Хүүхэд, өсвөр үеийнхний дуу хоолойг сонсох, тэдний өмнө тулгамдсан асуудлыг шийдвэр гаргах түвшинд хүргэн үе шаттай хэрэгжүүлэх зорилгоор 2017 оноос хүүхэд, залуучуудыг сонсох арга хэмжээг сар бүрийн 11-ний өдөр хэрэгжүүлэн ажиллаж байна. 2023 оны арга хэмжээг өнөөдөр буюу 01 дүгээр сарын 11-ний өдөр эхлүүлж, аймгийн Засаг даргын Тамгын газрын иргэний танхимд 100 гаруй хүүхдийн дуу хоолой, санал хүсэлтийг сонслоо. Тус арга хэмжээнд аймгийн ЗДТГ-ын Нийгмийн бодлогын хэлтсийн ахлах мэргэжилтэн П.Галсандорж, мэргэжилтэн С.Отгонжаргал болон аймгийн ГБХЗХГ, БТСГ, ДЗМОУБ-ын “Хөвсгөл” орон нутгийн хөтөлбөр, сумын Засаг дарга, ХТЗ-ийн тэргүүн, сумын ЗДТГ-ын нийгмийн бодлогын мэргэжилтэн, сургуулийн нийгмийн ажилтнууд, сумын хүүхдийн зөвлөлийн гишүүд цахимаар оролцлоо. Цаашид аймгийн хүүхдийн XI чуулганаас гарсан шийдвэрийн хэрэгжилтийг эрчимжүүлэх, ЕБС-ийн спорт заалыг хүүхдэд ашиглуулах зохион байгуулалтыг оновчтой хийх, “Хүүхэд, залуучуудыг сонсох өдөр”-ийн арга хэмжээний нэгдсэн төлөвлөгөө хуваарийг баталж, хэрэгжүүлэхээр тогтлоо.

Хүүхэд, залуучуудыг сонсох дараагийн хуваарьт арга хэмжээ 2023 оны 02 дугаар сарын 11-ний өдөр зохион байгуулагдана.