Архивын тасгийн товч танилцуулга

1795

2023.04.27

ЭРХЭМ ЗОРИЛГО

Архив, албан хэрэг хөтлөлтийн талаар төрөөс баримтлах бодлогыг аймгийн хэмжээнд хэрэгжүүлж, төрийн архивын нөхөн бүрдүүлэлт, хадгалалт хамгаалалт, ашиглалтыг боловсронгуй болгон архив, албан хэрэг хөтлөлтийн үйл ажиллагаанд мэдээллийн технологийг нэвтрүүлж, аймгийн түүхийн үнэт өв болох баримт, эх сурвалжийг бүрэн бүтнээр нь хойч үедээ өвлүүлэх, хадгалах, судлагаа шинжилгээд ашиглуулах

ҮҮСЭЛ ХӨГЖИЛ

Архивын үүсч байгуулагдсан огноо: 1957.12.20

Архив байгуулсан шийдвэр, нэрийн өөрчлөлт:

Хөвсгөл аймгийн Хөдөлмөрчдийн Депутатуудын Хурлын гүйцэтгэх захиргааны 1957 оны 12 дугаар сарын 20-ны “ Архивыг ажилд нь оруулах тухай” 107 дугаар захирамжаар анх байгуулагдсан.

МУЗГ-ын 2005 оны 12 дугаар тогтоолоор аймгийн Засаг даргын Тамгын газрын Төрийн захиргаа удирлагын хэлтсийн Архивын тасаг

МУЗГ-ын 2007.01.24-ний 25 дугаар тогтоолоор аймгийн Засаг даргын Тамгын газрын Хууль зүйн хэлтсийн Архивын тасаг

МУЗГ-ын 2016.08.03-ны 09 дүгээр тогтоолоор аймгийн Засаг даргын Тамгын газрын Хууль, эрх зүйн хэлтсийн Архивын тасаг

ҮНДСЭН ҮЙЛ АЖИЛЛАГАА

- Төрийн болон төрийн өмчийн аж ахуйн нэгж байгууллагын үйл ажиллагааны явцад үүссэн түүх эрдэм шинжилгээ, мэдээлэл лавлагааны ач холбогдол бүхий баримт бичгийг төрийн архивт төвлөрүүлэн авч хадгалах, баримтанд архив зүйн үүднээс эрдэм шинжилгээ техник боловсруулалт хийх

- Архивын баримт бичгийн эрэлт хайлтын үйл ажиллагааг боловсронгуй болгож эрдэм шинжилгээний мэдээллийн сан бүрдүүлэх

- Архивын баримтаас байгууллага, иргэдэд лавлагаа мэдээллээр үйлчлэх

- Архивын баримтыг судлах, сурталчлах, хэвлэн нийтлэх

- Архивын хадгалалтын найдвартай нөхцөлийг бүрдүүлэх

- Архивын хөмрөг үүсгэгч байгууллагуудад мэргэжил, арга зүйн туслалцаа үзүүлэх

- Архив, албан хэрэг хөтлөлтийн үйл ажиллагаанд мэдээллийн технологийг нэвтрүүлэх

- Архив, албан хэрэг хөтлөлтийн хууль тогтоомжийн хэрэгжилтэд хяналт тавих

БҮТЭЦ ОРОН ТОО

АЙМГИЙН АРХИВЫН ТАСГИЙН ДАРГА САН ХӨМРӨГИЙН ЭРХЛЭГЧ ЛАВЛАГААНЫ АРХИВЧ