Хөвсгөл аймгийн  татварын хэлтэс нь 2014 онд Төрийн үйлчилгээг ил тод нээлттэй хүртээмжтэй хүргэн улс орныхоо сан хөмрөгийг бүрдүүлэх ажилд идэвхи зүтгэл гарган ажилласан тул Хөвсгөл аймгийн хэрэглэгчдийн эрх ашгийг хамгаалах нийгэмлэгээс “ХЭРЭГЛЭГЧЭЭ ДЭЭДЛЭГЧ БАЙГУУЛЛАГА”-аар төрийн байгууллагуудаас шалгарсан бөгөөд Татварын ерөнхий газраас 2015 оныг “Бизнес эрхлэлтийг  дэмжих жил”  болгон зарласантай холбогдуулан 2015 оны 1 дүгаар сарын 22-нд   Татварын хэлтсийн дарга В.Баяраа  Хөвсгөл аймгийн дахь худалдаа аж үйлдвэрийн танхимын дарга Ж.Сарангэрэл нар татвар төлөгч нартай уулзалт ярилцлага  зохион байгууллаа.

            Уг уулзалт ярилцлагаар Татварын хэлтсийн  2014 хийсэн ажлын тайлан, цаашид хэрэгжүүлэх арга хэмжээ болон  Татварын ерөнхий газарт татварын хэлтэс хэрхэн яаж дүгнүүлдэг талаар ойлголт өгч мөн  татвар төлөгч нарт учирч буй хүндрэл бэрхшээл, татварын хуулийг хэрэгжүүлэх явцад гарч буй  ойлгомжгүй  байгаа хуулийн заалтыг тайлбарласан бөгөөд худалдаа аж үйлдвэрийн танхимаас 2015 онд Худалдаа аж үйлдвэрийн танхимын дэргэд        “Татварын зөвлөл” байгуулах санал оруулж, зөвлөл нь ямар чиглэлээр, хэрхэн ажиллах талаар санал бодлоо солилцлоо. Уулзалт ярилцлаганд нийт 35 аж ахуй нэгж байгууллагын захирал болон нягтлангууд оролцлоо.