• Хөвсгөл аймаг
  • Хөвсгөл аймаг
  • Хөвсгөл аймаг
АТГ-ын ажлын хэсэг манай аймагт...       2017 оны 3 дугаар улирлын мэдээ...       70381111 утас ажилуулах журам...       7038-1111 УТСАНД 2017.08.01 НЭЭС 08 САРЫН 31 ХҮРТЭЛХ ХУГАЦААНД НИЙТ 27 ДУУДЛАГА ИРСЭН БАЙНА...       "МӨНГӨН ТЭМДЭГТИЙН СОЁЛТОЙ ХЭРЭГЛЭЭ" АЯН...       7038-1111 утсанд ирсэн санал хүсэлт гомдол, түүний шийдвэрлэлт...       Монгол банкны мэдэгдэл...       Монгол банкнаас мэдээллэв...       2017 ОНЫ НЭГДҮГЭЭР САРЫН ЦАГ АГААРЫН УРЬДЧИЛСАН МЭДЭЭ ...       5 сарын Өргөдөл гомдлын мэдээ...       70381111 төвд байгууллагууд ажиллаж байна...       3 сарын өргөдөл гомдол...       2 сарын өргөдөл гомдлын мэдээ...       ИРГЭДЭД ҮЙЛЧЛЭХ 7038-1111 ТӨВ”-ИЙН ҮЙЛ АЖИЛЛАГААНЫ ЯВЦЫН МЭДЭЭЛЭЛ...       Захиалагчийн хяналтын зардлын дансны орлого, зарлагын гүйлгээ...      
Монгол Улсын Шадар сайд Хөвсгөлд
Нийтэлсэн: 2018-05-14 12:28:33
Монгол Улсын Шадар сайд, Улсын Онцгой комиссын дарга Ө.Энхтүвшин Хөвсгөл аймагт ажиллаж байна. Тэрээр  Мал эмнэлгийн урьдчилан сэргийлэх арга хэмжээний нээлтэнд оролцсоны дараа  аймгийн Онцгой комиссын хуралдааныг зарлан хуралдуудлав.
Хуралдаанаар Хөвсгөл аймгийн Онцгой комиссын энэ оны ажлын тайлан, цаашид Улсын Онцгой комисст тавих саналыг сонслоо. Монгол Улсын Шадар сайд, Улсын Онцгой комиссын дарга Ө.Энхтүвшин өнгөрсөн нэг сард ирэхдээ өгсөн үүрэг даалгаврыг сайн биелүүлсэн байна. Аймгийн Онцгой комиссын хийж хэрэгжүүлж буй олон ажлыг үр дүнтэй арга хэмжээнүүд байна" гэж онцлоод цаашид эрүүл бүс нутгаа хамгаалахад анхаарал сэрэмжээ бууруулж болохгүй, ой хээрийн түймэр, усны осол, газар хөдлөлт зэрэгт сэрэмжлүүлэг мэдээ, мэдээлэл тогтмол өгч байхыг анхааруулав.
Хуралдааны төгсгөлд Монгол Улсын Шадар сайдад дараах хүсэлтүүдийг тавьж байлаа. Үүнд: Малын гоц халдварт өвчингүй эрүүл бүс нутгаа хамгаалахын тулд "Хорио цээрийн тусгаарлах байгууламж, авто замын хяналтын иж бүрэн пост байгуулах",  Малын эмч нарын үйлчилгээний хөлсний үнийг нэмэгдүүлэх, Аймгийн Хүнс, хөдөө аж ахуйн газарт ариутгал, халдваргүйтэлийн "Дук" машин авах шаардлагатай байгааг уламжлав. Мөн Мөрөн сумын малчны хороололд хүн, малын ундны гүний худаг гаргуулах, Хөвсгөл Азза компаний онцгой байдлын үед ажиллах, урьдчилан сэргийлэх чиглэлээр ажиллах ковштой болох, Мөрөн-Хилэнтийн гүүрний хооронд 5,6 км авто зам бариулах, Цаг агаарт зориудаар нөлөөлөх хур тунадас оруулах үйл ажиллагааг дэмжих, пуужин нэмж авах, экспидицийн нэмэлт баг гаргаж ажиллуулах хүсэлтийг аймгийн Онцгой комиссын дарга Л.Ганболд уламжлав. Монгол Улсын Шадар сайд, Улсын Онцгой комиссын дарга Ө.Энхтүвшин Мөрөн сумын Шинэ Мөрөн худаладааны төв, Ахмадын сувилал, Мэргэжлийн хяналтын газрын барилгын ажил зэрэгтэй танилцаж үдээс хойш Хатгал тосгонд ажиллав.
Хатгал тосгонд анх 1969 онд үйл ажиллагаа явуулж эхэлсэн гал унтраах 69-р анги 2000 онд татан буугдсан байна. Тус ангийг 2017 онд  орон нутгаас санал тавьж энэ онд дахин байгуулж үйл ажиллагаагаа эхэлсэн юм. Шадар сайд Гал унтраах 69-р ангийн  үйл ажиллагаатай танилцлаа. Тус анги нь гал унтраах нэг машин,  ойрын дуудлагын уаз-469 машинтай үйл ажиллагаа явуулж байна. Байрны засвар, халаалт,  тоног төхөөрөмжийн асуудлыг шийдвэрлэж өгөхийг хүслээ. 
 
Б.Гантуяа
Таньд мэдээлэл таалагдаж байвал like хийнэ үү. Баярлалаа

Ил тод байдал

Сайтын хандалт

Өнөөдөр:   23
Нийт хандалт:   152706
Таны IP:   54.166.172.180