АЛУНГОО ЭХИЙН СУРГААЛИЙН БАЯР

Чингис хааны язгуурын 11 дэх үеийн дээд өвөг, түүхт эх хатдын дээд өрлөг Алунгоо хатан ээжийн алсын холч хараа, мэргэн ухааныг хойч үедээ мөнхлөн үлдээх зорилгоор Алунгоо эхийн сургаалийн баярыг жил бүр 7 дугаар сарын 29,30 өдөр Хөвсгөл аймгийн Чандмань-Өндөр суманд зохион байгуулж байна. Хөтөлбөрийн хүрээнд Хатан  ээжийн хөшөөнд хүндэтгэл үзүүлэх үйл ажиллагаа, Сургаалиар хүмүүжсэн монголчууд эрдэм шинжилгээний хурал, Өсвөр үеийн хүүхдийн барилдаан, “Добу мэргэн” сур харвааны тэмцээн, Хүүхдийн урлагийн наадам, Дааганы уралдаан, Малчин монгол үзүүлбэр, Даншгийн 3н зааны нэрэмжит барилдаан гэх мэт арга хэмжээнүүдийг зохион байгуулдгаараа онцлогтой юмаа.