ХӨВСГӨЛД ЗОЧЛОХ ЖИЛИЙН НЭЭЛТИЙН АРГА ХЭМЖЭЭ 2023.01.15 ХАТГАЛ ТОСГОН ТОЙЛОГТ ЖУУЛЧНЫ БААЗ ДЭЭР БОЛЛОО.

"Хөвсгөлд зочлох жил"-ийн нээлт Хөвсгөл нуурын эрэг дэх Тойлогт жуулчны баазад боллоо. Нээлтийн арга хэмжээнд Хөвсгөл аймгийн Засаг дарга Ш.Идэрбаясгалан, ИТХ-ын дарга Г.Мөнгөнхуяг, ЗДТГДарга Б.Мөнгөн-Эрдэнэ, МҮХАҮТ-ын Ерөнхий нарийн бичгийн дарга С.Баясгалангаар ахлуулсан зөвлөх баг, олны танил Маск продакшны жүжигчин Баярмагмагнай дуучин Алтанжаргал хэвлэл мэдээллийн салбарын төлөөллүүд Zarig.mn, MNB орон нутаг дахь төлөөлөгч, Хөвсгөлийн өнгө сайт, Хөвсгөл аймгийн ХДТ-ын уран бүтээлчид, СУГ, БОАЖГ, аймгийн ХАҮТ-ын төлөөлөл, аялал жуулчлалын чиглэлээр үйл ажиллагаа эрхлэгч ААН байгууллагийн төлөөллүүд оролцлоо.

Энэ үеэр аймгийн удирдлагууд Хөвсгөл аймаг 2023 онд аялал жуулчлалын салбараа хөгжүүлэх, жилийн 4н улирлын төрөлжсөн аялал жуулчлалын бүтээгдэхүүнийг нэмэгдүүлэх, аялал жуулчлалын улирлын хугацааг уртасгах, төр хувийн хэвшлийн үр дүнтэй хамтын ажиллагааны хүрээнд аймгийн болон сумдын онцлогт түшиглэсэн аялал жуулчлалыг хөгжүүлэх, гадаад, дотоод сурталчилгааг идэвхжүүлэхээр зорин ажиллаж байна” гэдгийг онцлов.

Хөвсгөлд зочлох жилийн хүрээнд аялал жуулчлалын салбарыг цахимжуулахаар аймгийн Засаг дарга Ш.Идэрбаясгалан Ай Трип ХХК-ийн төслийн зохицуулагч М.Дархижав

Аялал жуулчлалын салбарын хоолны өв соёлыг ОУ-ын түвшинд хүргэх, суртчилан таниулах зорилгоор Монголын гасроном аялал жуулчлалын холбооны тэргүүн Ө.Мөнхсайхан нар санамж бичигт гарын үсэг зурлаа.

Тус санамж бичиг нь аялал жуулчлал, зочлох үйлчилгээний байгууллагуудын технологийн ур чадварыг нэмэгдүүлэх, сурталчлах, төрийн байгууллагуудын гаргаж буй тушаал шийдвэр хууль тогтоомж дүрэм журмуудыг салбарын байгууллага хувь хүмүүст таниулах, аялал жуулчлалын салбарын дата дэд бүтцийг төр хувийн хэвшлийн замаар бий болгож нутагшуулах зорилготой юм. Энэ нь аялал жуулчлалын салбарыг бүрдүүлэгч талуудын мэдээлэл бүхий цахим санг бий болгох, жуулчдад хэрэгцээтэй мэдээ, мэдээллээр хангах, шуурхай үйлчилгээ авахад туслах аюулгүй орчныг бий болгох, жуулчдыг татах, мэдээлэл өгөх, захиалга авах, цахим үйлчилгээ үзүүлэхтэй холбоотой бусад орны томоохон системүүдтэй шаардлагатай дата солилцох, аялагч жуулчдад Хөвсгөл нутгийг таниулан сурталчлах мөн аялал жуулчлалын салбарын хоолны өв соёлыг ОУ-ын түвшинд хүргэх олон талт ач холбогдолтой ажээ.

Мөн нээлтийн арга хэмжээний нэг хэсэг болох Тахтай морин чарганы уралдааныг нутгийн иргэдийн дунд зохион явуулсан юм. Тахтай морин чарганы уралдаан нь Монголд ганц болох бренд бөгөөд энэ нь Газрын цэнхэр нүдэн

Хөх сувдан орон

Хөвсгөл далайн толин цэнхэр мөсөн дээр болдгоороо онцлог юмаа.