Эрчим хар үүлдрийн ямаа

4907

Тархалт:

Эрчим хар үүлдрийн ямааны үржлийн цөм сүргийг Хөвсгөл аймгийн Төмөрбулаг суманд үржүүлж байна. Хөвсгөл аймгийн бүх сум, тус аймагтай хил залгаа Архангай, Булган аймгийн сумын ямаан сүргийн ашиг шимийн гарц, чанарыг сайжруулахад сайжруулагчаар ашиглана.

Бий болгосон үржил селекцийн арга:

Ойт хээрийн бүс дэх Хөвсгөл аймгийн Төмөрбулаг сумын нөхцөлд  ардын уламжлалт селекцийн үр дүнд бий болсон ямаан сүргийг түшиглэн Горно-Алтай үүлдрийн ямаагаар сайжруулах ажлыг шинжлэх ухааны үндэстэй явуулсны үр дүнд ноолуур-мах сүүний ашиг шимийн чиглэлийн Эрчим хар ямааг бий болгожээ.

Ашиг шимийн үндсэн чиглэл:

Нарийн /кашмир/  ноолуур, мах сүүний хосолмол

Эрчим хар үүлдрийн ямааны онцлог:

Эрчим ямаа манай орны өндөр уул, ойт хээрийн бүсийн байгаль, цаг уурын нөхцөлд бэлчээрээр маллахад зохицсон, сахлаг хар хүрэн өнгийн хялгастай, бараан саарал, цайвар саарал өнгийн ноолууртай. Гэдэс хөлийн ноолууржилт хангалттай, хялгас ноолуураа давж ургасан байна. Бусад үүлдэр, омгийн ямаанаас 1,8-5,9 кг-аар илүү амьдын жинтэй бөгөөд амьдрах чадвар сайтай, урт ноолууртайгаараа онцлог юм.

Үүлдрээр баталгаажсан огноо, шийдвэрийн дугаар:

ХХААХҮЯ-н сайдын 2017 оны А/72 дугаар тушаал.

Эрчим хар үүлдрийн ямааны тодорхойлолтыг бичсэн:

Ахмад Мал зүйч Б.Шарбанди, доктор профессор Мал зүйч Н.Надмид, Монгол улсын гавьяат Мал зүйч Д.Доржсэмбэ, Шинжлэх ухааны гавьяат ажилтан Б.Чутнай, Хөвсгөл аймгийн Хүнс, хөдөө аж ахуйн газрын дарга асан, мал зүйч Г.Баттулга, Хөвсгөл аймгийн Хүнс, хөдөө аж ахуйн газрын Мал үржлийн албаны дарга Б.Бямбасүрэн, Төмөрбулаг сумын Мал эмнэлэг, үржлийн тасгийн мал зүйч Б.Алтанцэцэг, ахмад мал зүйч Ш.Мижиддорж

Тохиромжтой хэвшлийн ямааны үндсэн ашиг шимийн доод үзүүлэлт:

Цаашид баримтлах үржил селекцийн ажлын чиглэл:

Өөр дотор нь цэврээр үржүүлж аж ахуй биологийн ашигтай шинж чанаруудыг бататган сайжруулах, тархалтын хүрээг өргөтгөхийн  зэрэгцээ  ойт хээрийн бүсийн ямааны ашиг шимийг сайжруулахад ашиглах