Аймгийн Онцгой комиссын 06 дугаар хуралдаан өнөөдөр хуралдаж 3 асуудлыг авч хэлэлцлээ. 1. Хөрш зэргэлдээ аймагт гарсан малын гоц халдварт өвчнөөс урьдчилан сэргийлэх талаар 2. Баянзүрх сумын ЗДТГ-ын байр шатсантай холбоотой компьютер, техник хэрэгслийн хөрөнгийг шийдвэрлэх талаар 3. Өвөлжилт хүндэрч байгаа Галт, Жаргалант суманд өвс тэжээлийн тусламж олгох талаар гэсэн 3 асуудлыг авч хэлэлцлээ.

Хуралдаанаас Хөрш зэргэлдээ Булган, Орхон аймгийн нутаг дэвсгэрт малын гоц халдварт шүлхий өвчний тохиолдол гарч, хүрээгээ тэлж, цаг үеийн байдал хүндэрч байгаатай холбогдуулан Тариалан сумын Намнангийн ар, Рашаант, Тосонцэнгэл сумын зааг Сэлэнгийн гүүрэнд хяналтын түр постыг ажиллуулж эхлэхээр болов.

Баянзүрх сумын төрийн албан хаагчдад компьютер, техник хэрэгслийн хөрөнгийг шийдвэрлэж төрийн ажлыг тасралтгүй үргэлжлүүлэх ёстой хэмээн аймгийн Засаг дарга бөгөөд Онцгой комиссын дарга Л.Ганболд хэлж байлаа. Галт, Жаргалант  сумдад 52,3 тн тэжээл 41,9 тн өвсийг үнэ төлбөргүй хүргүүлэхээр шийдвэрийг тус тус гаргалаа.

Мөн нэгдсэн эмнэлэгт төрхийн хүндрэлтэй эхийг Улаанбаатар хотод яаралтай эмчлүүлэх шаардлагтай байгаа тул зардлыг шийдвэрлэж онгоц нисгэхээр болов.