ХӨВСГӨЛ АЙМАГТ ЭРҮҮЛ МЭНДИЙН САЙД С.ЭНХБОЛД АЖИЛЛАЛАА.

3744

2022.03.26

Азийн хөгжлийн банкны санхүүжилтээр хэрэгжиж буй “Эрүүл мэндийн салбарын хөгжил хөтөлбөр 5” төслийн хүрээнд 1.8 тэрбум төгрөгийн санхүүжилтээр Хөвсгөл аймгийн нэгдсэн эмнэлгийн төвлөрсөн ариутгалын тасгийн барилгын их засвар, тоног төхөөрөмж ханган нийлүүлэгдэж, шинэчлэл хийгдсэн. Тус тасаг нь 2 ээлжээр үйл ажиллагаагаа явуулах боломж бүрдэж мэс заслын тасаг болон бусад тасаг нэгжүүдийн ариутгалын үйл ажиллагааг чанарын өндөр түвшинд гүйцэтгэх боломж бүрдсэн юм. Уг нээлтийн ёслолд Эрүүл мэндийн сайд С.Энхболд, эрүүл мэндийн салбарын хөгжил хөтөлбөр 5 төслийн зохицуулагч А.Мөнхтайван болон эрүүл мэндийн яам, орон нутгийн удирдлагууд оролцлоо.