.2.10. Хүүхэд, гэр бүлийн  хөгжил, хамгаалал, оролцооны талаар аймгийн хэмжээнд хэрэгжүүлэх бодлого чиглэлийг тодорхойлон хэрэгжүүлж, “Хүүхдэд ээлтэй аймаг ” болох

 

                              

                        1.3.  Соёл, спортын бодлого

 

           ТҮҮХ СОЁЛОО  ДЭЭДЭЛСЭН-ЭРҮҮЛ ЧИЙРЭГ ИРГЭНИЙ ТӨЛӨӨ

 

Соёлын өвийг хамгаалах, соёлын аялал жуулчлал, үйлчилгээний хүртээмжийг сайжруулж, биеийн тамир спорт, чийрэгжүүлэлтийг хүн амын амьдралын хэв маяг, эрүүл аж төрөх ёсны салшгүй хэсэг болгон эрүүл зан үйлийг төлөвшүүлнэ.

 

                        Соёл, спортын бодлогын зорилтууд:

 

1.3.1. Соёл, урлагийн байгууллагын барилга байгууламжийг стандартад нийцүүлэх чиглэлээр хөрөнгө оруулалтыг нэмэгдүүлж, техник тоног төхөөрөмжөөр хангах

 

1.3.2.  Соёл, урлагийн байгууллагыг мэргэжилтэй боловсон хүчнээр  хангах

 

           1.3.3. Аймгийнхаа үндэстэн, ястаны соёл, урлагийг хөгжүүлж брэнд бүтээгдэхүүн, соёлын үйлдвэрлэл-аялал жуулчлалыг хөгжүүлэх орчин нөхцөлийг бүрдүүлэх

 

1.3.4. Соёлын өвийг эрэн сурвалжлах, судлах, хадгалж хамгаалах, сэргээн засварлах нөхцөл боломжийг сайжруулж , номын сангийн нэгдсэн бүртгэл мэдээлийн тогтолцоог  бүрдүүлж цахим мэдээллийн сантай болгох.

1.3.5. Соёл, урлагийн үйлчилгээний менежментийг шинэчлэн, сумдын соёлын төвүүдийн үйлчилгээний чанар хүртээмжийг сайжруулж шинэ тогтолцоог бүрдүүлэх

 

1.3.6.  Нийтийн биеийн тамирын задгай талбай, хөл бөмбөг, тэшүүрийн талбайг гудамж хороололд байгуулах

 

1.3.7.  Биеийн тамир спортоор хичээллэх орчин нөхцөлийг сайжруулж, гадаад хамтын ажиллагаа, төсөл  хөтөлбөр, урамшуулалын тогтолцоог шинэчлэх.

 

               1.4. Хүн амын хөгжил, нийгмийн халамжийн бодлого

ХҮН АМЫН ТОГТВОРТОЙ ХӨГЖЛИЙН ТӨЛӨӨ

 

 Хүн амын тогтвортой хөгжлийг хангахад нийгмийн хамгаалалын цогц бодлогыг чиглүүлэн, нийгмийн халамжийн бодлогыг зорилтот бүлэгт хүргэж амьдралын чанарыг сайжруулна.

 

            Хүн амын хөгжил, нийгмийн халамжийн зорилтууд

 

            1.4.1. Хөгжлийн бэрхшээлтэй иргэдэд үзүүлэх нийгмийн үйлчилгээний чанар хүртээмжийг нэмэгдүүлж, тэдний нийгэм дэх үүрэг оролцоог сайжруулах

 

            1.4.2. Өрхийн амьжиргааны түвшинг тогтоох судалгаанд үндэслэн зорилтот бүлгийг оновчтой тодорхойлж, нийгмийн халамжийн бодлогыг чанаржуулах

 

            1.4.3. Гэр бүлийн болон, эдийн засаг, нийгэм, улс төрийн шийдвэр гаргах түвшинд жендерийн мэдрэмжтэй бодлогыг хэрэгжүүлэх

            1.4.4. Өрх, гэр бүлийн хөгжлийг дэмжих аймгийн дэд хөтөлбөрийг хэрэгжүүлэхэд салбар дундын оролцоог хангаж, хамтын ажиллагааг сайжруулах

            1.4.5.  Газар зүйн онцлог, байгалийн нөөцийг харгалзан сумдад ахмад настны амралт, эмчилгээ, сувилгааны төвийг байгуулж, санаачлагыг дэмжих

            1.4.6. Олон нийтийн оролцоонд түшиглэсэн халамжийн биет үйлчилгээг дэмжиж өргөжүүлэх.

 

            1.5. Хөдөлмөр эрхлэлтийн бодлого.

            АЖИЛТАЙ ИРГЭН- ОРЛОГОТОЙ ӨРХ

Хөдөлмөр эрхлэлтийн бодлогыг өрх бүрийн хэрэгцээтэй уялдуулж 10000-аас доошгүй ажлын байрыг бий болгон, амьжиргааны баталгаажих түвшингээс доогуур орлоготой өрхийн тоог бууруулна.

            Хөдөлмөр эрхлэлтийн бодлогын зорилтууд

            1.5.1. Хөдөлмөрийн зах зээлийн бүртгэл, цахим мэдээллийн сантай болж хөдөлмөрт зуучлах үйлчилгээг өргөжүүлэх

 

            1.5.2. Хөдөлмөрийн аюулгүй байдал эрүүл ахуйг сайжруулах

 

            1.5.3. Хөдөлмөрийн харилцааг сайжруулах асуудлаар “Нийгмийн түншлэл”-ийн байгууллагуудтай хамтран ажиллах

 

            1.5.4 “Хөдөлмөр эрхлэлтийг дэмжих хөтөлбөр”-үүдийг үр дүнтэй, хүртээмжтэйгээр хэрэгжүүлэх

 

            1.5.5.  Жижиг дунд үйлдвэрлэлийг дэмжих сан, сум хөгжүүлэх сангийн бүрдүүлэлт зарцуулалтыг ил тод, нээлттэй болгон эдийн засгийн үр ашгийг дээшлүүлж, ажлын байрыг нэмэгдүүлэх

 

            1.5.6.  Хоршоо, ахуйн үйлчилгээний салбарыг бодлогоор дэмжиж сум бүрт ахуйн үйлчилгээний салбарыг  бий болгох

 

            1.5.7.Ажил олгогчийн захиалганд тулгуурлаж хөдөлмөрийн зах зээлийн эрэлт хэрэгцээнд нийцүүлэн мэргэжилтэй ажилтан бэлтгэж, байнгын ажлын байрны тоог нэмэгдүүлэх

 

           1.5.8. Албан бус хөдөлмөр эрхлэгчдийн бүртгэл судалгааг боловсронгуй болгож тэднийг хөдөлмөр эрхлэлтийн бодлогоор дэмжих

 

 

Хоёр. Төсөв санхүүгийн бодлого

 

            2.1. Төсөв санхүүгийн бодлого.

            ИРГЭДИЙН ОРОЛЦОО-ТӨСВИЙН ШИНЭЧЛЭЛ

 Нээлттэй, ил тод, иргэдийн оролцоотой, хариуцлагатай төсвийн орчинг бүрдүүлж төсөв, санхүүгийн шинэчлэлийн бодлогыг хэрэгжүүлнэ.

 

                      Төсөв санхүүгийн бодлогын зорилтууд:

 

     2.1.1. Төсөв, санхүүгийн шинэчлэлийн бодлогыг хэрэгжүүлж, төсвийн ил тод, нээлттэй байдлыг хангаж,  захиран зарцуулалтын хариуцлагыг дээшлүүлэх

 

2.1.2. Мэдээ, тайлангийн шуурхай байдал, чанарт шинэчлэлт хийх

 

2.1.3. Татварын хууль, тогтоомжийн хэрэгжилтэд тавих хяналтыг сайжруулан, татварын суурийг өргөжүүлэн, татварт хамрагдалтын түвшинг нэмэгдүүлэх чиглэлээр бодит өөрчлөлт хийж, татвар төлөгчдийн эрх зүйн мэдлэг, сэтгэлгээний хандлагыг өөрчлөх

 

2.1.4. Хөрөнгийн зах зээлийг орон нутагт хөгжүүлэх санал санаачилга гаргагчдыг дэмжиж, хамтран ажиллаж, иргэдийн энэ талын мэдлэгийг дээшлүүлэх дэс дараатай арга хэмжээ авах

 

2.1.5. Арилжааны даатгалын компаниудын зах зээлийн эрэлт хэрэгцээ, хүмүүсийн эрх ашигт нийцсэн шинэ үйлчилгээ, бүтээгдэхүүнийг хэрэглэгчдэд нийлүүлэхийг дэмжих  замаар даатгалын нийгмийн хамгаалалын ач холбогдлыг  нэмэгдүүлж, даатгалын үйлчилгээг жигд хүртээмжтэй хүргэх, даатгалын байгууллагуудын дунд шударга өрсөлдөөн бий болгох, эрх тэгш боломжоор ханган хамтран ажиллах

2.1.6 Нийгмийн даатгалын сангийн эрх зүйн орчны шинэчлэлийг орон нутагт шуурхай хэрэгжүүлж  нийгмийн даатгалын  сангийн орлогын бүрдүүлэлтийг нэмэгдүүлэх

2.1.7. Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагаанд оролцогчдод тэгш боломж олгох, ил тод хариуцлагатай байх зарчмыг хэрэгжүүлэн, худалдан авах ажиллагааг  цахим хэлбэрт шилжүүлэх замаар төсвийн хөрөнгийн эдийн засгийн үр ашиг, хөрөнгө оруулалтын өгөөжийг нэмэгдүүлэх

 

2.1.8. Орон нутгийн өмчийн эд хөрөнгийн үр өгөөжийг дээшлүүлж аймгийн эдийн засаг, нийгмийн хөгжилд бодит хувь нэмэр оруулах

 

 

Гурав. Орон нутгийн хөгжлийн бодлого

 

           3.1 Эдийн засгийн хөгжлийн бодлого

            ОНОВЧТОЙ БОДЛОГО-ХӨГЖЛИЙН ГАРЦ

 

    Хөгжлийн нөөц боломж, давуу талаа оновчтой ашиглах замаар эдийн засгийн өсөлтийг нэмэгдүүлэн, хөдөө аж ахуй, аж үйлдвэрийн салбарыг эрчимтэй хөгжүүлж,  аймгийн нэг хүнд ногдох дотоодын нийт бүтээгдэхүүнийг 3.1 сая төгрөгт хүргэнэ.

 

                       Эдийн засгийн хөгжлийн бодлогын зорилтууд

            3.1.1. Хөгжлийн бодлогуудын хэрэгжилтийг дүгнэж, цаашдын урт, дунд, богино хугацааны оновчтой бодлогуудыг төлөвлөн хэрэгжүүлэх 

 

            3.1.2. Орон нутгийн эрдэс түүхий эдийн нөөцөд тулгуурласан барилгын материалын жижиг дунд үйлдвэр байгуулах ажлыг дэмжих

 

            3.1.3. Орон нутгийн хөгжлийн индексийг тооцох, анхан шатны мэдээллийн чанарыг сайжруулан, тооцооллыг хийж, эдийн засаг, нийгмийн хөгжлийн төлөвлөлттэй уялдуулах

 

            3.1.4. Сумдын Мянганы Хөгжлийн Цогц  бодлоготой уялдуулан гаргасан хөгжлийн хөтөлбөрийн хэрэгжилтийг эрчимжүүлж, шинэ сум төслийг хэрэгжүүлэх

 

            3.1.5. Аймаг орон нутагт хэрэгжиж буй төсөл, хөтөлбөрийн үйл ажиллагааны үр дүнг  нэмэгдүүлж, гадна дотны  байгууллагуудтай хамтран шинээр хэрэгжих боломжтой төсөл хөтөлбөрийг хэрэгжүүлэх

 

            3.1.6. Бизнесийн  чиглэлээр үйл ажиллагаа явуулж буй ААН байгууллага, иргэдтэй хамтран хэлэлцүүлэг хийх, бизнесийн үйл ажиллагааг нь өргөтгөх зах зээлд эзлэх байр суурийг нь бэхжүүлэх үүднээс шинэ  санал санаачлага гаргагчдыг дэмжих

           

 

                     3.2. Дэд бүтэц, хот байгуулалтын хөгжлийн бодлого

 

                        ОНОВЧТОЙ ШИЙДЭЛ- ШИНЭ ХОТ

 

Салбарын хөгжлийн бодлого боловсруулж, хүртээмжтэй шинэ дэвшилтэт техник технологид тулгуурласан дэд бүтцийг хөгжүүлнэ.

 

                        Дэд бүтэц, хот байгуулалтын хөгжлийн бодлогын зорилтууд

 

            3.2.1. Эдийн засгийн үр ашгийг харгалзан төв суурин газар дулаан хангамжийн нэгдсэн системийг ээлж дараатай бий болгох

            3.2.2. Авто замын мастер төлөвлөгөөний хэрэгжилтийг хангаж, ард иргэдийн ая тухтай зорчих нөхцөл боломжийг бүрдүүлэх

            3.2.3. Холбоо мэдээллийн дэвшилтэт технологийг нэвтрүүлэх

          3.2.4. Цахилгаан эрчим хүчний найдвартай эх үүсвэрийг нэмэгдүүлж, хөдөөгийн иргэдийг сэргээгдэх эрчим хүчний эх үүсвэрээр хангах

            3.2.5. Тээвэр зуучлалын бодлого боловсруулж, шинэчлэл хийх

            3.2.6. Усан хангамж, ариутгах татуургын шинэчлэлийг үргэлжлүүлэх

            3.2.7. Мөрөн сумыг улсын зэрэглэлтэй хот болгож, “Шинэ Мөрөн” хөтөлбөрийг хэрэгжүүлэх

            3.2.8. Мөрөн сумын хөгжлийн ерөнхий төлөвлөгөө болон сумдын ерөнхий төлөвлөгөөг боловсруулж хэрэгжилтийг хангах

            3.2.9. Барилга байгууламжийн чанар,  хөрөнгө оруулалтын үр дүнг сайжруулах

                             3.3.  Худалдаа, үйлчилгээ, хүнсний аюулгүй байдлын бодлого

                 

ТОХИЛОГ ОРЧИН- ЭРҮҮЛ, АЮУЛГҮЙ ХҮНС

 

 

            Салбар хоорондын хамтын ажиллагааг сайжруулан,  ард иргэдийн хэрэгцээнд дотоодын үйлдвэрийн аюулгүй хүнсний бүтээгдэхүүнийг нэмэгдүүлж, худалдаа, үйлчилгээ, үйлдвэрлэлийн стандартыг мөрдүүлнэ.

 

                        Худалдаа, үйлчилгээ, хүнсний аюулгүй байдлын бодлогын                                                                                    зорилтууд

 

           3.3.1. Хүн амыг эрүүл аюулгүй орчинд бэлтгэгдсэн шим тэжээллэг чанар өндөртэй бүтээгдэхүүнээр хүртээмжтэй, тогтвортой хангах нөхцөлийг бүрдүүлэх

 

           3.3.2. Худалдаа, үйлчилгээ, нийтийн хоол үйлдвэрлэлийн чанар, хүртээмжийг сайжруулж  тохилог орчин бий болгох

 

           3.3.3. Хүнсний үйлдвэрлэлд аюулын дүн шинжилгээ, эгзэгтэй цэгийн хяналтын тогтолцоо /HACCP/, хүнсний аюулгүй байдлын чанарын удирдлагын тогтолцоо /ISO9001/, үйлдвэрлэлийн зохистой дадал /GMP/ нэвтрүүлж, хүнсний бүтээгдэхүүний чанар, аюулгүй байдлыг сайжруулж, хяналтын тогтолцоог бүрдүүлэх

 

          3.3.4. Худалдаа, үйлчилгээний соёл, стандарт, эрх үүргийн тухай мэдлэг, мэдээллийг нэмэгдүүлэх чиглэлээр иргэнд чиглэсэн сургалт, мэдээллийн үйл ажиллагааг эрчимжүүлэх

 

           3.3.5.   Мэргэжлийн байгууллага, холбоодтой хамтран ажиллаж, хуульд нийцүүлэн тодорхой дэмжлэгийг үзүүлэх

 

 

3.4. Хөрөнгө оруулалт үйлдвэржүүлэлтийн бодлого.

 

ТӨРИЙН ДЭМЖЛЭГ – ҮЙЛДВЭРЖИЛТИЙН ХӨГЖИЛ

 

Жижиг, дунд үйлдвэрлэл, ахуйн үйлчилгээний хөгжлийг дэмжиж, эдийн засагт эзлэх хувийг нэмэгдүүлнэ.           

 

            Хөрөнгө оруулалт үйлдвэржүүлэлтийн бодлогын зорилтууд

 

 

 

            3.4.1. Байгаль орчинд ээлтэй технологи бүхий хайрган бутлуур, бетон зуурмаг, барилгын материалын үйлдвэрлэл, загас үржүүлэх, олзворлох,  мал аж ахуйн түүхий эдэд тулгуурласан жижиг дунд үйлдвэр, хаягдалгүй технологи бүхий модны үйлдвэрлэлийг дэмжих.

 

            3.4.2. Үйлчлүүлэгчдийн ая тухтай байдлыг хангахуйц, хэрэгцээнд нийцсэн орчин үеийн зочлох үйлчилгээ эрхлэгчдийг дэмжих

 

            3.4.3. Хөрөнгө оруулалтыг дэмжих идэвхтэй хамтын ажиллагаа өрнүүлж, гадаад, дотоодын хөрөнгө оруулалтыг нэмэгдүүлэх

 

            3.4.4. Аймгийн хөрөнгө оруулалтын дунд хугацааны хөтөлбөрийг боловсруулах, хөрөнгө оруулалтын үр өгөөжийг дээшлүүлэх бодлого, зөвлөмж боловсруулах

 

            3.4.5. Хөрөнгө оруулалтаар хэрэгжиж байгаа төсөл арга хэмжээний гүйцэтгэлийн явцад захиалагч болон ашиглагч байгууллагаас тавих хяналтын тогтолцоог боловсронгуй болгох

 

            3.4.6. Могойн голын уурхайд хувь нийлүүлэгчтэй хамтарч техникийн шинэчлэл хийж үйл ажиллагааг өргөтгөх

 

            3.4.7. Экологийн цэвэр бүтээгдэхүүн үйлдвэрлэх, шинэ төрлийн бизнесийн санал санаачлага гаргасан иргэд АА-н нэгжүүдийг дэмжин Хөвсгөл аймгийн брэнд бүтээгдэхүүний тоог нэмэгдүүлэх

 

            3.4.8. Байгальд ээлтэй дэвшилтэт технологи нэвтрүүлэх, нутагшуулах замаар импортлох, экспортын чиг баримжаатай гадаад зах зээлд өрсөлдөхүйц хэмжээний хүнсний үйлдвэрүүдийг хөгжүүлэх

 

 

                        3.5.  Аялал жуулчлалын бодлого

 

              АЯЛАЛ ЖУУЛЧЛАЛ-ХӨГЖЛИЙН ИРЭЭДҮЙ

 

            Иргэдийн оролцоонд түшиглэсэн байгальд ээлтэй нутгийн онцлог бүхий аялал жуулчлалыг хөгжүүлнэ.

 

              Аялал жуулчлалын бодлогын зорилтууд:

 

3.5.1     Аялал жуулчлалын салбарыг аймгийн нийгэм эдийн засгийн тэргүүлэх салбарын нэг  болгон    хөгжүүлэх

 

3.5.2.   Аялал жуулчлалыг байгаль хамгаалах үйл ажиллагаатай холбох замаар экотуризмын аялал жуулчлалыг хөгжүүлэх.

 

3.5.3.   Нутгийн иргэдэд түшиглэсэн аялал жуулчлал /НИТАЖ/-ыг хөгжүүлэх

3.5.4.   Нүүдэлчний соёл, зан, заншил амьдралын хэв маягт түшиглэсэн аялал жуулчлалыг хөгжүүлэх

 

3.5.5.   Гадаадын жуулчин, дотоодын аялагч нарын тав тухтай аялах боломжийг бүрдүүлэх зорилгоор дэд бүтцийг хөгжүүлэх

 

3.5.6. Аялал жуулчлалын гадаад харилцааг хөгжүүлэх

 

Дөрөв. Хөдөө аж ахуй, байгаль орчны бодлого

 

            4.1.  Мал аж ахуйн бодлого

 

           ЭРҮҮЛ МАЛ-ЭРЧИМЖСЭН АЖ АХУЙ

 

Мал аж ахуйн салбарыг эрчимтэй хөгжүүлж, эрүүл бүс нутгийн статусыг баталгаажуулж, мал аж ахуйн бүтэц, мал эмнэлэг, үржлийн үйлчилгээг сайжруулна.

 

                        Мал аж ахуйн бодлогын зорилтууд

 

4.1.1. Эрчимжсэн мал аж ахуйг хөгжүүлэхэд дэмжиж ажиллах

 

4.1.2. Мал сүргийн чанарыг сайжруулж,зохистой бүтэц бүхий бэлчээрийн мал аж ахуйг хөгжүүлэх

 

4.1.3. Мал сүргийг эрүүлжүүлэх ажлыг шат дараалалтай зохион байгуулж, эрүүл малаас эрүүл хүнс бэлтгэн улмаар гадаад зах зээлд гаргах, малчдын мал аж ахуйгаас  олох орлогыг нэмэгдүүлэх

 

4.1.4. Цаа бугын удмын санг хамгаалж, цаачдын амьдралыг дээшлүүлэх төсөл хөтөлбөрийг дэмжиж ажиллах

 

4.1.5. Бэлчээрийг усжуулах, хамгаалах, нөхөн сэргээх ажлыг үргэлжлүүлэх

 

4.1.6. Мал  аж ахуйн байгалийн эрсдэл даах чадавхийг нэмэгдүүлж, аймаг сум багт өвс, тэжээлийн  аюулгүйн нөөц бүрдүүлэх

 

4.1.7. Малчдын хоршоо, хөдөө аж ахуйн гаралтай түүхий эдийн биржийн үйл ажиллагааг дэмжих

 

 

                    4.2. Газар тариалангийн бодлого

 

ЭРҮҮЛ ХҮНС- ЭРЧИМЖСЭН ГАЗАР ТАРИАЛАН                                                      

            Газар тариалангийн үйлдвэрлэлийг эрчимтэй хөгжүүлж, төмс, хүнсний ногооны хангамжийг нэмэгдүүлэх.

 

Газар тариалангийн бодлогын зорилтууд

 

            4.2.1. Газар тариалангийн аж ахуйн нэгжүүдэд парк шинэчлэл, техник, тоног төхөөрөмжийн шинэчлэл хийхэд дэмжлэг үзүүлэх

 

            4.2.2. Эрчимжсэн газар тариалан, хөрс хамгаалал, тариалангийн ойн зурвас, хайгуул хийх улмаар тариалалтыг нэмэгдүүлэх

   

            4.2.3. Өрхийн болон хүлэмж, зоорийн ашиглалтыг нэмэгдүүлэх

 

            4.2.4. Жимс, жимсгэний суулгац бэлтгэх, тариалах үйл ажиллагааг дэмжих

 

            4.2.5. Менежмент, хүний нөөц, мэргэжилтэн бэлтгэх сургалтын орчин бүрдүүлэх

 

            4.2.6. Тэжээлийн ургамал тариалалтыг нэмэгдүүлэх

 

 

              4.3. Байгаль орчны бодлого

 

ИРГЭДДЭЭ ИТГЭСЭН БАЙГАЛЬ ХАМГААЛАЛ

           

            Иргэдийн байгаль орчны талаарх боловсролыг дээшлүүлж, Байгаль орчныг хамгаалах, зөв зохистой ашиглах, нөхөн сэргээх цогц бодлогыг хэрэгжүүлэхэд тэдний оролцоог нэмэгдүүлнэ.

 

             Байгаль орчны бодлогын зорилтууд

 

            4.3.1. Байгаль хамгаалах ажилд оролцох талуудын хамтын ажиллагааг сайжруулж, үүрэг хариуцлагыг нэмэгдүүлж, бүрэн эрхээ хэрэгжүүлэхэд дэмжлэг үзүүлэх.

           

            4.3.2. Нэг байгаль хамгаалагчийн хариуцан ажиллах талбайг батлагдсан нормативын хэмжээнд хүргэх

 

           4.3.3. Аймгийн нутаг дэвсгэрт  ногдох улсын тусгай хамгаалалттай газрын талбайн хэмжээг нэмэгдүүлэх

 

            4.3.4. Усны нөөц, усны ай сав газрыг хамгаалах тогтолцоог бий болгон хэрэгжүүлэх

           

            4.3.5. Ерөнхий  агнуур зохион байгуулалт хийж, ан амьтны нөөцийг  тогтоох

 

            4.3.6. Агаарын бохирдлыг бууруулахад төр, хувийн байгууллагуудын хамтын ажиллагааг сайжруулж, бохирдолгүй цэвэр үйлдвэрлэл, үйлчилгээг дэмжих

 

            4.3.7. Аймгийн төв болон бүх  сумдын хог хаягдлын төвлөрсөн цэгийг байгаль орчин, хүний эрүүл мэндэд халгүй технологиор тохижуулах, хог хаягдлыг хаях, цуглуулах тогтолцоог сайжруулах

 

            4.3.8. Цөлжилттэй тэмцэх, урьдчилан сэргийлэх арга хэмжээг цөлжилттэй тэмцэх дэд хөтөлбөрийн хэмжээнд хэрэгжүүлэх

 

4.3.9. Ойн хөнөөлт шавьжны тархалтын судалгаа, тэмцлийн ажлыг үргэлжлүүлэх

 

4.3.10. Ойн анги, ойн нөхөрлөл, ойн мэргэжлийн байгууллагуудыг дэмжих замаар ойн санг хамгаалах, нөхөн сэргээх ойжуулах ажлыг нэмэгдүүлэх

 

4.3.11.  Цаг агаарын урьдчилан сэргийлэх мэдээг иргэдэд шуурхай хүргэх мэдээллийн тогтолцоог бүрдүүлэх.

 

 

Тав . Засаглалын үйл ажиллагааны бодлого

 

 

            5.1. Төрийн удирдлага,  иргэний нийгмийн бодлого

 

ТОМ ТӨРӨӨС УХААЛАГ ТӨР ЛҮҮ-ХАРИУЦЛАГАТАЙ ЗАСАГЛАЛ,                                    ИРГЭНИЙ  ОРОЛЦОО

 

            Хариуцлага хяналтын зарчимд үндэслэсэн, нээлттэй, хүнд суртал, авлигаас ангид төрийн үйлчилгээг бий болгон чанар хүртээмжийг нэмэгдүүлнэ.

 

 Төрийн удирдлага, иргэний нийгмийн бодлогын зорилтууд

 

5.1.1   Төрийн үйл ажиллагааг иргэдэд нээлттэй, тунгалаг болгох цогц арга хэмжээг авч хэрэгжүүлэх

 

5.1.2.  Авлига, төрийн албан хаагчдын ёс зүй, ашиг сонирхлын зөрчилтэй тэмцэх ажлыг эрчимжүүлэх.

 

5.1.3. Төрийн байгууллагаас гаргаж байгаа бодлого, нийтээр дагаж мөрдөх хэм хэмжээ тогтоосон шийдвэрийг хэлэлцүүлж, захиргааны актын хууль зүйн үндэслэлийг оновчтой хангах.

 

            5.1.4. Бүх шатны төрийн байгууллагуудын ажил үүргийн давхардлыг арилгаж, сум, байгууллагуудын хоорондын ажлын уялдаа холбоог сайжруулах

 

            5.1.5. Аймгийн төрийн байгууллагуудад техник, технологийн дэвшлийг нэвтрүүлэн үйл ажиллагааг хурдан шуурхай, чирэгдэлгүй, хүртээмжтэй болгох

 

            5.1.6. Сум, багийн үйл ажиллагааг сайжруулж, чадавхийг бэхжүүлэх

 

            5.1.7. Төрийн жинхэнэ албан хаагчийг төлөвшүүлэх шат дараатай арга хэмжээ авч, бүх шатанд төрийн албаны стандартыг хэрэгжүүлэх

 

            5.1.8. Аймгийн хэмжээнд гарч буй мэдээ мэдээллийн үнэн бодит, нэгдмэл байдлыг хангах

 

            5.1.9. Төр-иргэний нийгмийн түншлэлийн чанар, үр нөлөөг дээшлүүлж, төрийн зарим ажил, үйлчилгээг төрийн бус байгууллага, мэргэжлийн холбоодоор гэрээгээр гүйцэтгүүлэх ажлыг хэрэгжүүлэх

 

5.1.1   Төрийн үйл ажиллагааг иргэдэд нээлттэй, тунгалаг болгох цогц арга хэмжээг авч хэрэгжүүлэх

 

5.1.2.  Авлига, төрийн албан хаагчдын ёс зүй, ашиг сонирхлын зөрчилтэй тэмцэх ажлыг эрчимжүүлэх.

 

5.1.3. Төрийн байгууллагаас гаргаж байгаа бодлого, нийтээр дагаж мөрдөх хэм хэмжээ тогтоосон шийдвэрийг хэлэлцүүлж, азхиргааны актын хууль зүйн үндэслэлийг оновчтой хангах.

 

            5.1.4. Бүх шатны төрийн байгууллагуудын ажил үүргийн давхардлыг арилгаж, сум, байгууллагуудын хоорондын ажлын уялдаа холбоог сайжруулах

 

            5.1.5. Аймгийн төрийн байгууллагуудад техник, технологийн дэвшлийг нэвтрүүлэн үйл ажиллагааг хурдан шуурхай, чирэгдэлгүй, хүртээмжтэй болгох

 

            5.1.6. Сум, багийн үйл ажиллагааг сайжруулж, чадавхийг бэхжүүлэх

 

            5.1.7. “Төрийн жинхэнэ албан хаагч”-ийг төлөвшүүлэх шат дараатай арга хэмжээ авч, бүх шатанд төрийн албаны стандартыг хэрэгжүүлэх

 

            5.1.8. Аймгийн хэмжээнд гарч буй мэдээ мэдээллийн үнэн бодит, нэгдмэл байдлыг хангах

 

            5.1.9. Төр-иргэний нийгмийн түншлэлийн чанар, үр нөлөөг дээшлүүлж, төрийн зарим ажил, үйлчилгээг төрийн бус байгууллага, мэргэжлийн холбоодоор гэрээгээр гүйцэтгүүлэх ажлыг хэрэгжүүлэх

 

                         5.2 Хяналт-шинжилгээ үнэлгээний бодлого

 

                        ҮР ДҮНД СУУРИЛСАН ХЯНАЛТ- ШИНЖИЛГЭЭ, ҮНЭЛГЭЭ  САЙН

                                                               ЗАСАГЛАЛЫН ҮНДЭС

 

            Хяналт шинжилгээний үр нөлөөг дээшлүүлэн, үр дүнд суурилсан гүйцэтгэлээр үнэлж, хэлбэр хүрээг өргөтгөн, хандлагыг өөрчилнө.

 

                        Хяналт-шинжилгээ үнэлгээний бодлогын зорилтууд

 

            5.2.1. Сумын Засаг даргын болон салбар, байгууллагын үйл ажиллагааны хөтөлбөр,  зорилтуудыг Засгийн газрын болон аймгийн Засаг даргын үйл ажиллагааны хөтөлбөр, хөгжлийн бодлогын бусад баримт бичгүүдтэй уялдуулах ажлыг зохион байгуулж хэрэгжүүлэх

 

           5.2.2. Төрийн албан хаагчдын үүргийг тодорхой болгож, үүргийн биелэлтэд үндэслэсэн хариуцлагын тогтолцоо бүрдүүлэх

 

            5.2.3. Төрийн албан хаагчийн үр дүнгийн гэрээний биелэлтэд хяналт-шинжилгээ, үнэлгээ хийх тогтолцоог нэвтрүүлж, гүйцэтгэлийг үр дүнд суурилсан аргаар үнэлэх  хэлбэрийг хэвшүүлэх

 

            5.2.4. Хяналт-шинжилгээ, үнэлгээний талаарх албан тушаалтан, иргэдийн мэдлэгийг дээшлүүлж, зөв ойлголт, хандлагыг төлөвшүүлэх

 

            5.2.5. Байгууллага, салбарын үйл ажиллагаа, бодлогын хэрэгжилтэд хийх хяналт-шинжилгээ, үнэлгээнд иргэд, иргэний нийгмийн байгууллагын оролцоог нэмэгдүүлж, хамтын ажиллагааг өргөжүүлэх

 

 

5.3  Хууль эрх зүйн хэрэгжилт, нийгмийн аюулгүй байдал, хил                    хамгаалалтын бодлого.

 

ХАРИУЦЛАГАТАЙ, ХЯНАЛТТАЙ ХӨВСГӨЛ

 

            Хууль тогтоомжийн хэрэгжилтийг хангаж, хүний эрхийг дээдэлсэн, иргэдийн аюулгүй-амар тайван амьдрах орчинг бүрдүүлнэ.

 

Хууль эрх зүйн хэрэгжилт, нийгмийн аюулгүй байдал, хил хамгаалалтын бодлогын зорилтууд

 

5.3.1. Засгийн газраас хэрэгжүүлж буй хууль, эрх зүйн салбарын шинэчлэлийг орон нутагт хэрэгжүүлж, аливаа шударга бус үйлдэлтэй хатуу тэмцлийг өрнүүлэн ажиллах

 

5.3.2. Гэмт хэрэгтэй тэмцэх, урьдчилан сэргийлэх, нийгмийн хэв журам хамгаалах ажлын үр дүнг дээшлүүлж, иргэд аюулгүй орчинд тайван амьдрах баталгааг хангахад чиглэсэн цогц арга хэмжээг орон нутгийн эрх мэдлийн түвшинд зохион байгуулах

 

 5.3.3. “Архигүй Монгол хүн” хөтөлбөрийг хэрэгжүүлж, архидан согтуурах явдлыг бууруулах

 

5.3.4. Хууль сахиулах байгууллагын хүч хэрэгсэл, техник хангамжийг сайжруулахад орон нутгийн зүгээс дэмжлэг үзүүлж, хүний нөөцийн чадавхийг дээшлүүлэх

 

5.3.5. Иргэдийн эрх зүйн боловсролыг дээшлүүлэхэд чиглэсэн цогц арга хэмжээг авч хэрэгжүүлэх

 

5.3.6. Төрийн архивын хадгалалт, хамгаалалтыг сайжруулж, архивын үйл ажиллагаанд мэдээллийн технологийг нэвтрүүлэх

 

5.3.7. Төрийн бүртгэлийн үйлчилгээг иргэдэд шуурхай хүртээмжтэй хүргэж, эд хөрөнгө, газар өмчлөх эрхийг бүртгэлжүүлэх ажлыг эрчимжүүлэх

 

            5.3.8. Шүүхийн шийдвэр гүйцэтгэлтэй холбоотой мэдээллийг нээлттэй болгож, гэмт хэргийн улмаас иргэн, хуулийн этгээдэд учирсан хохирлыг барагдуулах

 

 5.3.9. Хил хамгаалалтад туслах орон нутгийн иргэдийн оролцоог нэмэгдүүлж, хилчдийн нийгмийн асуудлыг шийдвэрлэхэд дэмжлэг үзүүлснээр улсын хилийн аюулгүй байдлыг хангах

 

 

5.4  Батлан хамгаалах бодлого

 

                        ЦЭРЭГ- ИРГЭНИЙ ХАМТЫН АЖИЛЛАГАА

 

          Батлан хамгаалах нь бүх нийтийн үйл хэрэг байх зарчимд тулгуурлан иргэдийн алба хаах хүсэл сонирхлыг нэмэгдүүлж, иргэдэд эх оронч үзэл, хүмүүжил төлөвшүүлнэ

 

            Батлан хамгаалах бодлогын зорилтууд

 

5.4.1. Батлан хамгаалах үйл ажиллагаанд төрийн болон төрийн бус байгууллагуудыг оролцуулан, хамтран ажиллах

           

5.4.2  Хөвсгөл аймагт байрлаж байгаа цэргийн анги байгууллагуудаас НҮБ-ын мандаттай энхийг дэмжих ажиллагаанд оролцох цэргийн албан хаагчдын тоог нэмэгдүүлэх

 

5.4.3. Орон нутгийн чанартай бүтээн байгуулалт, нийтийг хамарсан үйл ажиллагаанд цэргийн дүйцүүлэх албаны оролцоог нэмэгдүүлэх

 

         5.4.4. Цэрэг-стратегийн бэлтгэл сургалт болон дайчилгааны бэлтгэл нөөцийн сургалтыг орон нутагт бэлтгэх тогтолцоог боловсронгуй болгох.

 

                     

                         5.5. Гадаад харилцааны бодлого

                                               

                   НЭЭЛТТЭЙ-ХӨВСГӨЛ

 

            Гадаад харилцаа, хамтын ажиллагааг өргөжүүлж, гадаад харилцааны бодлого, үйл ажиллагаа үр өгөөжтэй, нэгдмэл байх зарчмыг хэрэгжүүлнэ

 

                        Гадаад харилцааны бодлогын зорилтууд

 

            5.5.1. Хөрш ОХУ-ын хил залгаа муж, районуудтай тогтоосон уламжлалт харилцааг үргэлжлүүлэн хөгжүүлж, хамтын ажиллагааг илүү үр ашигтай хэлбэрээр өрнүүлэх

 

5.5.2. Дэлхийн өндөр хөгжилтэй орны муж, хотуудтай байгуулсан харилцаа хамтын ажиллагаагаа өргөжүүлж, стратегийн түншлэлийг тогтоон, оюутан, сурагч солилцох, мэргэжилтэн  бэлтгэх, аймгийн хөгжлийг дэмжүүлэх зэрэг өргөн хүрээнд ажиллах

 

5.5.3. Аймгийн гадаад харилцааны бодлого, үйл ажиллагаа нэгдмэл байх, сум, төрийн байгууллагуудын гадаад харилцаа харилцан зохицуулалттай байх зарчмыг хэрэгжүүлэх

 

 

 

 

 

                                    _________ о О о ___________

 

Таньд мэдээлэл таалагдаж байвал like хийнэ үү. Баярлалаа

Ил тод байдал

Сайтын хандалт

Өнөөдөр:   0
Нийт хандалт:   143637
Таны IP:   54.198.244.0