ТҮР ОРШИН СУУГЧДЫН ЭРҮҮЛ МЭНДИЙН АСУУДЛААР ХЭЛЭЛЦҮҮЛЭГ ЗОХИОН БАЙГУУЛЛАА

Хөвсгөл аймгийн Засаг дарга Пилжээгийн Лхагважав, Засаг даргын Тамгын газрын даргын албан үүргийг түр орлон гүйцэтгэгч Б.Батбилгүүн нар 2024 оны 04 дүгээр саоын 02-ны өдөр Мөрөн сумын түр оршин суугчдад үзүүлж буй эрүүл мэндийн тусламж үйлчилгээний өнөөгийн байдал, цаашид анхаарах асуудлын талаар хэлэлцүүлэг зохион байгууллаа.
#Хэлэлцүүлгээр дараах 2 асуудлаар хэлэлцэж оролцогчид санал солилцлоо.
Үүнд:
✅1.Мөрөн сумын түр оршин суугчдад үзүүлж буй эрүүл мэндийн тусламж үйлчилгээ, өнөөгийн байдал, цаашид анхаарах асуудал
✅2. Мөрөн сумын 14 багт түр оршин сууж буй иргэдэд тулгамдаж буй асуудал 2 сэдвийн хүрээнд ярилцлаа. Уг хэлэлцүүлэгт Аймгийн Засаг дарга, ЗДТГ, НБХ, ЭМГ, Улсын бүртгэлийн хэлтэс, Боловсрол Шинжлэх ухааны газар, Иргэний нийгмийн байгууллагын төлөөлөл, Мөрөн сумын Засаг дарга, Эрүүл мэнд, Нийтийн биеийн тамирын асуудал хариуцсан мэргэжилтэн, Мөрөн сумын бүх Багийн Засаг дарга, өрхийн Эрүүл мэндийн төвийн дарга нар, хамгийн их түр оршин суугчтай Бүрэнтогтох, Төмөрбулаг, Арбулаг, Алаг-Эрдэнэ, Түнэл сумдын Засаг дарга нар цахимаар болон танхимаар оролцлоо.
#Хэлэлцүүлгийн үр дүнд аймгийн Засаг дарга Сумдын Засаг даргын Тамгын газар, Өрх сумдын Эрүүл мэндийн байгууллагууд ажлын уялдаа холбоогоо ханган түр оршин суугчдын бүртгэл судалгааг нарийвчлан гаргах, хэлэлцүүлэгт оролцсон байгууллагын дарга нарт тулгамдсан асуудлыг салбар дундын оролцоотой хамтран шийдвэрлэх үүрэг чиглэл өгч, хэрэгжилтийг ойрын хугацаанд тооцон шаардлагатай зарим асуудалд тухай бүр аймгийн Засаг даргын шийдвэр гарган гарч болзошгүй эрсдлийг бууруулан ажиллахаар боллоо.