Мэдээ, мэдээлэл
Аймгийн бүх шатны удирдах ажилтнуудад “Авлига, ашиг сонирхлын зөрчлөөс урьдчилан сэргийлэх, авлигын хор нөлөө, цаашид анхаарах асуудал” сэдвийн хүрээнд мэдээлэл хийлээ.
5953
“Хөвсгөл аймгийн удирдах ажилтны зөвлөгөөн” 2022 оны 03 дугаар сарын 28-29-ний өдрүүдэд аймгийн ЗДТГ-ын “Соёмбо” танхимд зохион байгуулагдлаа.
Тус зөвлөгөөний үеэр аймгийн ЗДТГ-ын Хууль, эрх зүйн хэлтсийн дарга, Авлигатай тэмцэх газрын сургагч багш М.Алтаншагай аймгийн бүх шатны удирдах ажилтнуудад “Авлига, ашиг сонирхлын зөрчлөөс урьдчилан сэргийлэх, авлигын хор нөлөө, цаашид анхаарах асуудал” сэдвийн хүрээнд мэдээлэл хийлээ.
Мэдээлэлд авлига, ашиг сонирхлын зөрчлийг үүсгэх суурь үндэс нь төрийн байгууллагын үйлчилгээний ойлгомжгүй байдал, хүнд суртал, чирэгдэл, мэдээллийн ил тод бус байдлаас шалтгаалдаг болохыг онцлоод цаашид орон нутгийн захиргааны байгууллагын хүнд суртал, чирэгдэл, ойлгомжгүй байдлыг арилгахын тулд “Хүний эрхэд суурилсан төрийн үйлчилгээ” аяныг зохион байгуулах болсон талаарх мэдээллийг зөвлөгөөнд оролцогчдод хүргэлээ.