Дархад омгийн адуу

2075

Тархалт:

Хөвсгөл аймгийн Галт, Арбулаг (хатгал), Галт, Тариалан, Тосонцэнгэл, Ханх сумдад сайжруулагчаар Рэнчинлхүмбэ, Улаан-Уул, Баянзүрх, Цагааннуур сумдад цам сүргийг өсгөн үржүүлж байна.

Бий болгосон үржил селекцийн арга:

Ардын селекцийн үр дүнд бий болсон адуун сүрэгт шилэн сонголт, тохируулан сонголт хийж, удам дагуулан үржүүлж бий болгосон.

Уналга- эдэлгээ мах сүүний чиглэлээр

Дархад адууны онцлог:

Дархад омгийн адуу нь далайн түвшнээс 2000 гаруй метр өндөрт өргөгдсөн тайгын болон өндөр уулын бэлчээрийг ашиглахдаа гойд сайн зохицсон хөл, туруу, ул таваг, гол ясны хөгжил сайтай, их сонор соргог, өлчир, дан бэлчээрээр онд ордог.
Байгаль цаг уур, экологийн нөхцөл байдалтайгаа зохицон үсэн бүрхүүлийн ургалт эрт явагддаг. Өвөл 40-60 см зузаан цастай бэлчээрээс цас малтан идэш тэжээлээ олж иддэг онцлогтой. Дархад адуу нь өвөл, хаврын улиралд тарга хүчээ төдийлөн алдахгүйгээс гадна салхи шуургатай үед уруудах биш сөрж, уулын таг руу гарч зузаан цасыг хөлөөрөө малтан сүрэглэн идээшлэх, гадны халдлагаас биеэ хамгаалах чадвар хөгжсөн. Дархад адуу нь богино бахим хүзүүтэй, цээж өргөн, гүн, гэдэс хэвлий том, бие урт, булчин махны хөгжил сайтай, арьс зузаан, алхаа хөдөлгөөн тайван, өтгөн дэл сүүлтэй, хүч чадал сайтай зэрэг галбирын онцлогтой. Зонхилох зүс нь цагаан бор бөгөөд хар сормуус бүхий бараан зовхитой байдаг нь цастай бэлчээрт идээшлэхэд нүд царгихаас хамгаалах үүрэг гүйцэтгэдэг байна.

Ашиг шимийн үндсэн чиглэл:

Цаашид баримтлах үржил селекцийн ажлын чиглэл:

Уналга-эдэлгээ мах сүүний чиглэлээр цөм сүргийн сумдад удам дагуулан үржүүлж, бусад сумдуудад сайжруулагчаар ашиглана