ИРГЭДЭЭС ТӨРИЙН БАЙГУУЛЛАГА АЛБАН

ТУШААЛТАНД ГАРГАСАН ӨРГӨДӨЛ ГОМДЛЫН

ШИЙДВЭРЛЭЛТИЙН ТАЙЛАН

(2024 оны 1 дүгээр улирлын байдлаар)

       Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хууль, “Иргэдийн өргөдөл гомдлыг шийдвэрлэхтэй холбогдсон зарим арга хэмжээний тухай” Засгийн газрын 2005 оны 67 дугаар тогтоолын дагуу Хөвсгөл аймгийн Засаг даргын Тамгын газар, аймгийн Засаг даргын эрхлэх асуудлын хүрээний 24 агентлаг байгууллага, 23 сумын Засаг даргын Тамгын газар, 1 тосгоны Захирагчийн ажлын алба  нийт 48 төрийн байгууллагын өргөдөл, гомдлын тайланг 2024 оны 1 дүгээр улирлын байдлаар нэгтгэн гаргалаа. 

       2024 оны 1 дүгээр улирлын байдлаар Хөвсгөл аймгийн хэмжээнд Төрийн байгууллага албан тушаалтанд иргэдээс нийт 1235 өргөдөл, гомдол, санал ирсэн. Үүнээс аймгийн Засаг даргын Тамгын газарт 124 буюу 10 хувь, аймгийн Засаг даргын эрхлэх асуудлын хүрээний агентлаг байгууллагад 469 буюу 38 хувь, сумдын Засаг даргын Тамгын газрын холбогдох албан тушаалтанд 642 буюу 52 хувь өргөдөл, гомдол тус тус ирсэн байна. Нийт 1235 өргөдөл ирснээс 1042 буюу 85,6 хувийг шийдвэрлэж хариу өгч ажилласан байна.

       Нийт ирсэн өргөдлийг зонхилох хувиар нь авч үзвэл хүсэлт 1063, гомдол 73, санал 64, мэдэгдэл 35 тус тус ирсэн байна. Нийт өргөдөлд нийгмийн даатгалтай холбоотой 289, ажлын байр хүссэн 242, нийгмийн халамжийн үйлчилгээтэй холбоотой 161, газар эзэмших, өмчлөхтэй холбоотой 171, модны зөвшөөрөл 95, иргэний шилжилт хөдөлгөөнтэй холбоотой 37, мөнгөн дэмжлэг хүссэн 45, шагнал хүссэн 31, бусад төрийн үйлчилгээ авахтай холбоотой 160 хүсэлтүүд зонхилох хувь эзэлж байна.

Аймгийн хэмжээнд ирсэн нийт өргөдлөөс гомдол 73 буюу 6 хувийг эзэлж байна. Гомдлыг дотор нь задалж үзвэл

• 19 буюу 26 хувийг Нийгмийн даатгалтай холбоотой асуудлаар,
• 11 буюу 15 хувийг Дулааны цахилгаан станцтай холбоотой,
• 10 буюу 13,6 хувийг Нийгмийн халамжийн үйлчилгээний талаар,
• 10 буюу 13,6 хувийг Хөвсгөл аймгийн зарим сумдад өвөлжилт хүндэрсэнтэй холбоотой,
• 8 буюу 10,9 хувийг Эрүүл мэндийн тусламж үйлчилгээтэй холбоотой,
• 8 буюу 10,9 хувь нь Төрийн албан хаагчийн харилцаа хандлагатай холбоотой,
• 5 буюу 6,8 хувийг Төрийн байгууллагын үйл ажиллагааны талаар,
• 2 буюу 2,7 хувийг бусад төрлөөр ирсэн гомдол тус тус эзэлж байна.

Аймгийн хэмжээнд 2024 оны 1 дүгээр улирлын байдлаар хугацаа хэтэрсэн 76 өргөдөл байсныг холбогдох байгууллагуудад нь өргөдлөө хуулийн хугацаанд шийдвэрлэж ажиллах тухай чиглэл албан бичгээр хүргүүлэв.

2024 оны 1 дүгээр улирлын байдлаар ажлын байр хүссэн 242 өргөдөл ирснээс 66 иргэн ажлын байраар хангагдсан, мөн мөнгөн дэмжлэг хүссэн 45 иргэн өргөдөл ирүүлснээс 36 иргэнд 21,200.000 төгрөгийн дэмжлэгийг тус тус үзүүлсэн байна.

Иргэдээс төрийн байгууллага, албан тушаалтанд гаргасан өргөдөл гомдлын шийдвэрлэлтийн хүрээнд хийгдсэн ажлаас дурдвал:

Аймгийн хэмжээнд өргөдөл, гомдлын шийдвэрлэлтийг Төрийн байгууллагуудын удирдлагын нэгдсэн ERP системд хяналт тавьж ажиллаж байна. 

Аймгийн Засаг дарга долоо хоног бүрийн Мягмар,  Пүрэв гарагт иргэдээ хүлээн авч санал хүсэлтийг нь сонсож, холбогдох арга хэмжээг авч ажиллаж байна.

   Аймгийн Засаг дарга сумдын Засаг дарга болон агентлаг байгууллагын дарга нартай 2024 онд хамтран ажиллах гэрээнд “Иргэдээс төрийн байгууллага, албан тушаалтанд гаргасан өргөдөл, гомдлын шийдвэрлэлт” болон тайлан мэдээ ирүүлсэн  байдлыг нэг шалгуур нэг үзүүлэлт болгон тусгаж, төрийн байгууллагуудыг үнэлж, дүгнэн холбогдох арга хэмжээг авч ажиллаж байна.

Иргэдээс төрийн байгууллага, албан тушаалтанд гаргасан өргөдөл гомдлын шийдвэрлэлтэд хяналт тавих, тайлан гаргахад анхаарах асуудлаар төрийн байгууллагуудад зөвлөмж гарын авлага хүргүүлж, сумд, агентлаг байгууллагын дарга нарын 2024 оны 1 дүгээр улирлын цугларалтад холбогдох мэдээллийг өгсөн.

Мөн сумын Засаг дарга, Засаг даргын Тамгын газрын дарга нар, хууль эрх зүйн мэргэжилтнүүдэд Иргэдээс төрийн байгууллага, албан тушаалтанд гаргасан өргөдөл, гомдлын шийдвэрлэлтэд хяналт тавих, тайлан гаргахад анхаарах асуудлаар сургалт зохион байгуулав.

   Иргэдийн санал хүсэлтийг хүлээн авах аймгийн Засаг даргын Тамгын газрын 7038-1111 утсаар  болон аймгийн хэмжээнд төрийн байгууллагууд байгууллагын утсаар иргэдийн санал хүсэлтийг хүлээн авч ажиллаж байна.

ХӨВСГӨЛ АЙМГИЙН ЗАСАГ ДАРГЫН

ТАМГЫН ГАЗАР