Хөвсгөл аймгийн Засаг даргын Тамгын газрын Хяналт-шинжилгээ, үнэлгээ, дотоод аудитын хэлтсээс 2018 оны 03 сарын 26-ны өдөр сумдын болон аймгийн Засаг даргын эрхлэх асуудлын хүрээний агентлаг, байгууллагын Дотоод ажил, эрх зүйн сургалт, сурталчилгаа хариуцсан , дотоод хяналт шалгалтыг зохион байгуулах чиг үүргийн  мэргэжилтнүүд, ЗДТГ-ын мэргэжилтэн, албан хаагчид, нийт 250 албан хаагчдад “Хөвсгөл аймгийн захиргааны байгууллагын хяналт-шинжилгээ, үнэлгээ, дотоод аудитын чадавхыг бэхжүүлэх нь” сэдэвт сургалтыг амжилттай зохион байгуулав.

Уг сургалтад ЗГХЭГ-ын референт Цэнджав, Удирдлагын Академийн багш, дэд доктор Алтанцэцэг нар оролцож, тодорхой сэдвүүдээр лекц уншиж, харилцан мэдээлэл солилцсон нь бол аймгийн Засаг даргын эрхлэх асуудлын хүрээний Санхүүгийн хяналт, аудитын хэлтсийн дарга В.Нэргүй, ЗДТГ-ын Төрийн захиргааны удирдлагын хэлтэс, Хууль эрх зүйн хэлтэс, Хяналт-шинжилгээ, үнэлгээ, дотоод аудитын хэлтсийн дарга, мэргэжилтнүүд тусгайлсан сэдвүүдээр мэргэшил, арга зүйн зөвлөгөөг өгсөн нь оролцогчдын сэтгэлд хүрсэн үйлчилгээ болов.

Орон нутгийн захиргааны байгууллагын албан хаагчдыг тодорхой чиглэлээр чадавхжуулах энэхүү арга хэмжээ нь аймгийн ЗДТГ-ын үйл ажиллагааны тайланг боловсруулан холбогдох байгууллагуудад тайлагнах, сурталчлах Хяналт-шинжилгээ, үнэлгээ, дотоод аудитын өдрүүдийн хүрээнд болж буйгаараа онцлог юм.