• Хөвсгөл аймаг
  • Хөвсгөл аймаг
  • Хөвсгөл аймаг
ОЮУНЫ ХӨГЖЛИЙН БЭРХШЭЭЛТЭЙ ХҮҮХЭД ЗАЛУУСЫН “ ХӨГЖИЛД ХАМТДАА" ТУСГАЙ ОЛИМП АМЖИЛТТАЙ ЯВАГДАЖ БАЙНА...       Мөнгөний бодлогын мэдэгдэл...       АТГ-ын ажлын хэсэг манай аймагт...       2017 оны 3 дугаар улирлын мэдээ...       70381111 утас ажилуулах журам...       7038-1111 УТСАНД 2017.08.01 НЭЭС 08 САРЫН 31 ХҮРТЭЛХ ХУГАЦААНД НИЙТ 27 ДУУДЛАГА ИРСЭН БАЙНА...       "МӨНГӨН ТЭМДЭГТИЙН СОЁЛТОЙ ХЭРЭГЛЭЭ" АЯН...       7038-1111 утсанд ирсэн санал хүсэлт гомдол, түүний шийдвэрлэлт...       Монгол банкны мэдэгдэл...       Монгол банкнаас мэдээллэв...       2017 ОНЫ НЭГДҮГЭЭР САРЫН ЦАГ АГААРЫН УРЬДЧИЛСАН МЭДЭЭ ...       5 сарын Өргөдөл гомдлын мэдээ...       70381111 төвд байгууллагууд ажиллаж байна...       3 сарын өргөдөл гомдол...       2 сарын өргөдөл гомдлын мэдээ...      
ХОГ ХАЯГДЛЫГ АНГИЛАХ, ДАХИН БОЛОВСРУУЛАХ, ЦУГЛУУЛАХ, ТЭЭВЭРЛЭХ, УСТГАХ ЖУРМЫН ТӨСӨЛД САНАЛАА ӨГНӨ ҮҮ

Аймгийн ИТХ-ын 2014 оны ............
тоот тогтоолын хавсралт

 

ТӨСӨЛ

ХОГ ХАЯГДЛЫГ АНГИЛАХ, ДАХИН БОЛОВСРУУЛАХ, ЦУГЛУУЛАХ, ТЭЭВЭРЛЭХ, УСТГАХ ЖУРАМ

НЭГ. НИЙТЛЭГ ҮНДЭСЛЭЛ

1.            Энэхүү журмын зорилго нь иргэн, айл өрх, байгууллага, аж ахуйн нэгжүүдийн хог хаягдлын ангилал, хог хаягдлаа анхан шатанд ангилан ялгах, ангилан ялгасан хог хаягдлыг цуглуулах, тээвэрлэх, дахин боловсруулах, устгах үйл ажиллагааг зохицуулахад оршино.

2.            Журмыг сумын ЗДТГ, хог хаягдал цуглуулах, тээвэрлэх, дарж булах, устгах эрх бүхий иргэн, аж ахуйн нэгж шууд хариуцан зохион байгуулж, аймгийн бүх иргэн, ААНБ-ууд дагаж мөрдөнө.

ХОЁР. ХОГ ХАЯГДЛЫН АНГИЛАЛ, НЭР ТОМЪЁОНЫ ТАЙЛБАР

2.1.       Ахуйн хог хаягдал” гэж Хог хаягдлын тухай хуулийн 3.1.2-т заасныг

2.2.       “Хог хаягдал цуглуулах, тээвэрлэх, устгах эрх бүхий байгууллага” хог хаягдал цуглуулах, тээвэрлэх, устгах зөвшөөрөлтэй, мэргэжлийн байгууллагыг хэлнэ.

2.3.      “Бусад хог хаягдал” гэж аливаа хогноос дахин ашиглах боломжтой хог хаягдлын хэсгийг зайлуулахад үлдсэн ахуйн хог хаягдлын хэсгийг хэлнэ. “Бусад хог хаягдал”-д аюултай хог хаягдал, барилгын хог хаягдал, цахилгаан барааны хаягдал ба эмнэлгийн хог хаягдал орохгүй болно.

2.4.      “Эх үүсвэр дээр ангилах” гэдэг нь хог хаягдлыг үүсгэгч этгээд дахин ашиглах боломжтой болон бусад хог хаягдал, ахуйн аюултай хог хаягдал, барилгын хог хаягдал, эмнэлгийн хог хаягдал гэж энэхүү журамд заасны дагуу ангилан хаяхыг хэлнэ.

2.5.      Дахин ашиглагдах боломжтой хог хаягдалд дараах хог хаягдлыг оруулна

-                     Цаас /хэт бохирдоогүй сонин, сэтгүүл, дэвтэр, бичгийн цаас,төрөл бүрийн боодлын цаас,картон цаас,сүү,жүүсний тетрапак савалгаа/

-                     Хуванцар /төрөл бүрийн ус,ундааны хуванцар сав, кетчуп, ургамлын тос, бие угаагч шингэн, шампунь, угаалгын шингэний хуванцар сав, гм/

-                     Хөнгөн цагаан, метал, зэс,гууль, тэдгээрээр хийсэн зүйлс

-                     Шил /хүнсний болон ундааны төрөл бүрийн шилэн сав/

-                     Модон эдлэлийн хаягдал

-                     0,025 мм-ээс дээш зузаантай гялгар уут, баглаа боодол

2.6.      Бусад хог хаягдалд дараах хог хаягдлыг оруулна.

-                     Нүүрс, модны үнс

-                     Түргэн муудах хоол, хүнсний хаягдал

-                     Хэт бохирдсон дахин ашиглагдах хог хаягдлууд

-                     Дахин ашиглагдах боломжтой хог хаягдлын ангилалд ороогүй бусад хог хаягдал

 

2.7.       Ахуйн аюултай хог хаягдал гэдэг нь айл өрхөд үүссэн, нийтийн эрүүл мэнд, хүрээлэн буй орчинд аюул учруулж буй болон учруулах боломжтой хог хаягдлыг хэлнэ. Ахуйн аюултай хог хаягдалд дараах хог хаягдлыг хамруулна.

-                     Будаг, уусгагч бодис

-                     Өөрөө явагч тээврийн хэрэгслээс үүсэх хаягдал (ашигласан тос, масло, үл хөлдөх шингэн, дугуй)

-                     Хортон шавьж, мэрэгчдийг устгах хор

-                     Мөнгөн ус агуулсан хаягдал (термометр, мөнгөн ус ашиглагдсан унтраалга-залгуурын төхөөрөмж, өдрийн гэрэл, энэ төрлийн гэрэлтүүлгийн хэрэгсэл)

-                     Электрон барааны хаягдал (PC, телевизор, гар утас)

-                     Аэрозол буюу шүршигч савтай бүтээгдэхүүний хаягдал (пропан цилиндр)

-                     Түлэгч, идэмхий бодисууд (цэвэрлэгээний бодис)

-                     Хөргөгч бодис агуулсан гэр ахуйн бараа

-                     Зарим тусгай батерей (литиум, никель кадмум, электрон цагны зай)

-                     Дарь

-                     Радио идэвхит хаягдал (утаа мэдрэгч)

2.8.      Барилгын хог хаягдалд: барилгын болон аж үйлдвэрийн салбарын үйл ажиллагааны явцад шууд болон шууд бусаар үүссэн цаашид хэрэгцээгүй материалыг хамруулах ба үүнд тоосго, бетон, мод, тусгаарлагч болон дулаалгын материал, хадаас, цахилгаан монтаж,сантехникийн тоног төхөөрөмж, арматур, хаягдал плита, ханын цаас зэрэг барилгын материалаас гадна суурийн шороо, огтолсон мод, чулуу зэрэг барилгын бэлтгэл ажлын явцад үүссэн хог хаягдлыг багтаана.

2.9.      Эм, эмнэлэгийн аюултай болон тусгай хог хаягдалд: Эрүүлийг хамгаалах үйл ажиллагааны явцад үүсэх хэрэглэгдсэн тариур, тариурын зүү, дуслын систем, хэрэгсэл, бохирдсон боолт, биеийн хэсэг, оношлогооны дээж, цус, химийн бодис, эм, эмнэлгийн багаж хэрэгсэл, эмийн бодисууд, радио идэвхит материалыг багтаана

ГУРАВ. ХОГ ХАЯГДЛЫГ АНГИЛАН ЯЛГАХ

3.1.       Иргэн, ААНБ-ууд энэ журмын 2-т заасан ангиллын дагуу хог хаягдлыг ангилан ялгаж, хог хаягдлыг цуглуулах иргэн, ААНБ-д хүлээлгэн өгнө.

3.2.       Аж ахуйн нэгж, байгууллагууд хог хаягдлыг ангилан ялгаж ачуулах ба зориулалтын хогийн савтай байна.

ДӨРӨВ. ХОГ ХАЯГДЛЫГ ЦУГЛУУЛАХ, ТЭЭВЭРЛЭХ, ДАХИН БОЛОВСРУУЛАХ

4.1.       Хоёрдогч түүхий эд/дахивар/-ийг цуглуулах, худалдан авах үйл ажиллагаа

4.1.1.   Хоёрдогч түүхий эдийг цуглуулах ажлыг сумын Засаг даргын тамгын газартай гэрээ байгуулсан этгээд хүлээн авна. Гэрээнд цэгийн байршил, ажиллах цагийн хуваарийг тодорхой зааж өгнө. Орчны тохижилт, ариун цэврийн шаардлагын талаар мөн тодорхой зааж өгнө.

4.1.2.   Хоёрдогч түүхий эдийг худалдан авахдаа цэг байгуулах замаар болон явуулын машинт үйлчилгээ гарган зохион байгуулна.

4.1.3.   Хоёрдогч түүхий эд хүлээн авах цэгийг орон сууцны хороолол, нийтийн эзэмшлийн талбай, явган хүн, авто машины хөдөлгөөнд саад учруулахуйц газар байгуулж үл болно.

4.1.4.   Орон сууцны хороонд хоёрдогч түүхий эд цуглуулах явуулын үйлчилгээ ажиллана.

4.1.5.   Хоёрдогч түүхий эд худалдаж авах цэг, иргэн, аж ахуйн нэгж нь лого, тэмдэглэл, дүрэмт хувцастай байна.

4.1.6.   Хог хаягдлыг цуглуулах худалдан авахад шаардагдах бүх зардлыг энэ үйлчилгээг явуулах эрх бүхий иргэн, аж ахуй нэгж байгууллагууд хариуцна.

4.1.7.   Ангилан ялгасан хоёрдогч түүхий эдийг иргэн, байгууллага аж ахуйн нэгж, айл өрх нь хоёрдогч түүхий эд хүлээн авах дурын цэгт болон явуулын үйлчилгээний аль нэгэнд тушаах ёстой.

4.1.8.   Хоёрдогч түүхий эд худалдаж авах цэг болон явуулын үйлчилгээ нь энэхүү журмын 2.5-д зааснаас бусад хог хаягдал, эд зүйлсийг хүлээн авахыг хориглоно.

4.1.9.   Цуглуулсан хог хаягдлын нэр төрөл, тоо хэмжээг энэ үйлчилгээг явуулж буй иргэн, аж ахуйн нэгж сумын ЗДТГ-т улирал бүр албан ёсоор гаргаж өгнө.

 

4.2.       Хоёрдогч түүхий эдийг дахин боловсруулах

 

4.2.1.   Хоёрдогч түүхий эдийг дахин боловсруулах иргэн, аж ахуйн нэгж нь үйл ажиллагаа эхлэхээс өмнө байгаль орчинд нөлөөлөх байдлын /ерөнхий, нарийвчилсан/үнэлгээг хийлгэсэн байна.

4.2.2.   Хоёрдогч түүхий эдийг дахин боловсруулахдаа байгаль, хүрээлэн буй орчин, хүний эрүүл мэндэд хор нөлөөгүй техник, тоног төхөөрөмжийг нэвтрүүлж ажиллах

4.2.3.   Ажилчиддаа хог хаягдлын талаар сургалт хийх, мэргэжлийн байгууллага, албан тушаалтнаас мэргэжил арга зүйн зөвлөмж, чиглэл авах

4.2.4.   Хоёрдогч түүхий эд дахин боловсруулахдаа энэ журмын 2.5-т заасан түүхий эдийг дахин боловсруулж, дахин ашиглана.

4.2.5.   Энэ журмын 2.8-2.9 дугаарт заасан хог хаягдлыг дахин ашиглах, дахин боловсруулах тохиолдолд тухайн хаягдалыг зохицуулах чиглэлээр гарсан холбогдох журмын дагуу, зохих зөвшөөрлийг авсны үндсэн дээр үйл ажиллагааг явуулна.

4.2.6.   Дахин боловсруулсан хоёрдогч түүхий эдийн нэр төрөл, тоо хэмжээг тухайн иргэн, аж ахуйн нэгж сумын ЗДТГ-т улирал бүр /улирлын сүүлийн сарын 25-30-ны дотор/ албан ёсоор гаргаж өгнө.

 

4.3.       Бусад хог хаягдлыг цуглуулах, тээвэрлэх

4.3.1.   Сумын Засаг даргатай гэрээ байгуулсан эрх бүхий иргэн, аж ахуйн нэгж байгууллага  хог хаягдал цуглуулах, тээвэрлэх, устгах үйл ажиллагааг эрхэлнэ.

4.3.2.   Гэрээ байгуулсан эрх бүхий иргэн, байгууллага хог хаягдлын цуглуулалт, тээвэрлэлт, устгалыг хууль, журам, энэ чиглэлээр гарсан МУ-ын стандартад нийцүүлэн үйл ажиллагаа явуулна.

4.3.3.   Айл өрхийн хог хаягдлыг баталсан графикийн дагуу тогтмол хугацаанд тээвэрлэнэ.

4.3.4.   ААНБ-ын хогийг гэрээний дагуу баталсан графикийн дагуу, мөн дуудлагаар ачиж цуглуулан, хогийн төвлөрсөн цэгт хүргэнэ.

4.3.5.   Хог хаягдлыг цуглуулах, тээвэрлэхдээ хүрээлэн буй орчин, хөрсийг бохирдуулахгүй байх арга хэмжээг авна.

4.3.6.   Цуглуулж, тээвэрлэсэн хог хаягдлыг цэгт дарж булахаас өмнө заавал жинлэж, мэдээллийг  бүртгэж авна. Тайланг хагас, бүтэн жилээр сумын ЗДТГ-т гаргаж өгнө.

4.3.7.   Мөн өөрийн унаагаар хогийн цэгт хог хүргэж байгаа ААНБ, иргэдийн хогийг мөн бүртгэл хөтөлж, тоо хэмжээг үнэн зөв гаргаж байх

4.3.8.   Сумын айл өрх, ААНБ-ууд, үйлчилгээний газруудын хог хаягдлын төлбөр хураамжийн төлөлтөд хяналт тавьж, холбогдох байгууллага, албан тушаалтанд мэдэгдэж шийдвэрлүүлнэ.

4.4.      Хог хаягдлыг булах, устгах

4.4.1.   Эрх бүхий иргэн, аж ахуйн нэгж байгууллага нь дахин боловсруулах боломжгүй хог хаягдлыг цуглуулж, тээвэрлэн хог хаягдлын төвлөрсөн ландфиллийн цэгт хүргэж, байгальд халгүй аргаар булж устгана.

4.4.2.   Булах үйл ажиллагаа эрхлэх иргэн, ААН нь холбогдох хууль, журмын дагуу шаардлагыг хангасан байна.

4.4.3.   Эмнэлэгийн аюултай болон тусгай хог хаягдлыг эх үүсвэр дээр нь ариутгаж, халдваргүйтгэсэн тохиолдолд хогийн төвлөрсөн цэгт хүлээн авч, тусгай байгууламжид хаяна.

4.4.4.   Барилгын хог хаягдалыг хогийн цэгт тогтоосон талбайд хаяна. Барилгын аюултай хог хаягдлыг устгах тусгайлсан журмын дагуу эрх бүхий байгууллага устгана.

4.4.5.   Ахуйн аюултай хог хаягдлыг зориулалтын тусгай ангиллын хогийн цэгт, дарж булна.

ТАВ. УРАМШУУЛАЛ

 

4.4.6.   Хог хаягдлыг анхан шатанд ангилан ялгаж хэвшсэн, хог хаягдлыг дахин ашиглах шинэ санал санаачилгыг гаргасан, мөн хорёрдогч түүхий эдийг цуглуулах, тээвэрлэх, дахин боловсруулахад бусдад үлгэр дуурайл болсон айл өрх, иргэн, аж ахуйн нэгжийг урамшуулж, олон нийтэд сурталчилах, бүх талаар дэмжиж ажиллах

4.4.7.   Дээрхи дэмжлэг, урамшууллын арга хэмжээг тухайн иргэн аж ахуйн нэгжийн хүсэлт, багын Засаг даргын тодорхойлолтыг үндэслэн сумын Засаг дарга зохион байгуулна.

ЗУРГАА. ХҮЛЭЭХ ҮҮРЭГ

6.1.  Сумын Засаг даргын хүлээх үүрэг

6.1.1. Хоёрдогч түүхий эд болон бусад хог хаягдлыг цуглуулах, тээвэрлэх, дарж булах, устгах этгээдэд тавигдах шаардлагыг хангасан иргэн, ААН-ийг сонгон шалгаруулж, аймгийн Засаг даргын 2008 оны 105 тоот захирамжийн дагуу гэрээ хийж, үйл ажиллагаанд хяналт тавьж, санхүүжүүлнэ.

6.1.2. Хог хаягдлыг тээвэрлэх, цуглуулах хуваарийг батална.

6.1.3. Хог хаягдлын төвлөрсөн цэгийг тохижуулах, хог хаягдлыг дарж булахад шаардлагатай зардлыг орон нутгийн төсөвт тусгуулах

6.1.4. Хог хаягдлын тайлан мэдээг хариуцсан иргэн, ААН-ээс хугацаанд авч, аймгийн Байгаль орчны газарт хүргүүлнэ.

6.1.5. Эм, эмнэлэгийн байгууллагууд болон барилга, батлан хамгаалахын чиглэлээр үйл ажиллагаа явуулдаг аж ахуйн нэгжид хог хаягдлаа тухайн чиглэлээр мөрдөгдөж байгаа журмын дагуу устгахыг шаардах, хяналт тавих

6.1.6. Байгальд ээлтэй, хаягдал, бохирдлыг бууруулахад хувь нэмрээ оруулж буй иргэн, ААНБ-ыг дэмжиж, урамшуулах

6.2. Багийн Засаг даргын хүлээх үүрэг:

6.2.1.   Сумын Засаг даргын баталсан хог хаягдлыг цуглуулах, тээвэрлэх өдөр, хуваарийн дагуу баг хорооны нутаг дэвсгэрт бусад болон дахивар хог хаягдлыг цуглуулан тээвэрлэх графикийг гаргаж мөрдүүлэх, хяналт тавих

6.2.2.   Нутаг дэвсгэрийн айл, өрх, иргэд, байгууллага, албан газар, аж ахуйн нэгжүүдийн хог хаягдлыг энэхүү журамд заасны дагуу ангилан ялгуулах талаар хяналт тавьж, хуулийн дагуу шаардлагыг тавьж, арга хэмжээг авах

6.2.3.   Баг, хорооны оршин суугчид болон байгууллага, аж ахуйн нэгж, СӨХ-ыг хамруулан сургалт, сурталчилгааны ажлыг зохион байгуулна.

6.2.4.   Ангилсан хог хаягдлыг цуглуулах, тээвэрлэх эрх бүхий байгууллагын хог тээвэрлэлтын график, хугацаа, давтамжинд хяналт тавина, хамтран ажиллана.

6.2.5.   Хоёрдогч түүхий эд худалдан авч буй цэгийн үйл ажиллагаанд хяналт тавьж, хамтран ажиллана.

6.3.        СӨХ-ийн хүлээх үүрэг:

6.3.1.   Харъяалж буй орон сууцныхаа оршин суугчид, хог хаягдлыг ангилан ялгаж хаях болон ангилсан хог хаягдлыг цуглуулах, тээвэрлэх өдөр, хуваарийн талаар мэдээлэл өгч, сургалт сурталчилгааг Багын Засаг даргатай хамтран зохион байгуулна.

6.3.2.   Ангилсан хог хаягдлыг цуглуулах,тээвэрлэх эрх бүхий иргэн, ААНбайгууллагатай хамтран ажиллана, дэмжлэг үзүүлнэ.

6.4.        Байгууллага аж ахуй нэгж, иргэдийн хүлээх үүрэг:

6.4.1.   Хог хаягдлыг цуглуулахдаа орон сууцны хороолол, гэр хороолол, байгууллага аж ахуй нэгж гэж 3 төрөлд хуваана. Үүнд:

6.4.2.   Орон сууцны хороолол: орон сууцны айл өрх, дахин ашиглах боломжтой хог хаягдлаа байр, орцыг хариуцан ажилладаг жижүүрт эсвэл тухайн хоёрдогч түүхий эдийг цуглуулагч иргэн, ААН-д, харин бусад ахуйн хог хаягдлаа байр, орцнуудын нэгдсэн хогийн цэгт, нэгдсэн цэггүй тохиолдолд тогтсон хугацаанд шууд хог тээврийн машинд, ахуйн аюултай, эмнэлгийн хаягдлыг тусгай зориулалтын сав, хүлээн авах тусгай цэгт тус тус батлагдсан өдөр,хуваарийн дагуу хог хаягдлыг цуглуулах, тээвэрлэх эрх бүхий байгууллагад хүлээлгэн өгнө.

6.4.3.   Гэр хороолол: журмын дагуу дахин ашиглах боломжтой хог хаягдал, бусад хог хаягдал, үнс гэж 3 төрлөөр зориулалтын саванд хадгалж, /ахуйн аюултай, эмнэлгийн хаягдлыг тусгай зориулалтын сав, хүлээн авах тусгай цэгт/ батлагдсан өдөр, хуваарийн дагуу хог хаягдал цуглуулах, тээвэрлэх эрх бүхий иргэн, байгууллагад хүлээлгэн өгнө.

6.4.4.   Байгууллага аж ахуй нэгж: Дахин ашиглах боломжтой болон бусад хог хаягдал гэж 2 төрлөөр зориулалтын саванд хадгалах бөгөөд эмнэлэгийн болон аюултай, барилгын хог хаягдлыг тусгай зориулалтын машин техникт зааврын дагуу хог хаягдал цуглуулах, тээвэрлэх эрх бүхий байгууллагад батлагдсан өдөр,хуваарийн дагуу хүлээлгэж өгнө.

ДОЛОО. ХОРИГЛОХ ЗҮЙЛС

Дараах үйл ажиллагааг хориглоно.

1.            Хог хаягдлыг эх үүсвэр дээр ангилан ялгалгүй хаях

2.            Ангилсан болон бусад хог хаягдлыг зориулалтын хадгалах саванд байх тохиолдолд шатаах, гал гаргах, ухаж тараах

3.            Ангилан ялгасан хог хаягдлыг цуглуулан тээвэрлэх эрх бүхий иргэн, байгууллагаас өөр этгээд цуглуулах,тээвэрлэх болон ямарваа нэгэн үйл ажиллагаа явуулах

4.            Хог хаягдлыг нийтийн эзэмшлийн гудамж, зам талбай, далан,шуудуунд ил задгай хаях

5.            Дахин боловсруулах үйл ажиллагаа эрхэлж байгаа иргэн, ААН нь журамд заасан хоёрдогч түүхий эдээс бусад түүхий эдийг ашиглах

6.            Дахин ашиглах боломжтой хог хаягдлыг цуглуулах зорилгоор хог хаягдлыг хүлээн авах цэгийг тусгайлан тогтоосон тохиолдолд хог хаягдал эзэмшигч нь хогоо зориулалтын бус газар, ил задгай хаяхыг хориглоно.

НАЙМ. ХЯНАЛТ, ШИНЖИЛГЭЭ, ХҮЛЭЭХ ХАРИУЦЛАГА

6.4.5.   Энэхүү журмын биелэлтэнд Мэргэжлийн хяналтын байцаагч, тухайн сумын Засаг дарга, Багын Засаг дарга хяналт тавина.

6.4.6.   Энэхүү журмыг зөрчсөн иргэн, байгууллага, аж ахуйн нэгжийг “Хог хаягдлын тухай” хуулийн 23.1.3 -ын дагуу журам зөрчсөн этгээдийг нэг сарын хөдөлмөрийн хөлсний доод хэмжээг нэгээс хоёр дахин нэмэгдүүлсэнтэй тэнцэх хэмжээний төгрөгөөр торгох;

6.4.7.   Мэргэжлийн хяналтын байгууллагаас хог хаягдал дахин боловсруулах тухайн үйлдвэрлэлийн үйл ажиллагааг цаашид үргэлжлүүлэх боломжгүй гэж үзсэн тохиолдолд үйл ажиллагааг нь зогсооно.  

 

 

Нийтэлсэн: 2014-04-24 09:35:42
Танд мэдээлэл таалагдаж байвал like хийнэ үү. Баярлалаа

Сайтын хандалт

Өнөөдөр:   0
Нийт хандалт:   164848
Таны IP:   34.238.189.171
Facebook messenger