• Хөвсгөл аймаг
  • Хөвсгөл аймаг
  • Хөвсгөл аймаг
АТГ-ын ажлын хэсэг манай аймагт...       2017 оны 3 дугаар улирлын мэдээ...       70381111 утас ажилуулах журам...       7038-1111 УТСАНД 2017.08.01 НЭЭС 08 САРЫН 31 ХҮРТЭЛХ ХУГАЦААНД НИЙТ 27 ДУУДЛАГА ИРСЭН БАЙНА...       "МӨНГӨН ТЭМДЭГТИЙН СОЁЛТОЙ ХЭРЭГЛЭЭ" АЯН...       7038-1111 утсанд ирсэн санал хүсэлт гомдол, түүний шийдвэрлэлт...       Монгол банкны мэдэгдэл...       Монгол банкнаас мэдээллэв...       2017 ОНЫ НЭГДҮГЭЭР САРЫН ЦАГ АГААРЫН УРЬДЧИЛСАН МЭДЭЭ ...       5 сарын Өргөдөл гомдлын мэдээ...       70381111 төвд байгууллагууд ажиллаж байна...       3 сарын өргөдөл гомдол...       2 сарын өргөдөл гомдлын мэдээ...       ИРГЭДЭД ҮЙЛЧЛЭХ 7038-1111 ТӨВ”-ИЙН ҮЙЛ АЖИЛЛАГААНЫ ЯВЦЫН МЭДЭЭЛЭЛ...       Захиалагчийн хяналтын зардлын дансны орлого, зарлагын гүйлгээ...      
Хил хамгаалахад туслах хүчний зөвлөл хуралдав
Нийтэлсэн: 2017-12-05 17:22:50

Монгол улсын төрөөс хилийн талаар баримтлах бодлого, Хилийн тухай хууль, Ерөнхийлөгчийн 149 дүгээр зарлиг, Хууль зүйн сайдын 2015 оны 02 дугаар сарын 27-ны өдрийн 1/1 дугаар албан даалгавар, ХХЕГ-ын даргын 071 тоот удирдамжийг хэрэгжүүлэх ажлын хүрээнд Хөвсгөл аймгийн Хил хамгаалахад туслах хүчний зөвлөлийн хурал өнөөдөр /12 дугаар сарын 05/ аймгийн ЗДТГ-ын Сүлд танхимд зохион байгуулж явууллаа.

Хуралд Хөвсгөл аймгийн Засаг дарга, Л.Ганболд, ЗДТГ-ын дарга Х.Ган-Очир, Хөвсгөл аймгийн хууль, хяналтын болон харилцан ажиллагаатай байгууллагуудын удирдлагууд, 24 сумдын засаг дарга нар нийт 49 хүнийг хамруулав.

Мөн УИХ-ын дэд дарга, Л.Энх-Амгалан дээрх арга хэмжээнд оролцож, ХХТХ-ний зөвлөлийн үйл ажиллагаатай танилцан, цаашид авч хэрэгжүүлэх томоохон ажилд дэмжлэг үзүүлэхээ илэрхийллээ.

Хурлаар ХХТХ-ний зөвлөлийн гишүүдэд отрядын хариуцсан хэсгийн хил хамгаалалтын талаар товч мэдээлэл хүргэн, ХХТХ-ний зөвлөлөөс 2017 онд хийсэн ажлыг дүгнэн, 2018 оны ажлын төлөвлөгөөг баталгаажуулж, аймгийн засаг даргын захирамжаар ХХТХ-ний зөвлөлийн гишүүдийг шинэчлэн баталж, зөвлөлөөс дараах ажлуудыг үргэлжлүүлэн зохион байгуулж, шийдвэрлэхээр ХХТХ-ний зөвлөлийн даргын албан даалгавар гарсан.

Үүнд:

-Хилчдийн уналгын морьдыг нэмэгдүүлэх зорилгоор Хөвсгөл аймгийн орон нутгийн ард иргэдийн дунд өрнүүлсэн “Нэг мянгат, нэг агт” аяныг зарим сумдад үргэлжлүүлэн зохион байгуулж, ард иргэдээс хил хамгаалалтад хандивлахаар амласан 200 гаруй адууг хүлээн авах;

-Хилийн тухай хуулийн 6 дугаар бүлгийн 50.1.5 дахь заалтыг үндэслэн хил хамгаалалтад зориулсан нэмэгдэл зардлыг аймаг, сумдын төсөвт тусгах;

-Аймгийн байгууллагууд, хилийн заставууд хооронд шифийн холбоог сэргээн, хилчдийн үүрэг гүйцэтгэх нөхцлийг сайжруулахад дэмжлэг үзүүлэх;

-Аймгийн ЗДТГ-тай хамтран сум, орон нутагт ХХБ-ыг сурталчилах ажлыг үе шаттайгаар зохион байгуулах;

- Хилийн 1-5 дугаар застав /Цэцэрлэг, Их ямаат, Агар, Хонин уул, Баянзүрх/-ын хэсэгт гар утасны дахин дамжуулах антен суурилуулуулах;

-Хилчдийн ар гэрийг хөдөлмөр эрхлэлтийг дэмжих сан, сум хөгжүүлэх сангийн хөнгөлөлттэй зээл тусламжид хамруулж, өрхийн орлогийг нэмэгдүүлэх бодлого баримтлах;

-Аймгийн төвд Цэргийн нэгдсэн сургалтын хотхон шинээр байгуулж, төхөөрөмжилөх;

- Сургуулийн насны сурагчдад эх оронч, хилч үзлийг төлөвшүүлэх зорилгоор Цагаан-Уул, Баянзүрх, Цагаан-Нуур, Ханх, Ренчилхүмбэ, Цагаан-Үүр, Эрдэнэбулган сумдын Ерөнхий боловсролын сургуулиудад Хилчин танхим /булан/ байгуулах;

-Отрядын хариуцсан хэсгийн хүрэхэд хүндрэлтэй газар оронд ашиглах зорилгоор цасны моторт чарга, дөрвөн дугуйт мотоциклийг ХХТХ-ний зөвлөлөөс хангах;

- Цэцэрлэг сумын нутаг дэвсгэрт “Их амны даваа” нэртэй газар 2 километр замыг засварлах;

- ХХТХ-ний гишүүдийн цугларалтыг хэсэгчилсэн байдлаар зохион байгуулах;

-Аймгийн засаг даргын захирамж гарган цэргийн албыг дүйцүүлэн хаагчдаас хилийн зам засварлах, хилийн инженерийн байгууламж барих ажилд дайчлан оролцуулах;

-Ханх автозамын шалган нэвтрүүлэх боомтын хаалгыг засварлах тооцоо, судалгаа гарган, шинэчилэх зэрэг нийт 25 төрлийн ажлыг хийж гүйцэтгэхээр төлөвлөн, хэлэлцэж, баталгаажуулсан.  

ХХТХ-ний зөвлөлийн гишүүд 2018 оны төлөвлөгөөг бүрэн хэрэгжүүлж, хил хамгаалалтад дэмжлэг үзүүлэхэд бүх талын арга хэмжээг авч ажиллах талаар нэгдсэн шийдвэрт хүрч, хурал амжилттай зохион байгуулагдлаа.  

Таньд мэдээлэл таалагдаж байвал like хийнэ үү. Баярлалаа

Ил тод байдал

Сайтын хандалт

Өнөөдөр:   22
Нийт хандалт:   148040
Таны IP:   54.145.51.250