Сарлаг фестиваль

Сарлаг наадам нь жил бүрийн Хөвсгөл аймаг Хатгал тосгонд 7 дугаар сарын 20 өдөр монгол сарлагийг сурталчлах, малчдын сарлаг маллах уламжлалт арга ухаан болон түүх соёлын өвийг олон нийтэд сэргээн таниулах, сарлагийн түүхий эд / сүү, мах, арьс шир, хөөвөр/-ийг ашиглан өрхийн орлого нэмэгдүүлэх болон аялал жуучлалын бүсийн малчдыг дэмжих урамшуулах зорилготой. Сарлаг наадмын үеэр Сүлжмэл бүтээгдэхүүн болон сарлагийн сүү, Сүүн бүтээгдэхүүн, Гар урлалын бүтээгдэхүүний үзэсгэлэн худалдаа, Бөхийн барилдаан, Үндэсний сур харвалтын тэмцээн, Сарлаг бугуйлдах, булгиулах тэмцээн, Сарлагийн хөөврөөр хийсэн бүтээгдэхүүний загварын үзүүлбэр, Хамгийн их сүүтэй сарлагийн үнээг шалгаруулах, Сарлаг унасан сайхан хос шалгаруулах тэмцээн, Шилдэг эссэ, шүлгийн уралдаан, Хамгийн их сарлагийн хөөвөр бэлтгэсэн хоршоо, Хамгийн их сарлаг оролцуулсан малчин шалгаруулах, шагнаж урамшуулах үйл ажиллагаа явагддаг.