АЙМГИЙН ЗАСАГ ДАРГА П.ЛХАГВАЖАВ ӨВӨЛЖИЛТИЙН БЭЛТГЭЛ АЖЛЫГ БҮРЭН ХАНГАХ ҮҮРЭГ ЧИГЛЭЛ ӨГЛӨӨ

Мэдээ Хөгжлийн бодлого, төлөвлөлт Хөрөнгө оруулалтын хэлтэс
2023.09.15
Хэлтэс, Агентлагийн дарга нарт хугацаатай үүрэг өглөө
Уулзалтад Хөвсгөл аймгийн Засаг дарга П.Лхагважав, аймгийн ЗДТГ-ын даргын албан үүргийг түр орлон гүйцэтгэгч Э.Улам-Өсөх, “Хөвсгөл” УСНААК-ийн захирал Д. Сүхбат, Аймгийн ХХААГ-ын дарга Я.Эрхэмбаяр, "Хөвсгөл дулааны станц" ТӨХК-ийн захирал Д.Цанлигренчин, Мөрөн сумын Засаг дарга Д.Идэрмөнх, Мөрөн ХТҮТ-ийн дарга С.Мөнх-Эрдэнэ, “Хөвсгөл эрчим хүч” ХХК-ийн ерөнхий инженер Даваадорж, Аймгийн ЗДТГ-ын ХБТХОХ-ийн дарга Б.Оюунтуяа, Аймгийн ЗДТГ-ын ХБТХОХ-ийн мэргэжилтэн Д. Чинзориг нар оролцож өвөлжилт, болон цаг үеийн асуудлаар мэдээлэл солилцлоо.
✅Хөвсгөл аймгийн хэмжээнд мал аж ахуйн салбарын өвөлжилтийн бэлтгэл ажил 21,7 хувьтай байгаа бөгөөд төв суурин газрын өвөлжилтийн бэлтгэл 75 хувьтай хангагдаж байна.
✅Мөрөн сумын хэмжээнд өвөлжилтийг хангуулахаар 27 арга хэмжээг зохион байгуулан 7 хоног бүрээр хэрэгжилтийг ханган ажиллаж байна. өнөөдрийн 53 хувьтай хангажээ.
✅Хөвсгөл УСНААК 70 хувьтай өвөлжилтийн бэлтгэл ажлыг ханган ажиллаж байна
✅“Хөвсгөл эрчим ХХК” 75 хувьтай өвөлжилтийн бэлтгэл ажлыг ханган ажиллаж байна
✅Хөвсгөл дулааны станцын өвөлжилтийн бэлтгэл ажлын гүйцэтгэл 80 хувь, нүүрсний нөөцийг 10 дугаар сарын 01-ний өдөр хүртэл хангажээ.