ХАМТЫН АЖИЛЛАГАА
“ТӨРИЙН БАЙГУУЛЛАГЫН ТУРШЛАГА” УУЛЗАЛТ БОЛЛОО
3583
![](https://khovsgol.gov.mn/uploads/image/2023/07/1920x0/1688438431_ce9b7c474f663e05e853.jpg)
2023.07.04
2023 оны 06 дугаар сарын 27-нд аймгийн Засаг даргын Тамгын газраас Хөгжлийн шийдэл ТББ-тай хамтран төр байгууллага, иргэний нийгмийн байгууллагын хамтын ажиллагааг бэхжүүлэх, төрийн зарим чиг үүргийг хувийн хэвшил, төрийн бус байгууллагаар гүйцэтгүүлэх боломж, бусад аймгийн туршлага хуваалцах зорилгоор “Төрийн бус байгууллагын туршлага” сэдэвт уулзалтыг аймгийн Засаг даргын Тамгын газрын “Иргэний танхим”-д зохион байгууллаа.
Тус уулзалтад аймгийн Засаг даргын тамгын газрын Төрийн захиргааны удирдлагын хэлтсийн дарга, мэргэжилтэн болон Хөвсгөл аймагт үйл ажиллагаа явуулж буй 22 төрийн бус байгууллагын төлөөлөл оролцож дараах асуудлаар санал солилцож, шийдвэрлэхээр боллоо.
- Аймгийн ЗДТГ-ын www.khovsgol.gov.mn сайтад Иргэний нийгмийн байгууллага, Төрийн бус байгууллагын талаарх мэдээлэл хүргэх ШИНЭ ЦЭС гаргаж иргэний нийгмийн байгууллагуудын хийж хэрэгжүүлсэн төсөл хөтөлбөр, бүтээлийн жагсаалтыг гарган сурталчлах, олон нийтэд танилцуулах цуврал контент бэлтгэх, мэдээллийн ил тод байдлыг хангаж ажиллах
- “Төрийн байгууллага, албан тушаалтны үйл ажиллагаанд олон нийтийн хяналтыг хэрэгжүүлэх журам”-ийг хэрэгжүүлэх ажлыг төрийн бус байгууллагаар гүйцэтгүүлэх
- Үйлчлүүлэгчдээс авлигын эрсдэл, үйл ажиллагааны хүндрэл, бэрхшээлийг тодорхойлох сэтгэл ханамжийн судалгаа авах, үр дүнг нэгтгэх ажлыг төрийн бус байгууллагаар гүйцэтгүүлэх
- Иргэний нийгмийн байгууллагын зөвлөлийн бүтцийг судалж, дахин ярилцах 5. Уулзалтад оролцсон бүх төрийн бус байгууллагын саналыг нэгтгэн холбогдох удирдлага болон аймгийн Засаг даргад танилцуулах