АЙМГИЙН ХХҮГ-ЫНХАН “НЭГ СЭТГЭЛ НЭГ ХАМТ ОЛОН АЯНЫГ ХАНХ СУМАНД ӨРНҮҮЛЭВ
Онцлох мэдээ
Нийгмийн бодлогын хэлтэс
2024.04.01
Хамт олны сэтгэлээр дэм хайрласан өдөр байла
Аймгийн төвөөс 280км алслагдсан сумын иргэдэд Хөдөлмөр халамжийн үйлчилгээг хүргэж, энэ онд хэрэгжих төсөл хөтөлбөрийн тухай мэдээлэл өгч, салбар бүрд хүрч ажиллалаа. Аймгийн ХХҮГ-ын албан хаагчид “НЭГ ХАМТ ОЛОН НЭГ СЭТГЭЛ” аяныг өрнүүлж шинээр барьж буй амины орон сууцыг нь гүйцээн засварлаж нэг нэгэндээ дэм хайрлаж амьдралд нь өнгө нэмлээ. Ханх сумын Хөдөлмөр эрхлэлт, халамжийн асуудал хариуцсан мэргэжилтэн М. Эрдэнэсүрэн 15 жил тус сумандаа ажилласан бөгөөд сум орон нутгийнхаа иргэдийн халамжийн асуудлыг бүрэн хариуцан ажилладаг туршлагатай мэргэжилтэн билээ. Ийнхүү хамт олон нь дэм хайрлаж тус байшинг доторлон засварлаж аймгаас 18 ажилтан 3 өдрийн турш Ханх суманд ажиллаж өөрсдийн гараараа энэ сайхан өргөөг бүтэн болгон дутуу байсан дотор гадна засварыг хийж М.Эрдэнэсүрэнд гэнэтийн бэлэг барилаа.
Аймгийн ХХҮГ-ын дарга Т.Раднаабүд дарга хэлсэн үгэндээ “… Сэтгэл зүтгэлээрээ нэгдэж ажилласан нийт албан хаагчдадаа баярлалаа энд бидний нэг нь нийтийн төлөө нийт нь нэгний төлөө гэсэн сэтгэл харагдаж байгаа юм. Тус аяныг манай байгууллага 2 дахь жилдээ л өрнүүлж байна.Нэг хамт олон нэг сэтгэлтэй байхад ямар ч ажлыг бүтээж чаддагийн тод жишээ гэж харж байна хэмээлээ…”